Jeremia 11:20 - Labrador Inuttitut Heritage Bible

²⁰ Igville, Nâlagaᴋ Zebaot, idluartomik erᴋartuijotit, nautsertortotillo taᴋtuniglo ômatiniglo, takotilaunga akkiniarnerik tâpkoninga; ilingnut nalonaijaisimagama ilinganimnik.

Jeremia 11:20 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

II Atannit 19:14

Hiskiablo aglait tamakkoa tiguvait tillijab agganginit, attuarpaillo, majorarlunelo Nâlekab iglunganut, issivipaillo Nâlekab sânganut:

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

I Kronika 29:17

Nallungilanga Gûdiga omat ôktorangne, nallagôrnerlo ᴋuviagigangne. Tamânna pivlugo tamakkoa tamaita (ᴋunnutuidlunga) omamut nallagôrtomut tunnilaukpakka, ᴋuviasuklungalo mânna takkolaukpunga inuᴋotitit manêtut, ᴋunnutuidlutik tunnitsivigilaungmattit.

Hiobe 5:8

Ilâ uvanga Gûde sâviginajarpara, kotsingnerpâmullo illiornera perᴋonajarpara;

Imgerut 139:23

Nautsertulaunga Gûde, ômattigalo tukkisileruk; ôktorlaunga, illitarksilutillo ᴋannok issumaᴋarnimnik.

Imgerut 35:2

Sappulutak, sakkutillo tigukit, oppalungairlutillo ikajoromavlunga.

Imgerut 43:1

Idluarsarlaunga Gûde, illiorneralo aulatiuk Innugasaksuit ivsornartut akkerartorlugit, piulilaunga inungnit nallangaitunit idluitunnillo!

Imgerut 57:1

Napkigilaunga, Gûde nâpkigilaunga: tarnima tattigingmattit, esarokpîllo tachaliningane serngnigijauneksiorpunga, ᴋanoênek ᴋângerᴋârtinago.

Imgerut 58:10

Idluartok ᴋuviasungniarpok akkiniarnermik taimaitomik takkogune, ittikᴋânelo mitsuktiniarpait Gûdeᴋangitub aunganut;

Imgerut 7:10

Sappulutara Gûdemêpok ômattinnik idluitailijunik ikajortome.

Imgerut 7:8

Nâlegak erᴋartuijôvok innungnik. Erᴋartunga Nâlegâk, ajunginera idluarneralo malliklugik.

Imgerut 7:9

Gûdeᴋangitut kassêningit nungutaulît, idluartullo sullitsiartikit; igvit idluartôlutit Gûdeôjotit ômattit taktullo nautsertorangne.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 12:3

Igville, Nâlagaᴋ, ilitarivarma; takonârparma, ômatigalo nautsertorpat sângne; tâpkoa nussulaukit sorlo saukat toᴋotaksangortitaujut, ilingatilugillo uvlormut toᴋotauvingmut.

Jeremia 15:15

Nâlagak ᴋaujimavotit; erᴋarlaunga, nalipsarlaungalo, unangmijimnullo akkiniarutigilunga; kamangitsertornerne tâpkoninga pêjartautiniarnanga; ᴋaujimalerille mitautigijaudlalaurama pivlutit.

Jeremia 17:10

Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

Jeremia 20:12

Nâlagarle Zebaot, idluartunik nautsertorteojotit, taᴋtuniglo ômateniglo tautuktotit, akkiniarnît tâpkoninga takolago; ilinganerijara nalonaijarsimagapko ilingnut.

Jeremiab Ogguarutigijangit 3:58

Nâlegak, tarnima pitjutingit kamagilaukpatit, igvit, inôsera piulivat.

Jeremiab Ogguarutigijangit 3:59

Nâlegak, takonâlaukpotit idluitulivionimnik, pitjutiga idluarsalauruk.

Jeremiab Ogguarutigijangit 3:64

Akkiniarvigilârpatit, Nâlegak, aggangita sulijangit maliklugit.

Hesekiel 11:5

Nâlekablo ânanauningata tupvigivânga, oᴋautivângalo: Oᴋarit: Imâk oᴋarpoᴋ Nâlegaᴋ: Taimak oᴋarsimavose, ilipse Israêlib ᴋitorngangit; anernipse issumangit ilitarigapkit.

Apostelit Piniarningit 17:31

Uvlormik taisimalaurame, silaksoarmiunik idluarsaivlune erᴋartuijomârvingminik angutikut piniarᴋojamigut, ilûnaita okpertitsomavlugit, toᴋungajunit tupaktinamiuk.

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

II Timôteusemut 4:14

Aleksanderib kannutjerijub angijomik kappiasuktilaukpânga. Nâlekable akkiniaromârpâ iliolaungninga maliklugo.

I Pêtrusib 2:23

Tâmna suaktaujarangame, suangilaᴋ; âniatitaugame, silungilaᴋ; idluartomigle erᴋartuijomut tamanna perᴋovâ.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.

I Samuel 24:15

Kina malligasuarpiûk Israelib attanninga? Kina udlaᴋiuk? Kingmek toᴋᴋungajok, ᴋomaujak attausênak.