Jeremia 17:10 - Labrador Inuttitut Heritage Bible

¹⁰ Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 17:10 Iomraidhean Croise

I Atannit 8:39

Tamânna igvit tusalauruk ᴋillangme, inneme inigijarne, isumagijungnainilutillo, pinniarlutillo, tunnijilutillo nellianut, agvertarnerilauktanga tamât malliklugo, sorlo omatinga illitarigangne; igvit kissivit inuit ᴋitorngangita ilûnnatik omatingit illitarigangne;

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

I Kronika 29:17

Nallungilanga Gûdiga omat ôktorangne, nallagôrnerlo ᴋuviagigangne. Tamânna pivlugo tamakkoa tamaita (ᴋunnutuidlunga) omamut nallagôrtomut tunnilaukpakka, ᴋuviasuklungalo mânna takkolaukpunga inuᴋotitit manêtut, ᴋunnutuidlutik tunnitsivigilaungmattit.

II Kronika 6:30

Tamanna igvit tussalauruk ᴋillangmit, innemit innigijarnit, issumagijungnainilutillo, illunaitalo attunît pinniarvigikit apᴋosinerilauktangit tamaita malliklugit, sorlo omattingit illitarigangne; igvit kissivit innuit ᴋittorngangita omattingit illitarigangne.

Hiobe 34:11

Tâpsomale inuk akkiniarpâ, sôrlo pinialaungningatut, attunîllo nachvârᴋovait apᴋosinerijatik malliklugit.

Imgerut 44:21

Gûdib tamanna nautsertorajangiᴋaûk? tâpsoma ômattib sagvangitôningit illitarigalloarmagit.

Imgerut 44:22

Pivlutille uvlok nâvlugo toᴋᴋotauvogut, inasugijaulutalo saukatitut toᴋᴋotaksatitut.

Imgerut 62:12

Igvillo Nâlegak saimarviᴋarpotit; illunaita attunit akkilêvigigangne pinniarningit malliklugit.

Imgerut 7:10

Sappulutara Gûdemêpok ômattinnik idluitailijunik ikajortome.

Imgerut 7:9

Gûdeᴋangitut kassêningit nungutaulît, idluartullo sullitsiartikit; igvit idluartôlutit Gûdeôjotit ômattit taktullo nautsertorangne.

Salomob Okâl 12:14

Angutib ᴋanerme annititangit nâmaksijutigijomârpait; inuglo akkiniartaujomârpok aggame piniarlauktangit malliklugit.

Salomob Okâl 17:3

Sôrlo ukkusib Silber kiaksautiblo Golde, taimâk Nâlekab ommatit oktorpait.

Okaluktok 9:3

Tamanna sugalungnerpauvok tamainit sekᴋerngûb atâne Pijoᴋartunit, ilûnatik adsigêktomik illiorneᴋarmatta; tamanna pivlugo inuit ômattingit tattalerputtauk idluitomik, ᴋaujimangojarneᴋarlunelo ômatinginne inôtillugit; kingornganelo tokᴋungajunut aijariaᴋarput.

Jesaiase 59:18

Piniarnerijangit malliklugit, illa tamakkoa malliklugit akkileromârpait akkerartortine ningaumajârnermik, ômigijine akkiniarnermik; ᴋikkertallo akkiniadlaromârpait,

Jeremia 11:20

Igville, Nâlagaᴋ Zebaot, idluartomik erᴋartuijotit, nautsertortotillo taᴋtuniglo ômatiniglo, takotilaunga akkiniarnerik tâpkoninga; ilingnut nalonaijaisimagama ilinganimnik.

Jeremia 12:13

Sanaugaksanik karngasoilauᴋput, kakkilautelingnigle katersoisimavut; ilungertorasualauᴋput, sulisimatsangilalle; katersortaselo kangusûtigijomârpase, Nâlakab ningaumajârninga ilungertudlartoᴋ pivlugo.

Jeremia 20:12

Nâlagarle Zebaot, idluartunik nautsertorteojotit, taᴋtuniglo ômateniglo tautuktotit, akkiniarnît tâpkoninga takolago; ilinganerijara nalonaijarsimagapko ilingnut.

Jeremia 21:14

Sugiaromavapselo piniarnipse saᴋᴋertangit maliklugit, oᴋarpoᴋ Nâlagaᴋ; ikitsijomavungalo ikomamik napârtungine, nungutsijomârporlo tamainik avatânêtunik.

Jeremia 23:2

Tamanna pivlugo imâk oᴋarpoᴋ Nâlagaᴋ, Israêlib Gudinga, pairᴋsijut nerripkaijut inuᴋotimnik pivlugit: Siamartilauᴋpase saugaᴋotikka, ᴋemâtilugillo, takojartornagillo; ahâk, piniarnipse idluiningit akkiniarutigijomavakka ilipsingnut, oᴋarpoᴋ Nâlagaᴋ.

Jeremia 32:19

Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Hesekiel 11:5

Nâlekablo ânanauningata tupvigivânga, oᴋautivângalo: Oᴋarit: Imâk oᴋarpoᴋ Nâlegaᴋ: Taimak oᴋarsimavose, ilipse Israêlib ᴋitorngangit; anernipse issumangit ilitarigapkit.

Hesekiel 14:5

Nappersiᴋovlunga Israêlib ᴋitorngangita ômatinginik, ilûnatik avilaungmatta uvamnit gudingoaliarijatik pivlugit.

Migga 7:13

Sullele nuna sunataᴋangitôjomârpoᴋ inungit pivlugit, piniarningitalo kinguningit pitjutigilugit.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Mattêuse 6:4

Tunijatit sagvartauᴋonagit. Atâtavillo, sagvangitomik tautuktub, akkileromârpâtit sagvartome.

Johannese 2:25

Inungmiglo nelojungnaititaujariaᴋangilak kimullônêt; ᴋaujimatsiarame inûb ilumigijanginik.

Apostelit Piniarningit 1:24

Tuksiarlutiglo oᴋarput: Nâlegak, inuit ilûnamatsiatik ômatinginik ᴋaujimajotit, nalonairuk, ukkungnangat maggungnit naliaᴋ aneringmangângne,

Rômiunut 6:21

Taipsomane taipkonangat ᴋanoêtunik piksarsivisê? Mâna kangusutigijapsingnik; toᴋomik taipkoa naggateᴋarmatta.

Rômiunut 8:27

Omatinigle kiglisiniartub (Gûdib) ᴋaujimavâ Anernerub issumanga; tâpsoma ivjornaitut akkisartormagit Gûdib idluarijanganut.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 22:12

Ahâk mânakasâkut ᴋainiarpunga, akkiliutiksaralo neksarlugo, akkileriartordlugit piniarningit maliklugit.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.