Jeremia 13:16 - Labrador Inuttitut Heritage Bible

¹⁶ Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 13:16 Iomraidhean Croise

Hiobe 3:5

Târnerub tacharnerublo sâlagilikko, nuvujallo ivjojut ᴋânganêtsainarlit, pujublo uvlôtillugo takkoranêtiliuk.

Imgerut 107:10

Iksivajuksaulauktut tâktome tâksinermelo, parngnanairsortauvlutik ajoringorsiume, kikkiangmelo;

Imgerut 107:14

Tassiorlugillo târmit, tâksinermillo, ᴋellarutingillo kiktoratilugit:

Imgerut 29:2

ᴋaitsivigissiuk Nâlegak attingata opigijauninganik, Nâlegak tuksiarvigissiuk pinnarnarsiluse ivsornaitomik.

Imgerut 44:19

Taimak annaulerluta serᴋaligaptigut terrianiat akkorngane, ulliklutalo tâktomut.

Exodus 10:21

Nalekablo Mosese oᴋautivâ: Aggatit isakit paunga ᴋilangmut, Egiptenib nunanga ulliktaurᴋovlugo tâksoarmut, illâ, tâktsoarmut aktortaujungnartomut.

Salomob Okâl 4:19

Gûdeᴋangitulle apᴋotingat tâksinertunipok, nellovullo nanê pâlangniaramik.

Okaluktok 11:8

Inuk Jârit unuktut nâlugit inôgalloarune ᴋuviasuklunelo tâpkonane ilûnaine: tagva erᴋailerletauk uvlunik idluitunik, tâpkoa unuktôlerniarmatta; tamaita pijomârtut sulinginiongmatta.

Jesaiase 5:30

Nalliutomelo tamattomane iktullijâdlaromârput (Israêlitinut), sôrlo imarbiksoaᴋ iktullijârmat. Nuna ullernaigijaulerpat, ahâk tâᴋtoᴋ kappianartoᴋ, ᴋaumajorlo takpânẽtoᴋ ᴋaumajungnairpoᴋ nuvujanut.

Jesaiase 59:10

Karmaᴋ tapsikârpavut tautungitutitut, ijeᴋangitutitut tapsikârpogut; uvlub ᴋetterarningane naukiutivogut sôrlo tâᴋtome, atsuilijut akkornganne toᴋungajutitut-ipogut.

Jesaiase 59:9

Tamanna pivlugo erᴋartuitsiartoᴋ ungasikpoᴋ uvaptingnit, idluarsaijomullo tikkitaujungnangilagut. Kaumajoᴋ nerriugigalloarpavut, sunaubvâle! târpoᴋ; ᴋau (nerriugigalloarpavut), sunaubvâle! tâᴋtome arvertarpogut.

Jesaiase 60:2

Ahâk, tâᴋsûb nunaᴋsoaᴋ ullikpâ, tâᴋsinerublo nunaᴋatigêksuit ullikpait, kissianele ᴋollikkut Nâlegaᴋ nuivoᴋ, ânanaunersoangalo saᴋᴋijârpoᴋ ᴋollikkut.

Jesaiase 8:22

Arlorput takpaunga takkunârlutiglo nunamut, kappianartoᴋarpoᴋ tagvane tâᴋtomiglo tâᴋsoarmiglo ᴋoaᴋsârnartomik; tâᴋtoᴋsoarmut pititaumavut.

Jeremia 14:19

Juda ipperarsimamarikkiûk tâvâ? Tarnivît Zione ariumarikkaûk? Suna pivlugo annausimavitigût inûlijaunangitomîk? Nerriulauᴋpogut ulapirᴋsaumik, sunaubvale ajungitomik saᴋᴋertoᴋangilaᴋ, naliunermiglo inûlijauvionartomik, sunaubvale kapianartomik!

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Jeremia 23:12

Tamanna pivlugo apᴋotingat siargitârnartotut pisuktomut tâᴋtome ilinganiarpoᴋ; ungortaulârput okpikâlutiglo tagvane; idluitomik tikiutjijomagama tâpkonunga, nalipsartauningita jâringane, oᴋarpoᴋ Nâlagaᴋ.

