Jeremia 12:4 - Labrador Inuttitut Heritage Bible

⁴ Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 12:4 Iomraidhean Croise

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Imgerut 50:21

Taimailiorpotit, uvangalo niplingilanga; tagva illiktuninasugivarma. Kissianele pitlaromavagit, pititsomavara ijikpît sângangnut.

Jesaiase 24:4

Nuna kappiasuklune asserolerpoᴋ, sillaᴋsoaᴋ toᴋolerlune asserolerpoᴋ, attanionersat nunaᴋatigêt akkornganne toᴋolerput.

Jesaiase 24:6

Taimaimat ominautiksab nuna nungutipâ, inungillo pidlartauniksamingnik attorput. Taimaimat nunab inungit ikkitauvut, inuillo amiakôjut ikkitôlerput.

Jeremia 12:11

Pitairutisimavât; pitaijartauvlune, takominaidlarpoᴋ sâmne; nuna ilûnane sunairutjauvoᴋ, erᴋasuktoᴋalungimat tâpsominga.

Jeremia 14:2

Juda kiksadlarpoᴋ, upkoaᴋsoangit ᴋaggimioviojungnaiput, nunamêtut ogguadlarput, ᴋuggudlarnerillo ᴋongmuarput Jerusalemit.

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 4:25

Ulernairsilauᴋpunga, sunaubvalo inuᴋangilaᴋ atautsemiglônêt, tingmiallo, ᴋilaub atânêtut, ᴋemâsimavut.

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Jeremia 5:13

Nalautaijullo anoringoromârput, oᴋauserlo tâpkonanêngilaᴋ; nangminerle taimailiorviolârput.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:9

Nalipsaraksaringilakkâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoanik taimaitunîk?

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Joel 1:18

Kappê! Tuktuvait âlavut! Nergjutit ungôrtat siarklerput, nerrinasugviksaᴋanginamik; ilâ, saukat katimgajut perlilerput.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Habakûb 3:17

Napârtoᴋ paungatannaᴋut nuvugulâᴋtâlungikaloarpat, vaineliksataliglo paungatâlungipat, orᴋsuliub napârtunga sulijungnaigaloarpat, perorsêvillo nerᴋiksanik sakᴋêlungipatta, saukat ungalulingmit nungugaloarpatta, nergjuteᴋaullo nergjutetaᴋangipat;

Saggaria 1:12

Tagva Nâlekab engelinga kiovok oᴋarlunelo: Nâlegak Zebaot, ᴋanok sivitutigijomik sulle nâpkigosuktaililârᴋêt Jerusalemik Jûdablo iglugasaksoanginik, ningarvigijarnik jârit ukkoa 70 nâvlugit?

Rômiunut 8:22

Pingortisimajut tamaita ᴋaujimavavut, anersaumeᴋatigivluta kappiasutsainarmatta mâna sulle.