Jeremia 13:19 - Labrador Inuttitut Heritage Bible

¹⁹ Iglugasaksuit seᴋinerdlît parngnanairsimangmatta, palangairudjarijoᴋangilarlo tâpkoninga; Judamiut iluengarlutik aularutijauvut, ila, iluengamariklutik aularutijauvut.

Jeremia 13:19 Iomraidhean Croise

II Atannit 25:21

Babelemiullo atanningata ullimârlugit toᴋopait Riblateme, Hematib nunanganetome. Taimak Judakut aularutitaumalaukput nunakotimingnit.

I Kronika 9:1

Israelitillo illuêngarlutik kittitaumalaukput, ahâglo aglaksimavut Israelitit, Judakullo atanningita aglangine, aulartitaumavullo mânna, idluitullinitik pivlugit Babelemut.

Hiobe 12:14

Ahâk tâmna serᴋomitsilerangat, tagva sananasuarnek sulitsengilak; tâpsoma kina pallangairutijarangago, kinalônêt pallangairutjarijungnangilak.

Jeremia 17:26

Tikitoᴋaromârporlo Judab iglugasaksoanginit, Jerusalemiblo erᴋânêtunit, Benjamiblo nunanganit, naternamillo, ᴋaᴋᴋanillo, seᴋinermillo, ᴋaitsilutik tunergutiksanik ôtaksanik, tunergutiksaniglo toᴋotaksanik, tunergutiksaniglo nerᴋiksanik, tipitsiariksautiksaniglo, tunergutiksaniglo ᴋujalitiksanik, Nâlakab iglunganut.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 24:1

Nalekab unertutjivigilauᴋpânga, sunaubvalo amargaujâk maggûk paungatannaktalîk Nâlakab katimavingata sânganut ilijaujûk; Nebukadnezarib Babilonib ataningata aularutjiningata Jekoniamik, Jojakimib erninganik, Judab ataninganik, Judablo angajoᴋâᴋsoanginik, sanajiniglo, sabviortiniglo Jerusalemit tikiutilugillo Babilonemut, kingorngane.

Jeremia 28:4

Jekonialo, Jojakimib erninga, Judab ataninga, tamaitalo Judamit aularutijaulauᴋtut Babilonemut pijut tamaungautitsomagivakka, oᴋarpoᴋ Nâlagaᴋ; Babilonib ataningata nangmautanga navgorapko.

Jeremia 32:44

Perorsêviksilârput kênaujanut, aglaillo nalonaijaijut aglavigilârpait attermingnik, nalonaikuserlugillo, kigligiutsijuksallo najûtiᴋolugit, Benjamib nunangane, Jerusalemiblo erᴋâne, Judablo iglugasaksoangine, iglugasaksoarnalo ᴋaᴋᴋanêtune, iglugasaksoarnalo naᴋsanêtune, iglugasaksoarnalo seᴋinerdline; aularutijaujungit utertitsomârapkit, oᴋarpoᴋ Nâlagaᴋ.

Jeremia 33:13

Iglugasaksoarne ᴋaᴋᴋanêtune, iglugasaksoanalo naksanêtune, iglugasaksoanalo ânêtune, Benjamiblo nunangane, Jerusalemiblo erᴋâne, Judablo iglugasaksoangine, nergjutit katimgajut kititsijûb tâpkoninga aggangita atâgôromârivut, oᴋarpoᴋ Nâlagaᴋ.

Jeremia 39:9

Nebuzaradaniblo, ataniub udjertortingita angajoᴋângata inuit iglugasaksoanêtualauᴋtut amiakungit aularutivait Babilonemut, ᴋemâmalauᴋtullo tâpsomunga, inuillo amiakôjut simnikungit.

Jeremia 52:27

Babiloniblo ataningata anauvait toᴋolugillo Riblame Hâmatib nunangane. Taimak Judakut nunamingnit aularutijauvut.

Jeremia 52:28

Tamadja inuit Nebukadnezarib aularutijangit, jâringita 7ingane Judit 3,023;

Jeremia 52:30

Nebukadnezarib jâringita 23ingane Nebuzaradanib, atanermik udjertortut angajoᴋâᴋsoangata, inuit Judiojut 745 aularutivait; inuit ilûnatik katilugit 4,600ovut.

Jeremiab Ogguarutigijangit 1:3

Judakut aularutijauvut nunamingnit oᴋumaiksartitaulauramik, angijomiglo kipalungortitauvlutik; nunaᴋarput nelojut akorngane, merngoerserviksarsilungilallo: unangmijingitalo ilûnatik anguvait apᴋosinerne nerrokitune.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Deuteronomy 28:15

Nâlekable Gûdivît nipinga nâlagomangikungne, perᴋojangit maligaksauᴋojangillo tamaita, perᴋojijutigijakka ilingnut uvlome kamagitsiaromanagit piniaromanagillo; tagva ôminarsinerit makkoa ilûnatik tikilârpâtit nelaudlutillo.

Deuteronomy 28:52

Ilumalârpâtillo itertarvingne tamaine, ᴋarmatit poktojut sôngojullo sungertutigijatit nunangne ilûnâne, imiᴋartinagit; itertarvingne tamaine nunangne ilûnâne Nâlekab tunijangane ilingnut, ilumalârpâtit.

Josua 18:5

Nuna aviksiuk ikkupianut 7 nut, Juda kiglilervingminetsainartuksauvok ângat, Josefekullo kiglilervingminetsainartuksauvut avangat.