Jeremia 16:3 - Labrador Inuttitut Heritage Bible

³ Imâk Nâlagaᴋ oᴋarmat ernît panîllo nuname tamattomane inûlertut pivlugit, anânangillo ernijut tâpkoninga pivlugit, atâtangillo ernetârtut tâpkoninga nuname tamattomane pivlugit:

Jeremia 16:3 Iomraidhean Croise

Jeremia 15:8

Uigarningit unuksisimavut uvamnut, ununersauvlutik imarbiub sioranginit; inôsuktut anânangat tikitautisimavara asseroijomut uvlub ᴋeterarningane; opingartautisimavara kapiasungnermut sivôranartunullo.

Jeremia 16:2

Nulianiktuksaungilatit, ernetârtuksaungilatillônêt panitârtuksaungilatillônêt nuname tamattomane.

Jeremia 16:5

Nâlagaᴋ oᴋarmat imâk: Iglo ᴋeavik itervigijaksaringilat, ogguaᴋataujartortuksaungilatillônêt ᴋeaginagillônêt; ulapirᴋsautiga pêjarsimagapko inôᴋatigêksoarnit makkonangat, Nâlagaᴋ oᴋarpoᴋ, ila, saimarveᴋarnera nâpkiningneralo.

Jeremia 16:9

Imâk Nâlagaᴋ Zebaot, Israêlib Gudinga, oᴋarmat: Ahâk, sorairtitsomavakka nuname tamattomane, ijipse sângine uvlupsingnalo, ᴋuviasuktut nippingit serrijullo nippingit; nulianiktut nippingit uiniktullo nippingit.

Jeremia 6:21

Taimaimat imâk oᴋarpoᴋ Nâlagaᴋ: Ahâk, nâviksamik ilijijomavunga inôᴋatigêksuit ukkua sânginut; atâtallo erningillo naukiutijomârput tâpkonunga, silalerêllo asseroᴋatigêgomârput.

Hesekiel 24:21

Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ivsornaitoviᴋotiga, pitsartunipse inornautâ, ijipse ᴋuviagijangat, tarnipse kajungervigijangat ivsornaijungnaititsomavara; erniselo paniselo ᴋemaktase oggotitaujomârput saviksoarmut.