Jeremia 16:13 - Labrador Inuttitut Heritage Bible

¹³ Tamakkoa pitjutigilugit pingujaromârpapse nunamit omangat nunamut ilitarilaungitapsingnut, ilipselônêt atâtapselônêt; tagvanalo kivgartoromârpose assimnik gudingoanik uvlôtilugolo unnuarmelo; tagvane saimarvigijomânginapse.

Jeremia 16:13 Iomraidhean Croise

II Atannit 25:21

Babelemiullo atanningata ullimârlugit toᴋopait Riblateme, Hematib nunanganetome. Taimak Judakut aularutitaumalaukput nunakotimingnit.

II Kronika 7:20

Tagva nutsungniarpakka nunaᴋotimnit, tunnilauktamnit tapᴋonunga, iglolo tamna ivsornaiviotilauktara attimnut, eginiarpara kênama sânganit, oᴋausiovaktungortiniarparalo oᴋangoarutingortiniarlugolo innuᴋattigêksuit illunatik akkorngane.

Imgerut 81:12

Taimak issumainâᴋitilaukpakka, agvertarᴋovlugit attannertuinitik malliklugit.

Jeremia 10:18

Imâk Nâlagaᴋ oᴋarmat: Ahâk, naliutome tamattomane nunab inungit illuerearomavakka, siorniortitsomavakkalo, ikpigiᴋovlugit tamattominga.

Jeremia 14:8

Igvit, Israêlib nerriugijanga, piulijinga naliutome kapianartovingme, sôᴋ takorngartatut nuname ilingavêt, ingergajotullo sangujotut siniktartuinaromavlunê?

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 15:14

Atautitsomârpakkalo ômigijingnut nunamut ilitaringitarnut; ikoma ikoâlangmat ningaumajârnimne, ikitsilârtomik ilipsingnik.

Jeremia 15:4

Egitautitsomavakkalo sunatuinarnut ataniovit nunamêtut akorngane, Manasse, Hiskiab erninga, Judab ataninga pivlugo, piniarnerilauᴋtanga Jerusaleme pitjutigilugo.

Jeremia 16:5

Nâlagaᴋ oᴋarmat imâk: Iglo ᴋeavik itervigijaksaringilat, ogguaᴋataujartortuksaungilatillônêt ᴋeaginagillônêt; ulapirᴋsautiga pêjarsimagapko inôᴋatigêksoarnit makkonangat, Nâlagaᴋ oᴋarpoᴋ, ila, saimarveᴋarnera nâpkiningneralo.

Jeremia 17:4

Igvillo nangmineᴋ avilârpotit kingormgutijarnit tunilauᴋtamnit ilingnut; kivgartortitsomavagillo ômigijingnik nuname ilitaringitarne; ikomamik ikitsisimagapse ningaumajârnimne ikoâlatsainaromârtomik.

Jeremia 22:26

Pingujaromavaptiglo igvit anânaillo ernilauᴋtoᴋ ilingnik nunamut oma assianut inûlervigilaungitaptingnut; taikanalo toᴋojuksauvotik.

Jeremia 22:28

Angut taimna Kônia iluleᴋuteovâ suksaungitoᴋ serᴋomisimajôᴋ? Iluleᴋuteovâ ᴋuviagijaungitôᴋ? Suna pivlugo pingujartauvât, tâmna kinguvângillo, egitauvlutiglo nunamut ilitarilaungitamingnût?

Jeremia 5:19

Oᴋaraloarupselo: Suna pivlugo Nâlakab Gudipta tamakkoninga tamainik piniarvigivâtigût? kiojaksarivatit: Sorlo ᴋemakapsinga gudingoallo takorngartat kivgartorlugit nunapsingne, taimaluatsiaᴋ takorngartat kivgartoraksarivase nuname nunagingitapsingne.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 29:28

Nâlekablo nusukpait nunamingnit ningarnerme, ᴋaningaumajârnermelo, ilungertornermelo angijome, egilugillo nunab tâpsoma assianut, sorlo uvlome ingmat.