Jeremia 14:12 - Labrador Inuttitut Heritage Bible

¹² Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 14:12 Iomraidhean Croise

Hiobe 27:9

Isumavît Gûdib avâlaninga tussarniarmago, kappianartub tikkiniarpago?

Salomob Okâl 1:28

Tagva nipliavigijomârpânga, uvangale kiojomângilanga; ᴋenersaromârpânga nachvârnangale.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 21:27

Gûdeᴋangitut tunnergutingit makkojungnarniôvut; piluartomik nellangainermut tunnijijoᴋarpat.

Salomob Okâl 28:9

Siutiminik allartitsijok tussarnermit Malligaksauᴋojaujunik, tapsoma tuksiarninga makkojungnarniôvok.

Jesaiase 58:3

Sôᴋ nerritailiᴋattarᴋitâ, igvit takonânginaptigut? Sôᴋ tarnivut piojorijungnairtipitigîk, igvit tamanna kamaginginangne? — Ahâk, nerritailijarangapse, idluarᴋutiksarsiorpose, erᴋinaidlarluselo sullijaksaᴋarpose.

Jeremia 11:11

Taimaimat imâk oᴋarpoᴋ Nâlagaᴋ: Ahâk, ogguarnartomik tikiutjijomavunga tâpkonunga, ᴋemâjungnangitanginik; nipliaviginiarpângalo tusaromangilakkale.

Jeremia 11:14

Taimaimat inôᴋatigêksuit tamakkoa tuksiutiniarnagit pît, ᴋongmuartitsiniarnaglo ᴋaigarsungnermik ᴋenunermiglônêt tâpkoa pivlugit; tusaromalunginapkit ᴋaigarsugvigijangine uvamnut kapiasungnitik pivlugo.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 21:6

Iglugasaksuillo ukkua inungit annauleromavakka, inuillo nergjutillo; toᴋojuksauvut nusilingnartomut angijomut.

Jeremia 24:10

Saviksoarlo, kângnartoᴋsoarlo, nusilingnartorlo tilijomavakka tâpkoa akornganut, nungutauᴋovlugit nunamit tunilauᴋtamnit tâpkonunga atâtagilauᴋtanginullo.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 6:20

Suna pivlugo âtsivigivisingâ tipigiksautiksanik Sebamit, tauvlukutiksaniglo nunamit ungasiktomît? Tunergutiksase ôtaksat pijominalungilat uvamnut, tunergutiksaselo toᴋotaksat ᴋuviagingilakka.

Jeremia 8:13

Nungutsomamarikpakka, Nâlagaᴋ oᴋarpoᴋ; paungaᴋaromângilaᴋ napârtune vaineliksane, paungatannaᴋaromângilarlo napârtune paungatannaᴋarpaktune, milluᴋatangillo ᴋunuleromârput tâpkonangat.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hesekiel 14:19

Nûsilingnartorlônêt tilinajarupᴋo nunamut tâpsomunga, ningaumajârneralo kovilugo tâpsomunga aukkut, inuit nergjutillo pêjarlugit tagvangat;

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Hosea 5:6

Saugaᴋotitik tuktuvaᴋotitiglo naksarlugit Nâlegaᴋ ᴋeneriartulârpât; nagvâromangilâlle; tâmna allarmat tâpkonangat.

Amos 5:21

Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.

Migga 3:4

Nâlegaᴋ ᴋaigarsugvigilârpât tagva, tâpsomale akkiniangilait; ilâ, kênane ijeromârpâ tâpkonangat taipsomane, idluitomik piniarnerijangit maliklugit.

Saggaria 7:13

Imailivorlo: sorlo tâmna ᴋaigarsungmat, tâpkoalo tusaromangimatta, taimak tâpkoa ᴋaigarsulârput, uvangalo tusaromangilanga, oᴋarpok Nâlegak Zebaot;

Mâlaki 1:10

Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

Mâlaki 2:13

Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.

Takotitaunermik 6:8

Takogivunga, ahâglo, horsemik ᴋataktângajomik; tâpsomalo ᴋânganêtok toᴋomik ateᴋartok, tâᴋtoksûblo (toᴋungajut iningata) malikpâ. Tâpkoalo ajugautitauvut nunamêtut sitamaulivlugit sitamaingit toᴋoniardlugit, saviksoarmullo, kângnermullo, toᴋonartomullo, pisuktinullo nunamêtunut.