Jeremia 12:14 - Labrador Inuttitut Heritage Bible

¹⁴ Imâk Nâlakab avalikka idluitut ilûnaita, aktuijut kingormgutijamik kingormgutijautilauᴋtamnik inuᴋotimnut Israêlikunut, oᴋautigivait: Ahâk, nussugomavakka nunamingnit, Judablo ᴋitorngangit nussugomavakka tâpkoa akornganit.

Jeremia 12:14 Iomraidhean Croise

Imgerut 105:15

Saimartitakka aktorniarassigik, Nallautaijoᴋotikkalo kiksartiniarassigik.

Imgerut 106:47

Ikajortigut Nâlegak Gûdivut, kattersortigullo nallojunnit; nertordlerᴋovluta atternik hailigeôjomik, nakorsarᴋovlutalo nertornarnernik.

Jeremia 2:3

Israêle ivsornaitoᴋutaulauᴋpoᴋ Nâlakamut, perorsijaᴋotingita innerᴋârtungit; nungûtsijut tâpkoninga passijaksaulârput, tikitaulârput ogguarnartomut, Nâlagaᴋ oᴋarpoᴋ.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Jeremia 48:1

Moabe pivlugo. Imâk oᴋarpoᴋ Nâlagaᴋ Zebaot, Israêlib Gudinga: Kapianarmêk Nebo! sunairutititaungmat; Kiriataim kangusuktitauvoᴋ, tigujauvlunalo; Misga kangusuktitauvoᴋ serᴋomitauvlunalo.

Jeremia 48:47

Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Jeremia 49:1

Ammonib kinguvângit pivlugit. Imâk oᴋarpoᴋ Nâlagaᴋ: Israêle erneᴋangilâᴋ? Kingormgujijuksaᴋangilâᴋ? Suna pivlugo ataningata Gade perᴋutigivaûk, soᴋlo inungit ineᴋarᴋât iglugasaksoanginê?

Jeremia 49:7

Edome pivlugo. Imâk oᴋarpoᴋ Nâlagaᴋ Zebaot: Têmaneme ilisimaneᴋarungnaiᴋâ? silatujut silatunêrutivât? ilisimaningat nipaᴋsimavâ?

Hesekiel 28:25

Imâk oᴋarpoᴋ Nâlegaᴋ Nâlegaujoᴋ: Katersoisimajarêruma Israêlib ᴋitornganginik inôᴋatigêksuit siamangavigijangita akornganit, ivsornaititaugumalo tâpkonane inôᴋatigêksuit takoane, taipsomane nunaᴋalârput nunamingne tunilauᴋtamne kivgamnut Jakomut.

Hesekiel 28:26

Nunagijomârpâllo terliklutik; ila, iglolioromârput, vaineliksatalingniglo ilijivlutik, terliklutiglo nunagijomârpât; erᴋartuijarêruma tamainik avatinginêtunik pagvisartunik tâpkoninga; ᴋaujijuksauvullo uvangaugama Nâlegaᴋ Gudigijangat.

Hesekiel 36:24

Tigujomârapse inôᴋatigêksuit akornganit, katersoromârluselo nunanit ilûnainit, tikiutiluselo nunaᴋotipsingnut.

Hesekiel 36:5

Tamanna pivlugo imâk oᴋarpoᴋ Nâlegaᴋ Nâlegaujoᴋ: Ilungertudlarnimne ningaumajârlunga oᴋalauᴋpunga inôᴋatigêksuit amiakungit Edomelo ilûnât pivlugit, ômatingita ilûnatik ᴋuviasungninganut tarnemiglo kassêninganut nunamnik kingormgutijaksautitsilauᴋtut nangminermingnut piksauᴋovlugo;

Hesekiel 37:21

Oᴋautikillo: Imâk oᴋarpoᴋ Nâlegaᴋ Nâlegajuoᴋ: Ahâk, Israêlib ᴋitorngangit tigujomârpakka inôᴋatigêksuit aivigijangita akornganit, avamillo katersoromarpakka, tikiutilugillo nunamingnut;

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Saggaria 1:15

Inôᴋatigêksuillo nipungajut angijomik nâmaksingijutigivakka: angijôngitomik nâmaksingilaurama, tâpkoa ikajorput nangminermingnik ajortomut.

Saggaria 2:8

Imâk oᴋarmat Nâlegak Zebaot: ânanausijaunerub kingorngane tilivânga inôᴋatigêksoarnut ilipsingnik aserorsaijunut: ilipsingnik aktuijûb ijime takonârtinga aktorpâ.

Deuteronomy 28:63

Imaitsomârporlo, sorlo Nâlekab ᴋuviasûtigilaungmase ajungitulivigijomavluse unuksititsomavluselo, taimak Nâlekab ᴋuviasûtigijomârpâse asseroromavluse nunguluselo; pêjartaujomârposelo nunamit aivigijapsingnit pigijomavlugo.

Deuteronomy 30:3

Tagva Nâlekab Gûdivît aularutijaunît issumagijomârîva, nâpkigijomârpâtillo, uterlunelo katersoromârpâtit inôᴋatigêksoarnit tamainit, Nâlekab Gûdivît apsimaviotitanginit ilingnik.