Jeremia 15:15 - Labrador Inuttitut Heritage Bible

¹⁵ Nâlagak ᴋaujimavotit; erᴋarlaunga, nalipsarlaungalo, unangmijimnullo akkiniarutigilunga; kamangitsertornerne tâpkoninga pêjartautiniarnanga; ᴋaujimalerille mitautigijaudlalaurama pivlutit.

Jeremia 15:15 Iomraidhean Croise

Jeremia 12:3

Igville, Nâlagaᴋ, ilitarivarma; takonârparma, ômatigalo nautsertorpat sângne; tâpkoa nussulaukit sorlo saukat toᴋotaksangortitaujut, ilingatilugillo uvlormut toᴋotauvingmut.

Lukase 21:17

Inuillo ilûnatik ômigidlaromârpâse atera pivlugo.

Jeremia 20:12

Nâlagarle Zebaot, idluartunik nautsertorteojotit, taᴋtuniglo ômateniglo tautuktotit, akkiniarnît tâpkoninga takolago; ilinganerijara nalonaijarsimagapko ilingnut.

Jeremia 17:16

Uvangale sukalinasualaungilanga mianersijungnairomavlunga maliklutit; uvlorlônêt pidlartauvik tussigilaungilara; ᴋaujimavotit; ᴋangasinângma anititangit kênavit sânganêlauᴋput.

Nehemia 13:22

Levitillo perᴋovakka sujungaitiᴋovlugit ingmingnik, tikkiᴋovlugillo upkoat udsertorlugit, Sabbatib uvlunga ivlerilugo. Gûdîk, tamânna pivlugotauk erᴋarlaunga, ivlerilungalo napᴋoartoksonît pivlugo!

Mattêuse 10:22

Ilûnatiglo ômigijomârpâse, attera pivlugo. Soᴋosijuitorle naggatiksamut piulijaujomârpok.

Jeremia 20:8

Oᴋarangama, ᴋuggudlarpunga; ᴋuggudlarpunga: Oᴋumaiksartitsinermik aᴋsârningnermiglo; Nâlakab oᴋausinga mitautiksangortitaungmat uvamnut, alêkutiksangortitaularmelo uvloᴋ nâvlugo.

Imgerut 119:84

ᴋannok akkunêrtigijomik kivgait uttakkijuksauvâ? Kanga ômigijikka erᴋartoromavigît?

Imgerut 106:4

Nâlegak erᴋaringa, saimaveᴋarnît, angerutigilauktat innuᴋotingnut malliklugo. Nallipsalaunga ikajornernut.

Nehemia 5:19

Gûdîk, inugasaksoarnut tapᴋonunga pinniarlauktakka tamaita erᴋarutigikit uvamnik, idluarkutiksamnut!

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?

II Timôteusemut 4:14

Aleksanderib kannutjerijub angijomik kappiasuktilaukpânga. Nâlekable akkiniaromârpâ iliolaungninga maliklugo.

II Korintemiunut 5:11

Nâlegak tagva nâlektaujariaᴋartoᴋ ᴋaujimagaptigo inuit okpertinasuarpavut, ᴋaujijauvogulle Gûdemut. Nerriukpungale ᴋaujijaugaptatauᴋ issumapsingnut.

Rômiunut 12:19

Nangmineᴋ akkiniarniarase, nagliktakka, ningarosungnerle toᴋosiuk, aglaksimangmat. Kiglungneᴋ (akkiniarneᴋ) uvanga pigijara, uvanga akkiniaromavunga, Nâlegaᴋ oᴋarpoᴋ.

Mattêuse 19:29

Inub iglune ᴋemakuniuk, ᴋatangutinelônêt, atâtanelônêt, anânanelônêt, nulianelônêt, ᴋitornganelônêt, perorsêvinelônêt, attera pivlugo; 100 ertorlugit pijomârivait, kingormgujivlunalo inôtsemik nungusuitomik.

Jeremia 15:10

Kapianarmêk uvanga, anânak, erniarilauramga angutaujunga akkerartornelik, angullo aivanelik nuname ilûnâne! Attartortitsilauᴋsimangilanga perᴋutiniaromavlunga, inôᴋatimalônêt perᴋutiniaromavlutik attartortisimangilânga; ilûnatigle oᴋarnerlutivânga.

Jesaiase 38:3

Oᴋarlunelo: Erᴋailaurittôᴋ, Nâlegaᴋ, sângne arvertalaurama nellâgôrlunga, ômatipkullo illuengarlunga, nãmagijarniglo piniarlunga! Hiskialo ᴋugviudlalerpoᴋ.

Imgerut 102:24

Oᴋarpunga: Gûdîk pêrniarnanga uvluma ᴋetterᴋangane. Jâritit itsainarput soraijuitomik.

Imgerut 39:13

Allangoanga, nakkoksilerᴋovlunga nûlerᴋârnanga îtsungnaiᴋârnangalo.

Imgerut 17:3

Igvit ômattiga ôktorlaukpat, unnuamelo nallipsarlaukpat, kiglissiniarlungalo nachvângilattillo sumik; ᴋajusimalaukpunga ᴋannera tappajuksaungimat.

Hiobe 10:7

ᴋaujimagalloarlutit Gûdeᴋangitôlunginama; Kinaᴋangitillugo piuliklerungnartomik aggangnit.

Nehemia 13:31

Tunnergutillo ᴋejuit nalliutunut nallonairsimajunut, perortullo nergjutillo innerᴋârtungit erniariᴋârtangillo. Gûdîk, erᴋarlaunga idluarᴋutiksamnut!

Nehemia 6:14

Gûdîk, Tobiase Saneballatelo issumagikik pinniarningit tapᴋoa malliklugit; taimâglotauk nallautaijok arnak Noadja, nallautaijullo assingit sivurasaromalauktut uvamnik.

Rômiunut 8:35

Kia avitsungnarpâtigût Kristusib naglingninganît? kiksarnerublônêt, kappianarnerublônêt unangmiklernerublônêt, kângnerublônêt, annorâᴋanginerublônêt, nangianarnerublônêt, saviksublônêt?

Idluarsaijut 16:28

Simsonible Nâlegak nipliarvigiva oᴋarlunelo: Nâlegak, Nâlegak erᴋaringa; pitsartutilungalo Gûde, ama tamattomane, ijikka pivlugik akkinniarᴋovlunga Filisterinik.

Imgerut 44:22

Pivlutille uvlok nâvlugo toᴋᴋotauvogut, inasugijaulutalo saukatitut toᴋᴋotaksatitut.

Jeremia 15:20

Inungnullo tâpkonunga ilingatitsomârpagit ᴋarmaᴋtut ᴋaᴋᴋorlermik avaluliorsimajotut; sorᴋsugvigijomârpâtit, sâlaginiangilâtille; ilagigapkit saputijomavlutit piulijomavlutillo, Nâlagaᴋ oᴋarpoᴋ.

Jeremia 20:11

Nâlakable najorpânga, pitsartudlartotut sivôranartotullo; taimaimallo unangmijikka apolârput; sâlaᴋarniangilallo; kangusudlaromârput angijomik silatujomik pinialaunginamik, kangusungnermut sorainiangitomut puigortauniangitomut.

Jeremia 18:23

Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Jeremiab Ogguarutigijangit 3:64

Akkiniarvigilârpatit, Nâlegak, aggangita sulijangit maliklugit.

Jeremiab Ogguarutigijangit 3:66

Udlalârpatit ningarnerme, ᴋilaublo Nâlekab pingata atânit pêjarlugit.