Jeremia 12:12 - Labrador Inuttitut Heritage Bible

¹² Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 12:12 Iomraidhean Croise

Jesaiase 34:6

Nâlekab saviksoanga auliksôvoᴋ, sallumaipoᴋ orᴋsumut saugârsuillo angusaluillo aunginut, tuktungajullo taᴋtorutinginut, Nâlekab tunergutiksaᴋ pijarêrmago Bosrame toᴋotsinersoarlo Edomib nunangane.

Jesaiase 57:21

Idluitullijunut ullapirsauteᴋangilaᴋ; oᴋarpoᴋ Gûdiga.

Jeremia 15:2

Oᴋautikpatillo: Namut aijuksauvitâ? oᴋautilârpatit: Imâk Nâlagaᴋ oᴋarpoᴋ: Toᴋomut ilingatitaujut, toᴋomut; saviksoarmut ilingatitaujut, saviksoarmut; kângnartoᴋsoarmut ilingatitaujut, kângnartoᴋsoarmut; aularutjaunermullo ilingatitaujut, aularutjaunermut.

Jeremia 16:5

Nâlagaᴋ oᴋarmat imâk: Iglo ᴋeavik itervigijaksaringilat, ogguaᴋataujartortuksaungilatillônêt ᴋeaginagillônêt; ulapirᴋsautiga pêjarsimagapko inôᴋatigêksoarnit makkonangat, Nâlagaᴋ oᴋarpoᴋ, ila, saimarveᴋarnera nâpkiningneralo.

Jeremia 25:11

Nunalo tamanna ilûnane serᴋomakungoromârpoᴋ tataminiarutiksauvlunalo; inôᴋatigêksuillo makkoa kivgartoromârput Babilonib ataninganik jârinik 70nik.

Jeremia 3:2

Ijikik uitatikik ᴋaᴋᴋanut merᴋoᴋangitunut, takolerlutillo; nane ajortuliviᴋalaungilatît? Utaᴋilugit iksivalauᴋpotit apᴋosinerne, sorlo Arâbiamioᴋ sunaᴋajuitome; nunalo ivsornartipat ajortulinernut idluitulinernullo.

Jeremia 3:21

Nippe tusartauvoᴋ ᴋaᴋᴋane merᴋuᴋangitune, Israelib ᴋitorngangita ᴋeaningit ᴋenuningillo, mumiktitsisimangmatta apᴋotigijamingnik, puigorsimangmattalo Nâlakamik Gudemingnik.

Jeremia 30:5

Imâk oᴋarmat Nâlagaᴋ: Tusarsimavogut ᴋoaᴋsâdlarnerub nippinganik, erᴋsinerub ulapirᴋsauteolungitub.

Jeremia 34:17

Taimaimat imâk oᴋarpoᴋ Nâlagaᴋ: Nâlaksimanginapsinga ᴋaujititsiluse kipalûtjârinermik ilûnase atunit ᴋatangutiminik, ilûnaselo atunit inôᴋatiminik; ahâk, ᴋaujititsivunga ilipsingnik kipalûtjârinermik saviksoarmut, oᴋarpoᴋ Nâlagaᴋ, nusilingnartomullo, kângnartoᴋsoarmullo; egiorᴋartautitsomârpapselo nunaᴋsûb ataniovingita ilûnatik akorngane.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 46:10

Uvloᴋ tâmna tâmnauvoᴋ Nâlakab, Nâlakab Zebaotib uvlunga, uvloᴋ akkiniarvik, akkerartortiminik akkiniarᴋovlugo; saviksoaᴋ nungutsijomârmat nâmaksivlunalo; Nâlagaᴋ, Nâlagaᴋ Zebaot, tunergusermat nuname avanêtome kôksub Frâtib sinâne.

Jeremia 47:6

Igville, Nâlakab saviksoanga! ᴋanoᴋ akunertigilârᴋêt inilangatsiarᴋârtinâk? Pôlerit ilingnik kênailitarnut; merngoêrserit, ᴋikarlutillo.

Jeremia 48:2

Moabe nertornautiksairutivoᴋ; Hesboneme issumâlugutigivât, oᴋarlutik: Attê, inôᴋatigêksoangojungnaitilaulavut. Igvillotauᴋ Madmêna nipangertitaujuksauvotit; saviksoalijartomut ulatauniarpotit.

Jeremia 8:15

Nerriulauᴋpogut ulapirᴋsaumik, ajungitomigle tikitoᴋalaungilaᴋ; naliutomiglo inûlijaunartomik, sunaubvale, kapiasuktitauvogut.

Jeremiab Ogguarutigijangit 3:17

Tarniga nûtilaukpat ulapirᴋsaumit; piloringnerlo puigorpara.

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 21:28

Igvillo, inûb erninga, nelautailerit oᴋarlutillo: Imâk oᴋarpoᴋ Nâlegaᴋ Nâlegaujoᴋ Ammonib ᴋitorngangit pivlugit, mitauteᴋarningillo pivlugit; oᴋarillo: saviksoaᴋ, saviksoaᴋ amujauvoᴋ, ᴋebleriksartauvoᴋ toᴋorainermut, nungutsiᴋovlugo, ᴋaumalaᴋtut ilingaᴋovlugo;

Hesekiel 21:4

Idluartullo idluitullo kipiniaromagapkit ilingnit, tamanna pivlugo saviksoara anijuksauvoᴋ kênailitaminit uvinilingnut tamainut ângat avunga tikidlugo:

Hesekiel 21:8

Nâlekablo oᴋausingata tikipânga, oᴋarlune:

Hesekiel 21:9

Inûb erninga, nelautailerit, oᴋarlutillo: Imâk oᴋarpoᴋ Nâlegaᴋ: Oᴋarit, Saviksoaᴋ, saviksoaᴋ, kênaksartauvoᴋ kiligartaulunelo:

Hesekiel 5:2

Tâpkoa pingajuangit ikomamut ikitaksarivatit iglugasaksuit ᴋerᴋane, ilumajauningita uvlungit nâmaksikpatta: ama pingajuangit tigulârpatit serᴋalilugillo saviksoarmut; pingajuangillo tiktautilârpatit anoremut, uvangalo tâpkoa udlalugit saviksoaᴋ amujomavara.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Amos 9:4

Omigijimingnullo aularutijaugaloarunik, tagvangat saviksoak perᴋojomavara, tâpsomalo toᴋolârpait; ijîkalo tâpkonunga sangutitsomavâka ajortomut, ajungitomiglo pinanga.

Sefania 2:12

Ilipsetauk Etiopiamiojose saviksoarmut toᴋotaujuksauvose.

Deuteronomy 32:42

Kargjukka aungmut tallatitsomârpakka, saviksoaralo nerrijuksauvok uviningmik; toᴋotat tigujallo aunginut, ômisuktillo angajoᴋângita niaᴋunginit.

Takotitaunermik 6:4

Horsiblo aipanga aupaluktaᴋ anijok; tâpsomalo ᴋânganêtok pitsartunermik tunitsiviolerpok, ullapirsauteᴋarungnairtidlugo nuname, ingmingnullo inuartigêrᴋovlugit, saviksoarmiglo tunitsiviovok.