Jeremia 13:14 - Labrador Inuttitut Heritage Bible

¹⁴ Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 13:14 Iomraidhean Croise

II Kronika 20:23

Amoniblo Moabiblo ᴋittorngangita taipkoa Seirib ᴋaᴋᴋanginit pijut nangerdlutik akkingarpait pêjarlugit nungutsomavlugillo, Seiremiullo nungulerêramigit, tagva tapᴋoa illangata illane ikajorpa asserortigêᴋovlugittauk.

Hiobe 27:22

Tâpsoma (Gûdib) uvigarniarpâ nikkaginiangilâlo; tagvainak ᴋemâjariaᴋarᴋovlugo tâpsoma agganginnit.

Imgerut 2:9

Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jeremia 15:5

Kia naiperᴋutiginiarᴋâtît, Jerusalêm? Kialônêt oggoriniarkâtît? Kinalônêt sanguniarᴋâ ᴋanoelinganît aperᴋutigivlugô?

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 16:5

Nâlagaᴋ oᴋarmat imâk: Iglo ᴋeavik itervigijaksaringilat, ogguaᴋataujartortuksaungilatillônêt ᴋeaginagillônêt; ulapirᴋsautiga pêjarsimagapko inôᴋatigêksoarnit makkonangat, Nâlagaᴋ oᴋarpoᴋ, ila, saimarveᴋarnera nâpkiningneralo.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 25:16

Imeromârpullo, oggôjaniarlutiglo, issumairutiniarlutiglo, saviksoaᴋ pitjutigilugo tilijomajara tâpkoa akornganut.

Jeremia 47:3

Horsingita itigangita tukkartorningita ᴋiᴋᴋerganginut, ᴋamutingita aksaloalit ivulungninginut, aksaloangita kalerganginut, atâtat ᴋevialungilat ᴋitorngamingnut, aggangita sangêningit pivlugit;

Jeremia 48:12

Tamanna pivlugo, ahâk, uvlut naliutijomârput, oᴋarpoᴋ Nâlagaᴋ, tilikleromârama uvertitsijunik tâpsomunga, tâpkoalo uvertitsomârpât; ᴋattaujangit imairutijomârpait, publaujangillo serᴋomilugit.

Jeremia 6:21

Taimaimat imâk oᴋarpoᴋ Nâlagaᴋ: Ahâk, nâviksamik ilijijomavunga inôᴋatigêksuit ukkua sânginut; atâtallo erningillo naukiutijomârput tâpkonunga, silalerêllo asseroᴋatigêgomârput.

Jeremiab Ogguarutigijangit 2:21

Inôsuktut inuᴋoartullo nelavut nuname apᴋosineâlungne, uigasukka nullêtukkalo oggotitaumavut saviksoarmut; toᴋosimavatit ningaumajârnivît uvlungane; toᴋorarpatit naiperᴋutigo sungneᴋarnak.

Hesekiel 24:14

Uvanga Nâlegaujunga tamanna oᴋautigivara, nelautsilârpoᴋ piniaromârparalo; uteromangilanga, anajagosugomanangalo, ᴋaᴋᴋialeromangilangalônêt; apᴋutigijatit piniarnerijatillo maliklugit erᴋartoromârpâtit, oᴋarpoᴋ Nâlegaᴋ Nâlegaujoᴋ.

Hesekiel 7:3

Mâna naggatiksab tikilerpâtit, ningaumajârneralo tilijomavara ilingnut, erᴋartoromavagillo iluserijatit maliklugit; maᴋojungnartulinitillo ilunaita tikiutitsomavakka ilingnut.

Hesekiel 7:4

Ijingmalo anajaginiangilâtit, naiperᴋutigosungneᴋaromangilangalônêt; iluserijatillo tikiutitsomavakka ilingnut, maᴋojungnartulinivillo nelipsalârpâtit: missigijuksauvoselo uvanga Nâlegaugama.

Hesekiel 7:9

Ijîkkalo anajagosungniangilâk, naiperᴋutigosungneᴋaromangilangalônêt: tikitautitsomavagit iluserijatit maliklugit, maᴋojungnartulinivîllo nelipsalârpâtit; missigijuksauvoselo uvanga Nâlegaujunga annaunigama.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Hesekiel 9:10

Taimaimat ijîkkatauᴋ nâpkigosungniangilâk, naiperᴋutigosungniangilangalo, piniarnerijangille tikiutijomavakka niaᴋunginut.

Hesekiel 9:5

Tâpsomalo assingit oᴋautivait tusâtilunga: Iglugasaksuit ingerarvigisigik tâmna maliklugo, annaunileritselo: ijiselo nâpkigosungniaratik, naiperᴋutigosungniaraselo.

Hosea 2:4

Ilâ, ᴋitorngangit nâpkigijomangilakka, anguniarpaktub ᴋitorngaringmagit.

Saggaria 11:6

Nunab inungit ilapjugijungnairomagapkit, oᴋarpok Nâlegak: ahâgle, inuit ilûnatik pititsomavakka inôᴋatingita agganginut, ataningitalo agganginut: tâpkoalo nuna aseroromârpât, piulijomângilakkalo agganginit.

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

Markuse 13:12

Katangutible ᴋatangutine toᴋomut pititsomârpâ, atâtablo ernine ᴋitorngallo angajoᴋâtik akkerartoromârpait toᴋoᴋovlugillo.

Deuteronomy 29:20

Nâlekab tagva issumagijungnaiviginiangilâ tâmna, Nâlekable ningarninga ilungertorningalo katsungaidlaromârpok angumut tâpsomunga, ôminarsiᴋojinerlo ilûnane aglangne ukkunane aglaksimajok tungalârpok tâpsomunga, Nâlekablo tâpsoma atinga pêjaromârpâ ᴋilaub atânit.

I Samuel 14:16

Sauliblo udsertortingit Gibeame Benjaminib nunanganêtome, takkovut kattimgajut siamalermatta, sunatuinarmullo akpangermatta, nungutaulermattalo.