Jeremia 16:19 - Labrador Inuttitut Heritage Bible

¹⁹ Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 16:19 Iomraidhean Croise

I Atannit 20:23

Siriamiullo ataningata kivgangita oᴋautivât: Taipkoa Gûdingit Gûdiôvut ᴋakᴋanut, tamânna pivlugo ajugaulaukput uvaptingnut. Naternamele sorsugvigijomavavut, ajugauniangimangapta taipkonunga.

Imgerut 18:3

Nâlegak nertoromavara nipliavigijomalugolo, tagva ômigijimnit piulijauniarpunga.

Imgerut 19:14

ᴋannerma oᴋausingit, ômattimalo unipkausingit ᴋuviagijaulît sângne, Nâlegâk, torᴋorviksaᴋautigijara, piulijigalo.

Imgerut 27:5

Tâpsoma serngnigingmanga iglomine nalliunerluktome, ijerpângalo tuppingmine, ᴋagvertipângalo ᴋairtub ᴋânganut.

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 46:7

Nâlekab Zêbaotib illagivâtigut, Jakob Gûdinga sapputjigivavut. Sêla.

Imgerut 62:2

Tâmna ᴋairtorivara, ikajortigilugolo, sapputsauvigilugolo, angijomik aulaniarᴋonanga.

Imgerut 62:7

Piulijauviksara nertornautiksaralo Gûdemêpûk; pitsartunima ᴋairtunga, tattiksara Gûdemêpok.

Imgerut 65:3

Idluitullinipta nênidlarpâtigut; igvit ajornivut issumagijungnailaukittôk.

Imgerut 68:31

Egiptenemiut angajoᴋângit tikkitsomârput, Etiopiamiut aggatik issagomârpait Gûdemut.

Imgerut 86:9

Nallojut illunatik pingortilauktattit tikkitsomârput, tuksiaromârlutiglo sângne Nâlegak, attîllo opigilugo;

Salomob Okâl 18:10

Nâlekab atinga sapputsauviksauvok songojok; idluartub akpangervigiva, sapputijaulunelo.

Jesaiase 25:4

Igvit sangẽtut pitsartutigivâtit, ajoᴋsartut sapputjauvigivâtit kappianartoᴋalerangat, ᴋemâvigivâtit sillarnerlukpat, tachalinerivâtit kiaᴋarpat, attanionerdluktut ᴋanningaumajârningat aᴋᴋunaᴋsoatut ᴋarmaᴋsoamut akkingmiktotut illingangmat.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jesaiase 44:10

Kina Gûdeliorᴋâ, Gûdingoamik sanavlune attoraksaungitomik?

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Jesaiase 45:14

Nâlegaᴋ oᴋarpoᴋ imâk: Egiptenemiut kattersortangit Etiopiamiullo perᴋutigijangit inuillo takkijut Sabamiut tikkitsomârput illingnut, perᴋutigijomârpattillo, taipkoalo malligomârpâtit; ᴋellaumgujanut ᴋellaᴋsortauvlutik ᴋaijomârput, pâmakterlutiglo sângne tuksiarvigijomârpâtit: Gûde illingnẽtuinarpoᴋ, tâpsomalo assianik Gûdeᴋangilaᴋ.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 62:2

Nallojullo idluarsinernik takojomârput attanersuillo illũnatik ânanaunermik; attermiglo nutâmik taijaujomârpotit, Nâlekab ᴋaningata taijomârtanganik.

Jeremia 10:3

Inôᴋatigêksuit gudingoangit sulingitôngmatta; napârtotuinauvut nakkataumajut napârtolingme, sanajib aggangita sanajangit ulimaumut.

Jeremia 10:5

Nappajotuinauvut napârtutitut sanasimajutitut, oᴋarungnangilallo; adjartaujariaᴋarput pisugungnangimatta. Erᴋsiginiarasigik, idluitomik piniarungnangimatta, ajungitulinerlo tâpkonanêngilaᴋ.

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Jeremia 14:8

Igvit, Israêlib nerriugijanga, piulijinga naliutome kapianartovingme, sôᴋ takorngartatut nuname ilingavêt, ingergajotullo sangujotut siniktartuinaromavlunê?

Jeremia 17:17

Kapiasûtauniarnak uvamnut; saputijauvigivagit kapianartûb uvlungane.

Jeremia 2:11

Inôᴋatigêksuit tauᴋsêlauᴋsimavât gudingoamingnik gudeolungikaloartunîk? Inuᴋotimale opigijaksarijatik ânanaujoᴋ tauᴋsiutisimavât idluarᴋutiksaungitunut.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 3:23

Nalautsivoᴋ ila, ikajorneᴋ nerriugijaujoᴋ ᴋaᴋᴋanit, inugasaksuit pervaludlarningat ᴋaᴋᴋane, sulitsangimat. Nalautsivoᴋ ila, Israêlib piulijauningat Nâlakamêngmat Gudiptingne.

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Hesekiel 11:16

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Kaningitomut nûlauraloarapse inôᴋatigêksuit akornganut, siamartilauraloarapselo nunanut, sulle katimaviksârsôjomavunga ilipsingnut nunane tikivigijapsingne.

Joel 3:16

Nâlegarlo ᴋalingoaromârpoᴋ Zionemit, nippinelo anitilugo Jerusalemit; ᴋillaillo nunalo sajugomârput: Nâlegarle ᴋemâviksaujomârpoᴋ inuᴋotiminut, saputjauviksauvlunelo Israêlib ᴋitornganginut.

Amos 2:4

Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Nahum 1:7

Nâlegak avâgosuktôvok, ungalujijoksoangovok kiksarnartub uvlungane; ilitarivaillo sungertutigijine.

Habakûb 3:19

Jehôva Nâlegaujoᴋ pitsartutigivara, tâpsomalo itigakka tuktûb itigangititut îtipait, arvertartiniarpângalo poᴋtojoᴋotimne. Imgitit angajoᴋânganut, noᴋaᴋseraliᴋotimne.

Saggaria 2:11

Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Rômiunut 1:25

Taipkoa Gûdib mikseᴋârninga mumilauᴋpât saglunermut, pingortitarlo nertorlugo kivgartornersarilauᴋpât Pingortitsijomit; tâmna nertortauvoᴋ issoᴋangitomut. Amen.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.