Jeremia 13:10 - Labrador Inuttitut Heritage Bible

¹⁰ Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 13:10 Iomraidhean Croise

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Okaluktok 11:9

Tagva inôsuktotit ᴋuviasugit inôsungnerne ômatillo alliasulerle, inôsungnivit uvlunginne. Piniarit ômativit tussugijanginnik, ijîkpillo takkungiartanginnik; ᴋaujimalerille Gûdib tamakkoa tamaita pivlugit pititsomârmattit erᴋartuivingmut.

Jesaiase 3:24

Tagva tippitsiariksauteᴋarungnairlutik aunersungnitoᴋaromârput, tapseruteᴋarungnairlutik aklunâvineᴋaromârput, nujaᴋarungnairlutik âᴋiksimatsiartunik nujaᴋangitomik kabjeᴋaromârput, ulliksoaᴋarungnairlutik pôksajanik annorâᴋaromârput. Takkorannêtsomârput ânanaujungnairlutik.

Jeremia 11:10

Uterput atâtagilauᴋtangita, oᴋauserijamnik tuseromalaungitut, idluitulininginut; malikpullo Gudib assinginik, kivgartoromavlugit; Israêlib kinguvângita Judablo kinguvângita angiᴋatigêngneᴋ angerutigilauᴋtara atâtagijanginut, serᴋomipât.

Jeremia 11:18

Nâlakablo ᴋaujitilauᴋpânga tamattominga, ᴋaujimavaralo; tagva unertutilauᴋparma piniarninginik.

Jeremia 13:7

Farâtemut ailauᴋpunga tagva, aggarlungalo, tapserullo tiguvara ijersivigilauᴋtamnit tâpsominga, ahâglo, tapserut sujuksimavoᴋ, sunamullônêt atoraksaujungnaivlune.

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 23:17

Naggojut uvamnik oᴋautiᴋattarpait: Nâlagaᴋ oᴋarsimavoᴋ: Ulapirᴋsauteᴋarniarpose: arvertartunullo tamainut ômatimik mangaitisimaningit maliklugit oᴋarput: Idluitub tikiniangilâse.

Jeremia 3:17

Naliutomele tâpsomane Jerusalem atseraromârpât Nâlakab iksivautaᴋsoanganik; inôᴋatigêksuillo ilûnatik katijomârput tagvunga, Nâlakab attinga pivlugo, Jerusalemut; arvertarungnairomârpullo ômatingita idluitut nâmagijangat maliklugo.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 44:16

Oᴋauseᴋ oᴋautigijat uvaptingnut Nâlakab attingane pitjutigivlugo, nâlagomangilaptigit.

Jeremia 44:5

Nâlalaungilalle, siutitiglônêt manilaungilait sâgiaromavlutik idluinermingnit, tipigiksautinik isserluanititsijomairlutik gudingoanut assimnut.

Jeremia 5:23

Inôᴋatigêksuille ukkoa ômateᴋarput nâlagomangitunik tapatojuniglo; nâlagomairput aularlutiglo.

Jeremia 7:13

Mânalo tamakkoa tamaita piniarnerilaurapsigik, oᴋarpoᴋ Nâlagaᴋ, oᴋâlavigilaurapselo, makisaraivlunga oᴋâlavlungalo, nâlalaungnapsele; ᴋaigarsugvigilaurapse kiolaunginapsele;

Jeremia 7:6

Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Jeremia 9:13

Nâlagarlo oᴋarpoᴋ: (Taimailingavoᴋ) ᴋemailaungmatta perᴋojamnik tunilauᴋtamnik tâpkonunga, nâlalaungimattalo nippimnik, arvertalaungimattalo tâpkoa maliklugit;

Jeremia 9:14

Arvertalaungmattale ômatimik mangaitoᴋsôningat maliklugo, Baalelo maliklugo, sorlo ajoᴋertortaulaungmatta atâtamingnut;

Jeremia 9:6

Innigijat uivêriklernerub ᴋêrᴋanêpoᴋ; uivêriklerneᴋ pivlugo ilitarijomangilânga, Nâlagaᴋ oᴋarpoᴋ.

Numbers 14:11

Nâlekablo Mosese oᴋautivâ: Kanoᴋ akunertigijomik inuit tamakkoa naggoginiarpângâ? Kanorlo akunertigijomik okperomangilât uvamnût, tatamnartut piniarnerijakka tâpkoa akorngane pigaloartilugît?

Apostelit Piniarningit 7:51

Tapatojoksôjose kipimangitoselo ômatipsigut siutipsigullo, akkerartutsainarpase Anernek ajunginek. Atâtagijapsitut ilipsetauk taimailiorivose.

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.