Jeremia 14:9 - Labrador Inuttitut Heritage Bible

⁹ Sôᴋ inuktut tataminiartotut ilingavêt, inuktut sôngojotut piuliklerungnangitotullê? Igville, Nâlagaᴋ, akunapting nêpotit, atternullo atserartauvogut; ᴋemangniaratiguttôᴋ.

Jeremia 14:9 Iomraidhean Croise

II Kronika 7:14

Innuᴋotikkalo attera malliklugo atserarsimajut nikkanarsarpatta, tuksiarpattalo, kênaralo ᴋennerlugo pikpatta, sagiarlutiglo apᴋotigijamingnit idluitomit; tagva ᴋillangmit tussaromavunga, issumagijungnailugillo ajorningit, nunangallo innulilugo.

Imgerut 10:1

Nalegak, sôg ᴋaningitome nangerᴋît, ijerlutillo nalliutome kappianartome?

Imgerut 27:9

Kênait ijertaililugo pît uvamnit; ningarlutillo kivgait ajâktorniarnago; ikajortigigapkit. Ipperarniarnanga, aggaktillo pêrniarnagit uvamnit, Gûde piulijiksarijara!

Imgerut 46:5

Gûde tâpᴋonanêpok, tamanna pivlugo aulaniatsangilat, Gûdib ikajorpait uvlarârsukut.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 43:7

Illũnaita attimnik taijaumajut, pingortitakka nertortaujutiksamnut, âᴋiksortakka, sanajakka.

Jesaiase 51:9

Tupalerit, tupalerit, pitsartunermik attilaurit, Nâlekab tallinga igvit! Tupalerit sivornganetut, sôrlo itsaᴋsoaᴋ inôlauᴋtut akkornganne! Igviungilatît pingijaitomik sâlaᴋartoᴋ, ômajoâlungmik toᴋotsijoᴋ?

Jesaiase 59:1

Ahak, Nâlekab aggangit piuliklernermut nailuangilat, siutîgiglo simiksimangilak tussarnermut.

Jesaiase 63:19

Attaneᴋajuitutitut illingnik illingavogut, taijaujuitutitut atternik.

Jeremia 15:16

Oᴋautsitit nagvârtaulauᴋput, nerrilauᴋpakkalo; oᴋautsitillo ᴋuviasûtaulauᴋput serrijûtauvlutiglo ômatimnut; atserartaugama atternut, Nâlagaᴋ, Gude Zebaot.

Jeremia 51:5

Israêle ᴋemaktaulungimat Gudiminut, Judalônêt Nâlakamut Zebaotemut; nunangat tatadlaraloartilugo tapatonermik Israêlib ivsornaitoᴋsôjunganik.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremiab Ogguarutigijangit 5:20

Sôk puigutsainarpitigût, allarlutalo taimâk akkunertigijomîk?

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Habakûb 1:2

Nâlegaᴋ, ᴋanoᴋ sivitutigijomik ᴋaigarsuktuksauvêk tusaromangilatillô? Idluitulinerit pivlugit nipliavigivagit, piulikleromângilatillo.

Saggaria 2:5

Uvanga, oᴋarpok Nâlegak, ᴋarmaksoangojomârama ikomalik tâpsoma avatâne, ânanausijutaujomâramalo tâpsoma iluane.

Saggaria 8:3

Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.

Numbers 11:23

Nâlekablo Mosese oᴋautivâ: Nâlekab aggangit nailisimavât? Mâna takolârpotit oᴋausera nelautsimangât ilingnut, nelautsingimangâllônêt.

Apostelit Piniarningit 15:17

Inuit amiakut Nâlekamik aperᴋuteᴋarᴋovlugit, nalojut ilûnatik atimnik taisiviojut; Nâlegak oᴋarpok, tamakkoninga tamainik piniartok.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Deuteronomy 23:14

Nâlegak Gûdît arvertarmat tangmârvingme, piulijomavlutit, ômigijitillo sâlautitsomavlugit sivunerne; taimaimat tangmârvît ivsornaituksauvok, sumik salumaitomik takoᴋonago ilingne, allarᴋonagolo ilingnit.

Deuteronomy 28:10

Inôᴋatigêllo nunamêtut ilûnatik takolârput taijaugavit Nâlekab atinganut; erᴋsigijomârpâtillo.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.

Takotitaunermik 21:3

Tussarlarmalo nippersarmik iksivautaksoarmit, oᴋartomik: Ahâk tagga Gûdib tupinga inungnêtok! Tâpsomalo iglomioᴋatiginiarpait inuᴋotigilaitalo; Gûdiblo nangminek illaginiarpait, tâpkoalo Gûdiginiarpât.

I Samuel 12:22

Nalekable innuᴋotine ᴋemmalungilait, attine angijoksoak pivlugo; Nalegak pigiarlaungmat illipse innuᴋotingortiluse ingminut.