Jeremia 12:11 - Labrador Inuttitut Heritage Bible

¹¹ Pitairutisimavât; pitaijartauvlune, takominaidlarpoᴋ sâmne; nuna ilûnane sunairutjauvoᴋ, erᴋasuktoᴋalungimat tâpsominga.

Jeremia 12:11 Iomraidhean Croise

Okaluktok 7:2

Nâmanersauvok ailune ogguarnerûb iglunganut, ainermit immernerub iglunganut; inuit ilûnamasiatik nâningit sivurlermêput, inôjublo omamiutarivâ.

Jesaiase 42:25

Taimaimat ningautsine erᴋsinartoᴋsoaᴋ kovivâ taipkonunga unatadlarnersoarlo; avatâtigut ikkoalagalloarpuk, kissianele tamanna tukkisingilât, ikkitsigalloarpuk, kissianele tamanna õmamiutaringilât.

Jesaiase 57:1

Idluartok perlerpoᴋ, õmammiutarᴋsijoᴋangilarlo; inuit idluitailijut pêrtaulerput, mallugosuktoᴋangilarlo, idluartut pêrtaungmatta kappiasugvingmit.

Jeremia 10:22

Ahâk, pervalungnerub nipjârninga tamaungalerpoᴋ, perajalungnersoarlo nunamit taggardlermit, Judab iglugasaksoangit asseroromavlugit, inniksangortitsomavlugit terrianiangojârtunut.

Jeremia 10:25

Kaningajârnît nâviuk nalojunut ilitarᴋsingitunut ilingnik, ataniovingnullo niplialungitunut atternut. Tâpkoa Jâkokut nerrilugit nungulaungmagit, ila, nerrisimavait nungulugillo, iglungillo asserorsimavait.

Jeremia 14:2

Juda kiksadlarpoᴋ, upkoaᴋsoangit ᴋaggimioviojungnaiput, nunamêtut ogguadlarput, ᴋuggudlarnerillo ᴋongmuarput Jerusalemit.

Jeremia 19:8

Iglugasaksuillo tamakkoa tataminiarutautitsomavakka inerᴋogijaungitilugillo; apᴋusârtut ilûnatik tataminiarutigilârpait inerᴋoginagillo, asserortaumaningit ilûnaita pivlugit.

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 25:11

Nunalo tamanna ilûnane serᴋomakungoromârpoᴋ tataminiarutiksauvlunalo; inôᴋatigêksuillo makkoa kivgartoromârput Babilonib ataninganik jârinik 70nik.

Jeremia 4:20

Asseroijut ᴋaigarsudlarput asseroijunut assimingnut; nuna ilûnât asserortaungmat; suilamnit tupikka asserortauvut, ᴋalerᴋakka ijib sikungilarningane.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:11

Jerusalemelo ᴋiggungortitsomavara, inniksauvlune terianiangojârtunut; Judablo iglugasaksoangit asseroromavakka, inuᴋarungnaimariklutik.

Jeremia 9:9

Nalipsaraksaringilakkâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoanik taimaitunîk?

Joel 1:10

Perorsêvik asserortauvoᴋ, nuna ogguarpoᴋ; senaugaksaᴋ asserortauvoᴋ, vainiksat iptêrutivut, orᴋsuksallo ᴋunolerput.

Leviticus 26:32

Nunalo asserornilukungortitsomârpara: ômigijipselo tagvane nunalit tataminiarutigilârpât.

Saggaria 7:5

Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.

Rômiunut 8:22

Pingortisimajut tamaita ᴋaujimavavut, anersaumeᴋatigivluta kappiasutsainarmatta mâna sulle.