Jeremia 15:2 - Labrador Inuttitut Heritage Bible

² Oᴋautikpatillo: Namut aijuksauvitâ? oᴋautilârpatit: Imâk Nâlagaᴋ oᴋarpoᴋ: Toᴋomut ilingatitaujut, toᴋomut; saviksoarmut ilingatitaujut, saviksoarmut; kângnartoᴋsoarmut ilingatitaujut, kângnartoᴋsoarmut; aularutjaunermullo ilingatitaujut, aularutjaunermut.

Jeremia 15:2 Iomraidhean Croise

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 24:18

Imaitsomârporlo: Nalliat erᴋsinartomik serᴋorpalluktomik ᴋemâgalloarune, kattaktuksauvoᴋ ittersâlungmut; nalliat ittersâlungmit ᴋaᴋigalloarune, nigamut pijaujomârpoᴋ, igalât ᴋotsiktomẽtut angmarmatta nunaᴋsûblo tungavingit auladlarmatta.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 19:7

Uvangalo Judab Jerusalemiblo atanertuijingit kovijomârpakka nuname tamattomane, oggotitautitsomârpakkalo saviksoarmut ômigijimik sângine, inôsingitalo pinasuartingita agganginut; timingillo tunijomârpakka nerᴋiksauᴋovlugit tingmianut ᴋilaub atânêtunut, nergjutinullo nunamêtunut.

Jeremia 43:11

Tikituksauvorlo nunalo Egipten sâlagilugo; toᴋomullo pijuksat tunijaujomârput toᴋomut, aularutijaunermut pijuksat aularutijaunermut, saviksoarmullo pijuksat saviksoarmut.

Hesekiel 12:11

Oᴋarit: Nelunaikutauvunga ilipsingnut: sorlo uvanga piniarama, taimak piniarviolârivut: aularutijaulârput, kipalungortitauvlutiglo.

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 33:27

Imâk oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Sorlo mikseᴋârtomik oᴋarama, sunaᴋarungnaitunêtut oggotitaulârput saviksoarmut, naternamêtorlo tunijomalârpara nergjutinut nerrijaksauᴋovlugo, ungaluksoanêtullo ᴋairosungnêtullo toᴋotaujuksauvut nûsilingnartomut.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hesekiel 5:2

Tâpkoa pingajuangit ikomamut ikitaksarivatit iglugasaksuit ᴋerᴋane, ilumajauningita uvlungit nâmaksikpatta: ama pingajuangit tigulârpatit serᴋalilugillo saviksoarmut; pingajuangillo tiktautilârpatit anoremut, uvangalo tâpkoa udlalugit saviksoaᴋ amujomavara.

Daniel 9:12

Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Amos 5:19

Sorlo loevemit ᴋemâjoᴋartilugo, aklablo pârpâ, ubvalo sorlo iglomut itertoᴋartilugo ᴋarmak ajakparpâ, ᴋuglugiaralublo ᴋêvâ.

Saggaria 11:9

Oᴋarpunga tagva: Nerripᴋaromangilapse: toᴋolertok toᴋole; tamaromajullo tamarlit; amiakôjullo atunit nerrilit asimik uvininginik.

Takotitaunermik 13:10

Parngnanairsimavingmut pititsijok parngnanairsimavingmut pititaksaugivok; saviksoarmut toᴋotsijok saviksoarmut toᴋotaksaugivok. Tagvane ivjornaitut ᴋenuersâriaᴋarput okperneᴋarlutiglo.