Jeremia 13:22 - Labrador Inuttitut Heritage Bible

²² Omatingnalo oᴋaruvit: Suna pivlugo tamakkoa tikisimavât uvamnût? idluitulinivit unurningit pivlugit annorâtit ᴋongmuartitauvut, kingmitillo aksorornermut usingatitauvlutik.

Jeremia 13:22 Iomraidhean Croise

Jesaiase 20:4

Taimak Assiriamiut attaningata aulartitsomârpait Egiptenemiut tigujaujut Etiopiamiullo aularᴋojaujut, inôsuktullo inutoᴋaujullo, annorâᴋartinnagit ittigaguteᴋartinnagillo, nullungit ussingatillugit, Egiptenemiut kangusûtigijaksangit.

Jesaiase 3:17

Tamanna pivlugo Nâlekab Zionib panningita kabjingit kallaᴋartitsomârpait avatingillo kangusûtiksarijangit ussingatitsomârpait.

Jesaiase 47:8

Taimaimat, mattominga tussarᴋovagit mãna, igvit ikligosuktotit, terliklutit inôjotit, oᴋauseᴋartotillo õmatingne: Uvangauvunga, uvaptut-itoᴋangilaᴋ. Uigarniojomâtsangilanga, ᴋitorngairutinermik tukkisijomângilanga.

Jeremia 13:26

Taimaimat annorâtit pêjaromavakka kênarnut pitilugit, kangusûtiksallo takuksaujomârpoᴋ.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 5:19

Oᴋaraloarupselo: Suna pivlugo Nâlakab Gudipta tamakkoninga tamainik piniarvigivâtigût? kiojaksarivatit: Sorlo ᴋemakapsinga gudingoallo takorngartat kivgartorlugit nunapsingne, taimaluatsiaᴋ takorngartat kivgartoraksarivase nuname nunagingitapsingne.

Jeremiab Ogguarutigijangit 1:8

Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.

Hesekiel 23:26

Mattarlutit annoraijaromârpâtit, pinnarnarsautitit pêjaromârpait.

Hosea 12:8

Efraimelo oᴋarpoᴋ: Akluipunga atso, akluinermik nagvârpunga; piniarnimne tamaine idluinermik ajorniojomik nagvârtoᴋarniangilaᴋ uvamne.

Hosea 2:10

Mânalo kangunarninga ulêromavara anguniaᴋatigijangita takoane, tâpsomingalo piuliklerungnartoᴋalulângilaᴋ aggamnit.

Hosea 2:3

Ussertitsiᴋonanga tâpsominga, saᴋᴋijârtilugolo sorlo inûlervingmine ilaungmat, ilingatitsiᴋonangalo tâpsominga sunaᴋajuitotut, nunatut ipterilingajotut itilugo, toᴋolugolo ᴋêdlarnermut;

Hosea 2:5

Anânangat anguniarmat; singailauᴋtoᴋ tâpkoninga kangunartulivoᴋ; oᴋarmat: Anguniaᴋatigijaᴋᴋa maligomavakka, tunitjivigijikka nerᴋiksamnik, imiksamniglo, saukallo merᴋunginik, ilupâksarmiglo, orᴋsumiglo, imiksaniglo.

Nahum 3:5

Ahâk, sâvigijomârpagit, oᴋarpok Nâlegak Zebaot, annorâtit ᴋongmuartitsomârpakka, kênarnut pitilugit; ussinganîllo takojautitsomârpara inôᴋatigêksoarnut, kangunarnîllo atanioviᴋatigêngnut.

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.

Deuteronomy 18:21

Omatingnelo oᴋaruvit: ᴋanok ilitariniarpitigô oᴋauseᴋ Nâlekab oᴋauserilungitangâ?

Deuteronomy 7:17

Omatikullo oᴋaruvit: inôᴋatigêt ukkua ununersauvut uvamnit; ᴋanok sunaᴋarungnaititsungnarpakkâ?

Deuteronomy 8:17

Oᴋarᴋonaglo ômatingne: Nukima aggangmalo talerpiub pitsartuningata piksavaksoaᴋartipânga makkoninga.