Jeremia 14:18 - Labrador Inuttitut Heritage Bible

¹⁸ Aniguma perorsêviliarlunga, ahâk, saviksoarmut toᴋotaumajut takovakka! Iterumalo iglugasaksoarnut, ahâk, perlilertut kângmut takovakka! Tagva nalautaijut ajoᴋertuijullotauᴋ nûgiaᴋalârput nunamut ilitaringitamingnut.

Jeremia 14:18 Iomraidhean Croise

Jesaiase 22:2

Pervaluktoliksôjose, uimajârtunik iglugasaksoarmioᴋartose, serrijunik iglugasaksoarmioᴋartose! Toᴋotaumajut illipsingne saviksoamut toᴋotaungilat, unatadlarnikkullo toᴋolungilat.

Jesaiase 28:7

Ukkoaletauᴋ (Jûdakkut) vainetornermut tallatitauvut, imiksamullo tallanartomut kaibjaititauvut. Ajoᴋertuijullo nallautaijullo imiksamut tallanartomut tallatitauvut, vainetornermullo sãlagijauvut, imiksamullo tallanartomut kaibjaititauvut; takkotitjutinik tautuktitauvlutik tallaput, erᴋartuivingmêdlutik kaibjaivut.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 23:21

Nalautaijut ukkua tililaungilakka, aᴋpasulauᴋpulle; oᴋarvigilaungilakka, nalautailauᴋpulle.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 6:25

Perorsêviliarniarnak, apᴋosinermelônêt pisugajarnak, ômigijib saviksoanga tagvanêngmat, kapianartullo ilûnânêput.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Jeremiab Ogguarutigijangit 1:20

Takosalaurit, Nâlegak, kapiasudlarama; ergavikka aulajadlarput; ômatiga mumikpok ilumne; angijomik tapalaurama; silame saviksoak arᴋtaivok, toᴋo iglomêpok.

Jeremiab Ogguarutigijangit 2:19

Makigit, nipliadlarit unnuarme, pigârvît neliutilerningine; ômatît koviuk imektut Nâlekab kênangata sângane; aggaktit ᴋongmuartikit tâpsomunga sorusearsuvit, apᴋosineâluit ilûnatik issungine perlertut, inôsingit pivlugit.

Jeremiab Ogguarutigijangit 4:9

Saviksoarmut toᴋotaumajut piloriluarput ᴋângnermut toᴋosimajunit; tâpkoa sallulerpaliangmatta, kapijaumajutitut sorlo, ajoksarnermut perorsêviub perorsianginik.

Hesekiel 7:15

Saviksoaᴋ silamêpoᴋ, nûsilingnartorlo kângnartoᴋsoarlo iglomêpuk: perorsêvingmêtut toᴋovut saviksoarmut, iglugasaksoarnêtullo kângnerub nûsilingnartublo nunguniarpait.

Amos 4:6

Tunitjivigivapselo kigutinik kupᴋealungitunik iglugasaksoapsingne tamaine, ajoksarnermiglo nerᴋiksanik inigijapsingne tamaine: sullele utilungilase uvamnut, oᴋarpok Nâlegak.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.