Jeremia 11:5 - Labrador Inuttitut Heritage Bible

⁵ Nalautsititsijungnarᴋovlunga angernermik soᴋoserungnangitomik angerutigilauᴋtamnik atâtagijapsingnut, tunidjivigijomavlugit nunamik imungmik igupsaujârtullo orᴋsuanik kôlingmik, sorlo uvlome pingmat. Kiolauᴋpungalo, oᴋarlunga: Amen, Nâlagaᴋ.

Jeremia 11:5 Iomraidhean Croise

II Kronika 6:17

Manna Nalegak Israelib Gudinga, oᴋautsitit mikseᴋârtotikit, oᴋauserilauktatit kivgaᴋotingnut Davidemut.

Imgerut 105:8

Angersimanine erᴋaumavâ issoᴋangitomut, oᴋautsit angerutigilauktane kinguvârênut 1,000 dinut.

Exodus 13:5

Taimaimat Nâlekab tikiutitikpatit Kânaanemiut Hetiterillo Amoriterillo Heviterillo Jebusiterillo nunanginut angermarijutigilauktanganut atâtapsingnut tunijomavlugo ilingnut, nunamut imungmik igupsaujârtullo orᴋsunganik kôktomut, tagva piniutaunek tamanna uvloksiorutigijaksarivat takᴋerme ômane.

Jeremia 19:12

Taimak nuna tamanna inungillo piniarvigijomârpakka, Nâlagaᴋ oᴋarpoᴋ, iglugasaksuit tamakkoa ilingatitsomavlugit Tôfetetut;

Jeremia 28:6

Jeremialo nalautaijoᴋ oᴋarpoᴋ: Amen, Nâlagaᴋ taimailiorle; Nâlakab oᴋautsitit nalautaijutigijatit nalautsitiligit, Nâlakab iglungata perᴋutingit, tamaitalo aularutijaujovinit tamaungautitsomavlugit Babilonemit.

Jeremia 32:22

Tunitjivigilugillo nunamik ominga, angerutigilauᴋtarnik atâtagilauᴋtanginut tunijomavlugo tâpkonunga, nunamik imungmik igupsaujartullo orᴋsuanik kôlingmik;

Leviticus 20:24

Oᴋautilauᴋpapsele: Tâpkoa nunangat kingormgutijaksarivase, tunijomavaralo ilipsingnut, perᴋutigilugo piᴋovluse, nuna kôlik imungmiglo igupsaujârtullo orᴋsuanik; Uvangauvunga Nâlegak Gûdise, ingmigolingatilauktise inôᴋatigêksoarnit.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

I Korintemiunut 14:16

Saimartitsiguville anernikut, ᴋanok illisimangitok tagvanêtok Amenemik oᴋarungnarᴋâ ᴋujalitiksatit pitjutigilugit, oᴋautsitit tukkisinginamigît?

Deuteronomy 6:3

Nâlagit, taimaimat, Israêl, kamagitsiarlugo piniarᴋovlutit; piloridlarᴋovlutit, unuksivaliaᴋovlutillo sôngojomik, sorlo Nâlekab, atâtagijavît Gûdingata, angervigingmatit, nuname imungmik igupsaujârtullo orᴋsuanik kôlingme.