Jeremia 15:3 - Labrador Inuttitut Heritage Bible

³ Tikitauᴋojomavakkalo oᴋumainartunut sittamanut, Nâlagaᴋ oᴋarpoᴋ, saviksoarmut toᴋotsijomut, ᴋingminut aliktuijunut, ᴋilaub ikkiangata tingmianginut, nunablo ômajoâlunginut, nungutsijunut asserorsaijunullo.

Jeremia 15:3 Iomraidhean Croise

Imgerut 68:23

Ittigarnik missukserᴋovlutit aungmut, kingmiᴋotivîllo oᴋangit alluktorᴋovlugit tamattôminga ômisuktunnit.

Jesaiase 18:6

Tamakkoa illũnatik ᴋemaktauvlutik inniksaujomârput tingmitjanut ᴋaᴋᴋanẽtunut nergjutinullo nunamẽtunut. Tingmitjat aujêviᴋaromârput tagvane, nergjutillo nunamẽtut okkêviᴋaromârput tagvane.

Jeremia 12:9

Kingormgutijara tingmiatut taᴋsapatâᴋtotut ilingavâ uvamnût? Tingmiat arᴋtaijut kativât ilumavlugô? Aileritse, katersoileritse nergjutinik naternamêtunik, tamaungautilugillo ningutsiᴋovlugit tâpsominga.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 7:33

Inôᴋatigêllo tamakkoa timingit toᴋungajut nerᴋiksaujomârput silab tingmianginut, nunablo nergjutinginut ungumajoᴋarniangilarlo tâpkoninga.

Jeremiab Ogguarutigijangit 3:11

Apᴋotikka tamarnartipait, aliktorpângalo suksaujungnaitilungalo.

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 33:27

Imâk oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Sorlo mikseᴋârtomik oᴋarama, sunaᴋarungnaitunêtut oggotitaulârput saviksoarmut, naternamêtorlo tunijomalârpara nergjutinut nerrijaksauᴋovlugo, ungaluksoanêtullo ᴋairosungnêtullo toᴋotaujuksauvut nûsilingnartomut.

Leviticus 26:16

Uvangatauk imailiorvigijomavapse: kapianadlartok tikititsomavara ilipsingnut, uvinêrutinek ôlingnartorlo, ijinik asseroijok, tarnemiglo ilungôtitsijok; sulinaselo perorsijaksase karngasulârpase, ômigijipse nerᴋiksarilârmagit.

Leviticus 26:22

Omajuniglo nujoartunik tiliklilârpunga akunapsingnut, tâpkoalo aᴋsâromârpâse ᴋitorngapsingnik, ômajoᴋotiselo asserorlugit, ikitlitiluselo; apᴋosiniselo inuêrutijomârput.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Amos 5:19

Sorlo loevemit ᴋemâjoᴋartilugo, aklablo pârpâ, ubvalo sorlo iglomut itertoᴋartilugo ᴋarmak ajakparpâ, ᴋuglugiaralublo ᴋêvâ.

Deuteronomy 28:26

Timîllo toᴋungajok nerᴋiksaujomârpok tingmianut ᴋilaub ikianganêtunut, nunablo nergjutinginut, ungumajuksaᴋarniangilarlo.

Deuteronomy 32:24

Kângmut uvinêrutilârput, nungulârpullo ôlingnartomut nusilingnartomullo piungitomut; nergjutit kigutinginik tiliklilârpunga tâpkonunga, ilaᴋartilugit sanningne pâmgortunik toᴋonartunik.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.