Jeremia 15:9 - Labrador Inuttitut Heritage Bible

⁹ Kitorngilauᴋtoᴋ 7nik anersaumilerpoᴋ, anernangerpoᴋ; seᴋᴋininga nippivoᴋ uvlôtilugo sulle; kangusudlalauᴋpoᴋ uimâlavlunalo; amiakungillo saviksoarmut tunijomavakka ômigijingita sângine, Nâlagaᴋ oᴋarpoᴋ.

Jeremia 15:9 Iomraidhean Croise

Jesaiase 47:9

Kissianele tamakkungnunga tamangnut tikkitaujomârpotit tagvainaᴋ uvlorme attausẽnarme; ᴋitorngaerutivlutit uigarniojomârpotit, illa tamakkungnunga tikkitaummarigomârpotit, angakkoᴋaluaralloartillugo elisêniartoᴋaluaralloartillugolo sôngojunik illingne.

Jeremia 19:7

Uvangalo Judab Jerusalemiblo atanertuijingit kovijomârpakka nuname tamattomane, oggotitautitsomârpakkalo saviksoarmut ômigijimik sângine, inôsingitalo pinasuartingita agganginut; timingillo tunijomârpakka nerᴋiksauᴋovlugit tingmianut ᴋilaub atânêtunut, nergjutinullo nunamêtunut.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Jeremia 50:12

Anânase kangusudlaromârpoᴋ; ilipsingnik ernilauᴋtoᴋ iktôromârpoᴋ; ahâk, kingorlerpaujomârpoᴋ inôᴋatigêksoarnit, inuêrneᴋ, ipterilingajoᴋ, sunataᴋangitoᴋ.

Jeremia 6:4

Parngnaileritse unatarvigijartoromavlugo; attê, takpaungalerta uvlub ᴋetterarningane. Kapianarmêk uvagut! Uvloᴋ nâlarêrpoᴋ, unnusablo taggangit takijorolerput.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Jeremiab Ogguarutigijangit 4:10

Arnat nagligosungnerpaujut nangminek aggangmingnut ᴋitorngatik igavait; tâpkoa nerᴋiksatuarilaukpait inuᴋotima paningata asserortauningane.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hesekiel 5:13

Taimak ningaumajârnera nâmaksititaujomârpoᴋ, ᴋaningaumajârneralo ilijomârpara tâpkonunga, merngoerseromârpungalo; ᴋaujijuksauvullo uvanga Nâlegaujunga oᴋalaurama ilungertornimne, ningaumajârnera nâmaksititsomagapko tâpkonunga.

I Samuel 2:5

Aᴋeartorsimalauktut niorvgotigijaumavut nerᴋiksamut, kâlauktullo kâgungnaiput; ᴋittorngisuitok ernilerᴋârtinnago 7 nik, ᴋittorngaᴋadlalauktorlo ikiglivioᴋârtinnago.