Jeremia 13:11 - Labrador Inuttitut Heritage Bible

¹¹ Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.

Jeremia 13:11 Iomraidhean Croise

Imgerut 135:4

Nâlekab Jako annerilaungmago ingminut, Israelelo perᴋotiminut.

Imgerut 147:20

Nallojut nallîllonêt taimailiorvigingilait, idluarijangillo illitarilungilait. Hallêluja.

Imgerut 81:11

Innuᴋotimale nippiga nâlelungilât, Israelitillo pijomalungilânga.

Jesaiase 43:21

Inuit tâpkoa âᴋiksorpakka uvamnut, nertornadlarnera oᴋautigijaksarivât.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Jeremia 13:1

Nalekab imâk oᴋautilauᴋpânga: Pisiniariatorit tapserutemik uvineruksajamik, makitikkullo tapseruserlutit, ᴋausertailitilugole.

Jeremia 13:10

Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 13:12

Taimaimat oᴋautsemik ominga oᴋautijaksarivatit: Imâk Nâlagaᴋ Israêlib Gudinga oᴋarpoᴋ: Publaujat ilûnatik tattataujuksauvut vainemik, tâpkoale oᴋautiniarpâtit: Kaujimangilagut publaujat ilûnatik tattataujuksaumangâta vainemik.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 32:20

Nalunaikutanik tatamnartuniglo pititsilauᴋtotit nuname Egipteneme uvloᴋ tamanna tikidlugo, Israêleme tâpkoalo assingita akorngane; tusaumajautilutillo sorlo uvlome;

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Jeremia 6:17

Pigârtuksaᴋartilauᴋpapselo oᴋartuksanik: Nâlagitse tiptulautib nippinganik; tâpkoale oᴋarput: Nâlagomalungilagut.

Jeremia 7:13

Mânalo tamakkoa tamaita piniarnerilaurapsigik, oᴋarpoᴋ Nâlagaᴋ, oᴋâlavigilaurapselo, makisaraivlunga oᴋâlavlungalo, nâlalaungnapsele; ᴋaigarsugvigilaurapse kiolaunginapsele;

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Amos 3:1

Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:

Lukase 10:11

Sanît aglât aktuajut uvaptingnut iglugasaksoapsingnit katerarpavut ilipsingnut; nelojungnaititauleritsele, Gûdib nâlegauvia ᴋanitapsingnut tikisimalaungmat.

Deuteronomy 26:18

Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 26:19

Anginersautitsomagamitillo inôᴋatigêksoarnit pingortitaminit tamainit nertortaunerme unipkautaunermelo opigijaunermelo; inôᴋatigêngoᴋovlutit ivsornaitut Nâlekamut Gûdingnut, sorlo oᴋalaurame.

Deuteronomy 4:7

Nane inôᴋatigêksoaᴋarᴋâ taimak ᴋanitigijomik Gûdelingnik, sorlo Nâlegak Gûdivut ᴋanitigingmat uvaptingnut ᴋaigarsugvigijarangaptigô?

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.