Jeremia 15:14 - Labrador Inuttitut Heritage Bible

¹⁴ Atautitsomârpakkalo ômigijingnut nunamut ilitaringitarnut; ikoma ikoâlangmat ningaumajârnimne, ikitsilârtomik ilipsingnik.

Jeremia 15:14 Iomraidhean Croise

Imgerut 21:9

Kiaksautitut ikkomaliktut illingatiniarpâttit takkonârniarungne; Nâlekab ningarlune êniarpait, ikkomablo nerridlarniarpait.

Jesaiase 42:25

Taimaimat ningautsine erᴋsinartoᴋsoaᴋ kovivâ taipkonunga unatadlarnersoarlo; avatâtigut ikkoalagalloarpuk, kissianele tamanna tukkisingilât, ikkitsigalloarpuk, kissianele tamanna õmamiutaringilât.

Jeremia 14:18

Aniguma perorsêviliarlunga, ahâk, saviksoarmut toᴋotaumajut takovakka! Iterumalo iglugasaksoarnut, ahâk, perlilertut kângmut takovakka! Tagva nalautaijut ajoᴋertuijullotauᴋ nûgiaᴋalârput nunamut ilitaringitamingnut.

Jeremia 15:4

Egitautitsomavakkalo sunatuinarnut ataniovit nunamêtut akorngane, Manasse, Hiskiab erninga, Judab ataninga pivlugo, piniarnerilauᴋtanga Jerusaleme pitjutigilugo.

Jeremia 16:13

Tamakkoa pitjutigilugit pingujaromârpapse nunamit omangat nunamut ilitarilaungitapsingnut, ilipselônêt atâtapselônêt; tagvanalo kivgartoromârpose assimnik gudingoanik uvlôtilugolo unnuarmelo; tagvane saimarvigijomânginapse.

Jeremia 17:4

Igvillo nangmineᴋ avilârpotit kingormgutijarnit tunilauᴋtamnit ilingnut; kivgartortitsomavagillo ômigijingnik nuname ilitaringitarne; ikomamik ikitsisimagapse ningaumajârnimne ikoâlatsainaromârtomik.

Jeremia 4:4

Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 52:27

Babiloniblo ataningata anauvait toᴋolugillo Riblame Hâmatib nunangane. Taimak Judakut nunamingnit aularutijauvut.

Amos 5:27

Tamanna pivlugo aularutijautitsomârpapse Damaskusib ungatânut, oᴋarpok Nâlegak, Gûdemik Zebaotemik atelik.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;

Deuteronomy 32:22

Ikoma ikoâlamat ningarnimne, ikomavok itersak allerpâk tikidlugo, nunalo perortungillo mungulerpait, ᴋakᴋallo tungavingit ikipait.

Ebrêerinut 12:29

Gûdivut ikomaungmat nungutsijoᴋsoaᴋ.