Jeremia 14:8 - Labrador Inuttitut Heritage Bible

⁸ Igvit, Israêlib nerriugijanga, piulijinga naliutome kapianartovingme, sôᴋ takorngartatut nuname ilingavêt, ingergajotullo sangujotut siniktartuinaromavlunê?

Jeremia 14:8 Iomraidhean Croise

Imgerut 10:1

Nalegak, sôg ᴋaningitome nangerᴋît, ijerlutillo nalliutome kappianartome?

Imgerut 138:7

Kappiasungnerub ᴋerᴋane arvertaruma, tagva nakkoksitiparma, aggaktillo issakpattit ômigijima ningarningenut, ikajorlungalo tallerpingnut.

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Imgerut 46:2

Tamanna pivlugo nangiarlungilagut, sillaksoak nungunajaralloarpât, ᴋaᴋᴋello kivigalloarpâtta imarbiub ᴋerᴋanut.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 71:5

Igvit nerriungnerivagit, Nâlegak, Nâlegak sungertutigijara innuosungnimnit.

Imgerut 9:9

Nâlegarlo sappulutauvok aklujunnut, sappulutak nangiarnartomê.

Imgerut 91:15

Nipliavigivânga, tamanna pivlugo tussaromavara; kappianartome najorpara; nussugomavara opinartilugolo.

Jesaiase 33:2

Nâlegaᴋ, nâpkigilaungmitigut, igvit nerriugigaptigit; tallerilaptigit ᴋaut tamât, ikajortigilaptigit kappianartoᴋartillugo.

Jesaiase 43:11

Uvanga, uvanga Nâlegauvunga, assimnik piuliklerteᴋangilaᴋ.

Jesaiase 43:3

Uvanga Nâlegaugama Gûdit, ivlernartitoᴋ Israêlikkune, piulijit. Egiptene Etiopialo Sebalo akkiliutigivlugit tunivakka pivlutit.

Jesaiase 45:15

Illa, igvit Gûdeovotit ijertortoᴋ, Israêlib Gûdigijanga, piuliklerteojotit.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Jesaiase 63:8

Oᴋarpoᴋ: Nallâgut inuᴋotigivakka, ᴋitorngauvut saegloniangitut. Taimaimat piulijigivât.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 17:13

Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 50:7

Naipitingita ilûnatik nerrilauᴋpait; akkerangillo oᴋarput: Pidlaraksautingilagut, Nâlakamut idluitulilaungmatta, idluarsainerub inigijanganut, ila, Nâlakamut, atâtagijangita nerriugijanganut.

Joel 3:16

Nâlegarlo ᴋalingoaromârpoᴋ Zionemit, nippinelo anitilugo Jerusalemit; ᴋillaillo nunalo sajugomârput: Nâlegarle ᴋemâviksaujomârpoᴋ inuᴋotiminut, saputjauviksauvlunelo Israêlib ᴋitornganginut.

Saggaria 9:12

Ungalujijoksoarmut uteritse nerriungnartomik parngnanairsortaumajose: uvlome kigligiutjivunga maggortortomik akkileromârapkit.

Apostelit Piniarningit 28:20

Tamanna pivlugo tamaunga ᴋaiᴋovapse, takojomavluse oᴋautsomalapselo. Israêlitit nerriungningat pivlugo ᴋelaksorsimagama ᴋelaumgujanut ukkununga.

I Timôteusemut 1:1

Pauluse Jêsusib Kristûsib Apostelinga, Gûdib piulijipta, Nâlekablo Jêsusib nerriugijaksaᴋartitipta perᴋojanganut,

Idluarsaijut 19:17

Takosaramelo, takolunelo tujormijomik apkosinermêtomik iglut akkorngane, oᴋautiva: Namungâromavît, nakillo pivît?