Jeremia 15:8 - Labrador Inuttitut Heritage Bible

⁸ Uigarningit unuksisimavut uvamnut, ununersauvlutik imarbiub sioranginit; inôsuktut anânangat tikitautisimavara asseroijomut uvlub ᴋeterarningane; opingartautisimavara kapiasungnermut sivôranartunullo.

Jeremia 15:8 Iomraidhean Croise

Jesaiase 3:25

Anguteᴋotitit (Zione oᴋaudjauvoᴋ) saviksoarmut toᴋotaujomârput sorsuktuksaᴋotitillo unatadlarnermut.

Jesaiase 3:26

Zioniblo upkoaᴋsoangit kiksadlaromârput ogguarlutiglo, ᴋemaktauvlunelo (Zione) iksivajomârpoᴋ nuname.

Jesaiase 4:1

Nalliutome taipsomane arnat sîbat angut atauseᴋ tigujomârpât oᴋarlutiglo: Nerᴋiksaᴋotivut nerrijomavavut annorâromavogullo nangminerijaptingnik, kissianele atternik taijautilauᴋtigut mittautigijaujungnairtilutalo.

Jeremia 16:3

Imâk Nâlagaᴋ oᴋarmat ernît panîllo nuname tamattomane inûlertut pivlugit, anânangillo ernijut tâpkoninga pivlugit, atâtangillo ernetârtut tâpkoninga nuname tamattomane pivlugit:

Jeremia 18:21

Taimaimat ᴋitorngangit tunikit kângnartoᴋsoarmut, unertutigikillo saviksûb pitsartuninganut; arnangit ᴋitorngairtaulit uigarniovlutiglo; angutingit toᴋotaulit, inôsuktungillo annaujaulit saviksoarmut unatarnerme.

Jeremia 22:7

Atuinaruterijomavungalo asseroijuksanik ilipsingnik, ilûnatik sakkolijarlutik; tâpkoalo nakkatsijomârput napârtoᴋotingnik Sêdarenik piojunik, êgilugillo ikomamut.

Jeremia 4:16

Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 6:26

Inuᴋotima paningat, attisilerit pôᴋsajavinernik, aksapalloalerillo arᴋjane; kiksalerit, sorlo ernetuaᴋ pivlugo, ogguarnermut sôngojomut; asserorsaijub tikiaᴋiniarmattigut.

Jeremiab Ogguarutigijangit 5:3

Iliarsôvogut atâtaᴋaratalo, anânavut uigarnektitut iput.

Hesekiel 22:25

Nelautaijungit tâpsomanêtut idluitomik angiᴋatigêkput, loevetut kalingoartotut aliktuiniartotut ilingalutik: tarnenik nerrivut; tigusivut perᴋutinik ivlernartuniglo; uigarnerillo unuksitipait tagvane.

Hosea 4:5

Oggoinalârpotit uvlôtilugo, nelautaijorlo ilagilutit oggoinalârpoᴋ unnuarme; anânaillo asseroromavara.

Lukase 21:35

Taipsoma nunamêtut tamaita tikitsomârmagit nigaktut.