Jeremia 4:23

Nuna ulernaigilauᴋpara, sunaubvalo ilênarsimajoᴋ sunataᴋaranalo; ᴋilaillo, tâpkoalo ᴋaumajoᴋangilat.

Jeremia 50:6

Inukatikka saugangovut assiomajut; mianerijingita tamartisimavait, sangutilauᴋpait ᴋaᴋᴋane; arvertarput ᴋaᴋᴋamit ᴋaᴋᴋârsungmut, puigorput merngoêrservigijamingnik.

Jeremia 6:21

Taimaimat imâk oᴋarpoᴋ Nâlagaᴋ: Ahâk, nâviksamik ilijijomavunga inôᴋatigêksuit ukkua sânginut; atâtallo erningillo naukiutijomârput tâpkonunga, silalerêllo asseroᴋatigêgomârput.

Jeremia 8:15

Nerriulauᴋpogut ulapirᴋsaumik, ajungitomigle tikitoᴋalaungilaᴋ; naliutomiglo inûlijaunartomik, sunaubvale, kapiasuktitauvogut.

Jeremiab Ogguarutigijangit 4:17

Ijivut takpêlerput sulle ᴋenernermut ikajortiksaptingnik sulingitunik; ᴋenerniptingne ᴋenitsainalaukpogut inôᴋatigêksoarnik piuliklerungnangitunik.

Hesekiel 21:15

Saviksûb nuvua torârtipara iterviksoanginut tamainut, ômatingit mungorᴋovlugit, naukiutiningillo unuksiᴋovlugit. Kebleriksartauvoᴋ ᴋaumalaᴋtut, kênaksartauvoᴋ toᴋotsinermut.

Hesekiel 34:12

Sorlo mianersijub saukane akornganêtub saukane ᴋenermagit uvlorme siamangavigijangine, taimak saugakka ᴋeneromârivakka, piulijomârpakkalo nunanit tamainit siamangavigilauᴋtanginit uvlorme nuvujalingme tâᴋtolingmelo.

Hesekiel 36:15

Kingornganelo tusartitsomângilagit nelojut kangusuktitsininginik, nangmariaᴋaromângilatillo inôᴋatigêksuit mitauteᴋarninginik kingorngane, inôᴋatigêksoaᴋotitillo kingormgujijoêrutijaksarilungilatit kingorngane, oᴋarpoᴋ Nâlegaᴋ Nâlegaujoᴋ.

Joel 2:2

Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Amos 4:13

Tagva ahâk, tâmna ᴋakᴋanik sanajok, anoremik pingortitsijok, inungnullo nalonaijaijok issumagijanginik, uvlâmik tâktungortitsijok, nunablo poktoningine tullerajarijok: ate ᴋarpok Nâlekamik Gûdemik Zebaotemik.

Amos 5:18

Kapianarmêk ilipse, Nâlekab uvlunganik ᴋilanârtose! Nâlekab uvlunga suksarivisiûk? Tâkpok, ᴋaumaniolungilak.

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.

Johannese 12:35

Tagva Jêsusib oᴋautivait: ᴋaumajûb sulle anikitomik najorniarpâse. Arvertaritse, ᴋaumajomik najorteᴋartiluse, tâᴋtomut tikitaulerᴋonase. Tâktome arvertartok ᴋaujimangilak namut ainerminik.

Josua 7:19

Josualo Achanemut oᴋarpok: Ernîk nertordlernermik tunnijilerit Nalekamut Israelib Gudinganut, nakorilugolo pît, oᴋautilungalo, sunamik pinialaukât? missiarviginangalo sunamik.

I Pêtrusib 2:8

Ujaraulerdlune aporvingmik, ᴋairtôlarmelo sinaungautaujomik taipkonunga aportunut oᴋautsemik, okperinagit atoraksarijatik.

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.