Jeremia 14:16 - Labrador Inuttitut Heritage Bible

¹⁶ Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 14:16 Iomraidhean Croise

Salomob Okâl 1:31

Tamânna pivlugo nerrijuksauvut illutsimik ᴋaitanginnik, kajusinermingniglo akᴋeartortuksauvlutik.

Jesaiase 51:20

Kitorngatit kaibjaivlutik iglut akkornganne, terreᴋungine illũnaine nallavut tuktungajotut nulluarsimajotut, Nâlekab ningausinganut Gûdivillo suanganinganut tikkitaummarigamik.

Jesaiase 9:16

Nunaᴋatigêt tassiortingit uiveriklertôngmatta, tassiortaujullo asseroijôngmatta.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 18:21

Taimaimat ᴋitorngangit tunikit kângnartoᴋsoarmut, unertutigikillo saviksûb pitsartuninganut; arnangit ᴋitorngairtaulit uigarniovlutiglo; angutingit toᴋotaulit, inôsuktungillo annaujaulit saviksoarmut unatarnerme.

Jeremia 20:6

Igvillo Pasur, iglomioᴋatitillo ilûnaita aularutijaujuksauvose kipalônermut; tikiutijuksauvotillo Babilonemut, tagvanalo toᴋolârpotit, tagvanalo iluvertaulârpotit, ilatillo ilûnatik, saglovlutit nalautaivigilauᴋtatit.

Jeremia 27:15

Uvanga tililaunginapkit, oᴋarpoᴋ Nâlagaᴋ, saglovlutigle nalautaivut attimne; ajaktuiᴋovlunga ilipsingnik, nungutauᴋovluselo, ilipselo nalautaijullo, ilipsingnut nalautaijut.

Jeremia 4:18

Iluserijatit piniarnitillo tikititsivut tamakkoninga ilingnut; tagga idluitulinerijatit; piungitoᴋsôdlarmatta, ômatingnut ilingangmatta.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 7:33

Inôᴋatigêllo tamakkoa timingit toᴋungajut nerᴋiksaujomârput silab tingmianginut, nunablo nergjutinginut ungumajoᴋarniangilarlo tâpkoninga.

Jeremia 8:1

Naliutome tâpsomane, Nâlagaᴋ oᴋarpoᴋ, anititsijomârput Judab ataningata sauninginik, aulatsijingitalo sauninginik, ajoᴋertuijullo sauninginik, Jerusalemiblo inungita sauninginik, iluvinginit;

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Jeremia 9:20

Sullele Nâlakab oᴋausinga tusarsiuk, ilipse arnaujose, siutipse Nâlakab ᴋaningata oᴋausinga ilaliorlitsuk, paniselo ajoᴋertorsigik ᴋeanermik, silaliselo ogguarnermik.

Jeremia 9:22

Oᴋarit: Imâk Nâlagaᴋ oᴋarpoᴋ: Inuit timingit toᴋungajut katagomârput aᴋtarnerlukutitut perorsêvingme, ᴋippitatitullo kibluijub tunuane, ᴋatersortaujomângilallo.

Hesekiel 39:14

Ingmikôrtitsijomârpullo angutinik suliaᴋatsainartunik arvertatsainartunik nuname iluversilutik tamaunârtunik, nunab ᴋângane simnikunik, nuna ivsornaititauᴋovlugo: taᴋᴋit 7it nâkpatta ᴋeneriartoromârput.

Amos 7:17

Tamanna pivlugo imâk oᴋarpok Nâlegak: Nuliat anguniarpaktungoromârpok iglugasaksoane, ernitillo panitillo saviksoarmut toᴋotaujomârput, nunalo avgortaujomârpok ôktûtemut; igvillo nangminek toᴋolârpotit nuname ivsornartome, Israêlelo aularutijaujomârpok nunaminit.

Mattêuse 15:14

Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.

Takotitaunermik 16:1

Tempelemillo nippersoarmik tussarpunga oᴋartomik Engelinut 7 inut: Iluleᴋutit Gûdib ningausinganik imalit kovijartorsigik nunamut.