Jeremia 16:6 - Labrador Inuttitut Heritage Bible

⁶ Angijut mikijullo toᴋojuksauvut nuname tamattomane; iluvertaulângilat, inuillo oggorilângilait, killersilângilat nangminermingnik tâpkoa pivlugit, sallijaujutigilângilaillônêt.

Jeremia 16:6 Iomraidhean Croise

II Kronika 36:17

Tagva tikkitauᴋovait Kaldaerit attanninganut, tapsoma angutingit innuosuktut toᴋᴋopait iglome ivsornaitovingane, ivlerilaungilaillo innuosuktut angutillonêt uigârsuillonêt innutoᴋaujullonêt ᴋêrtojullonêt; Gudib illunaita tunnivait tapsoma agganginut.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jesaiase 24:2

Illũnatiglo adsigêmik illingajomârput: inuillo ajoᴋertuijullo, kivgarlo nâlegangalo, arnaᴋ kivgaujoᴋ kivgartorvigijangalo arnaᴋ, pissiniartorlo niuverniartelo, attartortitsijorlo attartortorlo, akkiliksaᴋarviojorlo akkiliksaᴋartorlo.

Jeremia 13:13

Igville oᴋautiniarpatit: Imâk Nâlagaᴋ oᴋarpoᴋ: Ahâk, nunab tamattoma inungit ilûnaita, aglât atanîttauᴋ iksivajut Davidib iksivautangane, ajoᴋertuijullo, nalautaijullo, Jerusalemiullo ilûnaita, imertitsomavakka tallanartomik tallasimaᴋovlugit.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 41:5

Angutit 80 tikiput Sikememit, Silomillo, Samariamillo, kipimajunik umilit, aliktorsimajuniglo annorâlit, killersimalutiglo, tunergutigilutik nerᴋiksanik, tipigiksautigilutiglo, Gudib iglunganut âtsomavlugit.

Jeremia 47:5

Nujairneᴋ tikipoᴋ Gâsamut; Askalon sunaungititauvoᴋ, naᴋsangata amiakungit; ᴋanoᴋ sivitutigijomik kileromavêt ilingnîk?

Jeremia 48:37

Niaᴋut ilûnatik nujairmatta, umillo ilûnatik salijaumangmatta; kileᴋarpoᴋ aggangne tamaine, makkiternalo pôᴋsajaᴋarpoᴋ.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Leviticus 19:27

Niaᴋupse nujangit angmaloᴋitautilugit salijaksaringilase, umipselo terreᴋungit sujugaksaringilase.

Leviticus 19:28

Kilertuksaungilase uvinipsingnik toᴋungajut pivlugit, tumneliortuksaunaselo ilipsingne; Uvanga Nâlegauvunga.

Amos 6:11

Ahâk, Nâlegak perᴋojivok, iglolo angijok ᴋopaᴋadlaromârpok, iglolo mikijok annêneᴋaromârpok.

Mattêuse 9:23

Jêsuselo angajoᴋâb iglunganut iterame, nipjausijartullo inuillo aulajâdlartut takogamigit,

Deuteronomy 14:1

ᴋitorngauvose Nâlekamut Gûdipsingnut; kilertuksaungilase nangminipsingnik, salijuksaunaselo ᴋablupsingnik tokungajut pivlugit.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 6:15

Atanîllo nunamêtut, nâlegaᴋsuillo akluitoksuillo, Angajoᴋâviksuillo, sôngojullo kivgaujullo, kivgaungitullo ilûnatik ijeriartorput ᴋairosungnelo ᴋakᴋallo ᴋongnângine,