Jeremia 15:10 - Labrador Inuttitut Heritage Bible

¹⁰ Kapianarmêk uvanga, anânak, erniarilauramga angutaujunga akkerartornelik, angullo aivanelik nuname ilûnâne! Attartortitsilauᴋsimangilanga perᴋutiniaromavlunga, inôᴋatimalônêt perᴋutiniaromavlutik attartortisimangilânga; ilûnatigle oᴋarnerlutivânga.

Jeremia 15:10 Iomraidhean Croise

I Atannit 21:20

Ahabelo Eliamut oᴋarpok: Nachvârpinga omisukteojotit uvamnik? Tamna oᴋarpok: Âhaila nachvârpagit, niorvgotigigavit pinniartuinaromavlutit Nâlekab ijikita idluigijanginik.

I Atannit 22:8

Israelitit atanningat oᴋarpok Josafatemut: Anguteᴋaralloarpok sulle atautsemik, appertsorungnarutigijaptingnik Nâlekamik, Michamik Jemlab erninganik. Kisiane omigivara, nellautaivigingimanga ajungitomik, idluitomigle kisiane. Josafate oᴋarpok: Atannek taimâk oᴋaniarane.

Imgerut 109:28

Oᴋarnerlotjileraikpatta, tagva igvit saimartitsilaurit. Akkerartoraikpânga, tagva kangusuktitaulît; kivgaᴋotille ᴋuviasugle.

Imgerut 15:5

Kênaujaᴋotiminik taukteliksarsiviolungitok illaᴋaromavlune, pilliusiamiglo tigusilungitok passijaksaungitok pivlugo; tamakkoninga pinniartok, tâmna issoᴋangitomut îtuatsainaromârpok.

Imgerut 69:4

Pitjuteᴋaratik illuluktut ômisuktut uvamnik, tâpkoa unnurnersauvut nutjânit pigijamnit niaᴋumne. Sullinatik ômisuktut uvamnik asseroijullo, pitsartojoksôvut. Akkilêjariaᴋarpunga aksârnerilaungitamnik.

Exodus 22:25

Inuᴋotima ilangat aklujoᴋ ilingnêtok atartortigungne kênaujanik, ilingavigijaksarilungilat kênaujaniaromajotut, akilêtitaksarilungilat atautemik.

Salomob Okâl 26:2

Sôrlo tingmiak taikunga ingergadlarmat, tullugarnerlo tingimat; taimâk ominarsijaunek passijaksaungitok uvigailungilak.

Jeremia 15:20

Inungnullo tâpkonunga ilingatitsomârpagit ᴋarmaᴋtut ᴋaᴋᴋorlermik avaluliorsimajotut; sorᴋsugvigijomârpâtit, sâlaginiangilâtille; ilagigapkit saputijomavlutit piulijomavlutillo, Nâlagaᴋ oᴋarpoᴋ.

Leviticus 25:36

Akkituterijutiksamik tapiksamiglônêt tigusiniarnak tâpsomangat; Gûdîlle sivôragiuk; ᴋatangutit inôjungnarᴋovlugo ilingne.

Leviticus 25:37

Tunitjivigijaksaringilat kênaujarnik akkituterinermut, nerᴋiksatillo tuniniarnagit tâpsomunga tapiksakarnermut.

Habakûb 1:3

Sôᴋ piungitulinermik takotipingâ, takonârtilungalo nâmangitulinermîk? Asserorsaineᴋ idluitulinerlo sâmnêngmanik; aivaneᴋarporlo, akkerartornerlo perorpoᴋ.

Mattêuse 24:9

Taimaipat, kappianartomut pititsomârpâse, toᴋodluselo. Inuᴋatigêllo ilûnatik ômigidlaromârpâse, attera pivlugo.

Mattêuse 5:44

Uvangale oᴋautivapse: Akkerartortise nagligisigik; ilipsingnut oᴋauserluktut saimartisigik; ômigijise ajungituliviginiarsigik; ilipsingnik kiksartitsijut unangmiklertullo tuksiarutisigik.

Lukase 2:34

Sîmeoniblo saimartipak, anânanganullo Mariamut oᴋarpok: Ahâk, una ochojutiksaujomârpok makijutiksaujomârlarmelo unuktunut Israêlib kinguvânginut, nalunaikutaksaujomârlunelo akkerartugaksak;

Lukase 6:22

Piloridlarpose, inuit ômigikpase, avidluselo, suangadlarpaselo, atiselo tainerlukpatigik idluitônerarluse, Inûb Erninga pivlugo.

Apostelit Piniarningit 28:22

Ilingnille tusaromavogut, ᴋanok isumaᴋarmangârpit. Tusaumagapta tamattominga ajoᴋertûtsemik ilûnâne akkerartortaugapse.