Jeremia 12:6 - Labrador Inuttitut Heritage Bible

⁶ Katangutivit, atâtavillo ᴋitorngangita aglât nalangaitomik piniarvigingmatit, udlalutillo oᴋarnerlutjivigingmatit; tagva tatigitailikit oᴋautsinik ilanârnartunik oᴋauseᴋaraloarunik ilingnut.

Jeremia 12:6 Iomraidhean Croise

Hiobe 6:15

ᴋattangutima nertornaratik sanerᴋopânga kôktut, sôrlo imiksuit sanerᴋotsivlutik kôdlarmatta;

Imgerut 12:2

Saglojunik oᴋautiutivut; kangasinângnut piangnartunnut, ômamullo maggogusertomut oᴋarput.

Imgerut 12:3

Nâlekab pêjarligit kangasinângnerit piangnartut illunaita, oᴋarlo pimariuterlune oᴋartok.

Imgerut 69:8

Tujormijangolerpunga ᴋattangutimnut, illitarijaunangalo anânama ᴋittornganginnut.

Salomob Okâl 23:8

Tamoatit, nerrilauktattit orriaraksarivâttit, oᴋautsitillo ilannârnartut assiojijaksarivâttit.

Salomob Okâl 26:25

Nippine tussarnidlartileraikpago, tagva okperitailiuk; ommatingane makkojungnartoᴋarmat 7 inik.

Jesaiase 31:4

Imâk Nâlegaᴋ oᴋarmat uvamnut: Sôrlo loeve loeviararlõnêt kallingollângmat alliktortame ᴋollâne, mianersijut unuktut oparᴋojaukpatta tâmna pivlugo, ᴋuᴋudlartut ᴋoaᴋsârutiginagit unurningillo erᴋsiginagit, taimaidlune ᴋilangmiugasaksuit Nâlegangat aᴋᴋaromârpoᴋ, sorsugiarlune Zionib ᴋaᴋᴋangane ᴋaᴋᴋârulanganelo.

Jeremia 11:19

Uvangale saugâraᴋtut sinaungajuitotut toᴋotauvingmut tassigoartaujotut ilingalauᴋpunga; ᴋaujimalaungilanga angiᴋatigêlaungmangârmik pikalukvigijomavlunga, oᴋarlutik: Napârtoᴋ paungangillo asserorniarlavut, nakalaulavullo inôjut nunanganit, attinga erᴋaumajaujungnaimariᴋovlugo.

Jeremia 11:21

Taimaimat imâk Nâlagaᴋ oᴋarpoᴋ Anatotemiut, inôsernik pinasuartut, pivlugit, oᴋarlutik: Nalautainiarnak Nâlakab attingane, aggaptingnut toᴋotauᴋonak.

Jeremia 20:10

Tusarsimagama unuktut oᴋarnerludjininginik, ᴋoaᴋsârtitsijoᴋarpoᴋ avatimne ilûnâne. Pasidlarsiuk, pasijomadlarpavullo, oᴋarput ilanârijakka ilûnatik, kamajut sanguniarmangârma; imaᴋa uerisartaulârpoᴋ, uvagullo sâlagilârpavut taima, akkiniarvigilugolo.

Jeremia 9:2

Kanoᴋtôᴋ tujormiviksaᴋatuinarlanga sunaᴋajuitome, sorlo ingergajut piᴋattarmatta; ᴋemâjungnarᴋovlunga inôᴋatimnik aularlungalo tâpkonangat! ilûnatik assiniarteongmatta, tunganaitoᴋsôᴋatigêt.

Jeremia 9:3

Niungaivut oᴋamingnik sorlo pitiksimingnik saglonermut; sôngosisimavut nuname, mikseᴋârneᴋ pivlugo-ungitorle; aglivaliavut idluinermit idluinermut, ilitaringilângalo, Nâlagaᴋ oᴋarpoᴋ.

Jeremia 9:4

Ilimasugitse ilûnase inôᴋatipsingnik, ᴋatangutiselo sungertutiginiarasigik; ᴋatangut pititsijomangmat ᴋatangutiminik, inôᴋatelo arvertaromavoᴋ terliarᴋataivlune.

Jeremia 9:5

Ilûnatiglo atunit uivêrikleromavut inôᴋatimingnik, mikseᴋârtomiglo oᴋaromangilat; oᴋatik ilisavait saglonernik oᴋarᴋovlugit, merngortortipullo nangminermingnik idluitulijomavlutik.

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

Markuse 12:12

Tigunasuaralloarpâllo, (inuille erᴋsigivait) malugigamitsuk, adsuijomut matomunga oᴋautigingmagit; ᴋemaklugolo tâva aularput.

Johannese 7:5

ᴋatangutingitalônêt okperingimatsuk.

Apostelit Piniarningit 16:22

Inuillo ilûnatik pikablâtitauvut pitjutigilugik; aulatsijullo annoraijartauᴋovakit isaᴋajauᴋolâniglo.

Apostelit Piniarningit 18:12

Gallionele atanerusiongmat Achâjame, Judit ilagêklutik perajaludlarput Paulusemut, aularupâllo kiglisiniarviub iksivautangata sânganut.