Jeremia 15:6 - Labrador Inuttitut Heritage Bible

⁶ Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 15:6 Iomraidhean Croise

Jesaiase 1:4

Kappianarmêk nunaᴋatigêt idluitullijoᴋsuit, innugasaᴋsuit ajortoliksuit, kassẽtoᴋsuit kinguvângit, ᴋitorngat asserorsaijut, tâpkoa Nâlegaᴋ ᴋemangmatsuk ivlernartitorlo Israêlikkune oᴋarnerlûtigingmatsuk tunnulugo.

Jesaiase 28:13

Taimaimat Nâlekab oᴋausinginik imaitunik tussartuksaugivuttauᴋ: Perᴋojaᴋ ammalo perᴋojaᴋ, perᴋojaᴋ ammalo perᴋojaᴋ; malligaksaᴋ ammalo malligaksaᴋ, malligaksaᴋ ammalo malligaksaᴋ; kêtatuinaᴋ ammalo kêtatuinaᴋ — imaingmat: aulartuksauvut niverlutiglo asserorlutiglo nigartauvlutiglo pijauvlutiglo.

Jesaiase 31:3

Egiptenemiut inutuinauvut Gûdeonatiglo, horseᴋotingillo nerᴋeovut anernionatiglo: Nâlekablo aggane issagomârpait, ikajortuksaᴋ taimna pãlaktillugo, ikajortaujorlo ochotillugo, illũnaitalo attautsekut nungutillugit.

Jeremia 1:16

Erᴋartuinikkalo tâpkoninga idluituliningit pivlugit oᴋautigijomavakka, ᴋemangmanga tipitsiariksaumiglo ikoâlatitsilaungmatta assimnut, aggangmingnullo sanajamingnik tuksiarviᴋalaungmatta.

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 20:9

Oᴋarumalo: Taijomairpara tâva, oᴋaromairpunga tâpsoma attingane; tagva ômatimnêtoᴋalerpoᴋ sorlo ikomaujârtomik ikoâlajomik palangairsimajojârtomik saunimne; merngortudlarpunga oᴋartailinimnut sapilidlarlungalo.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 6:11

Taimaimat tattadlarpunga Nâlakab ᴋaningaumajârninganik; nunnomangudlarpunga; kovileruk sorutsinut apᴋosinernêtunut, inôsuktunullo katimgajunut; tagva angut nuliangalo tigujaujuksauvuk, inuᴋoartoᴋ uvloᴋartorlo unuktunik.

Jeremia 6:12

Iglungillo tunijaujomârput assinginut, perorsêvingit nuliangillo ilagivlugit; aggakka issagomârapkit nunab inunginut, Nâlagaᴋ oᴋarpoᴋ.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 7:16

Taimaimat nugiartoᴋsuit ukkua tuksiarutijaksarilungilatit, ᴋongmuartitsijuksaungilatit ogguarnermik tuksiarnermiglônêt tâpkoa pivlugit, ᴋenujûtigijaksarilungilatillônêt uvamnut; tusaromanginapkit.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Jeremia 8:9

Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Hesekiel 14:9

Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.

Hesekiel 25:7

Taimaimat, ahâk, aggakka issakpakka ilingnut, tunijomavagillo aᴋsârnigauvlutit inôᴋatigêksoarnut: nunaᴋatigêksoarnillo pêjaromavagit, assioᴋojomavagillo nunanit: nungutsomavagillo: ᴋaujijuksauvotillo uvangaugama Nâlegaᴋ.

Hesekiel 35:3

Oᴋautiuglo: Imâk oᴋarpoᴋ Nâlegaᴋ Nâlegaujoᴋ: Ahâk, sâvigivagit, ᴋaᴋᴋaᴋ Sîare, aggakkalo issagomârpakka ilingnut, sunaᴋarungnaititsomavagit tataminiarutiksangortilutillo.

Hosea 11:7

Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Sefania 1:4

Aggakkalo isagomârpakka Jûdamut Jerusalemiblo inunginut tamainut; inimillo tamattomangat Baalib amiakungit pêjaromârpakka, Gûdingoallo atingit ᴋemariminik taijat, ajoᴋertuijut ilaliullugit;

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.