Jeremia 11:13 - Labrador Inuttitut Heritage Bible

¹³ Tagva iglugasaksoaᴋotivit unurningit maliklugit taimak unuktigigivut gudingoaᴋotitit; Jerusalemiblo apᴋosineâlungita unurningit maliklugit tunerguserviliorsimavose isserluanertitsivingnik Baalemut.

Jeremia 11:13 Iomraidhean Croise

II Atannit 23:13

Poktojuttauk Jerusalemib sivuranêlauktut, ᴋakᴋab Mashitib attiggub tallerpianêlauktut, Salomob Israelitit atanningata sennalauktangit, Asthorete Zidonemiut makkojungnartokotingat pivlugo, Kamoselo Moabiterit makkojungnartokotingat pivlugo, Milkomelo Ammonib ᴋitorngangita makkojungnartokotingat pivlugo, atanniub ivsornartipait,

II Kronika 28:25

Judakullo iglugasaksoangine illunaine poktojoᴋartitsivok, Gudib assingit isserluanititsivigivlugit, Nalegarlo atâtagijame Gudingat ningaksarpa.

Jesaiase 2:8

Gûdingoarnik nunangat tatapoᴋ; tallermik piniartangit, aggamik sannajangit tugsiarvigivait.

Jeremia 11:17

Nâlagaᴋ Zebaot ilijilauᴋtoᴋ ilingnik siluksimavoᴋ idluitomik ilingnôrtuksamik, Israêlib ᴋitorngangita Judablo ᴋitorngangita idluiningit pivlugit, idluitulinerijangita ningarsârmanga Baale tunerguservigivlugo isserluanerutinik.

Jeremia 17:1

Judab idluitulinerijangit aglaksimavut aglautemut kikiangojomut, alikublo nuvuanut; aglaksimavut ômatingita sânginut, tunerguservingitalo nakjunginut,

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 19:4

Kemaksimagaminga, nunalo tamanna takorngartautilât, isserluanititsivigivlugolo gudingoanut uvanga assimnut ilitaringitamingnut, tâpkoalônêt atâtangitalônêt, Judab ataningitalônêt; nunalo tamanna ilumeramitsuk pasijaksaungitut aunginik kovisilutik;

Jeremia 19:5

Baaliblo poᴋtoningit sanagamitsuk, ernitik ikoâlalugit ikomamut tunergutigilugit Baalemut; perᴋolaungitarale tamanna, oᴋautigilaungitaralônêt, ômamiutarilaungitaralônêt.

Jeremia 2:28

Gudingoaᴋotitillo sanaluᴋatit nanêkât? Tâpkoa nikovilit piulijungnarpatit kapiasungnivît naliuningane, tagva iglugasaksoaᴋotivit unurningit maliklugit taimak unuktigivut gudingoaᴋotitit, Juda.

Jeremia 3:24

Kangunartoᴋ nungûtsisimavoᴋ atâtagilauᴋtapta suliarijanginik inôsungniptingnit; saugaᴋotinginik nergjuteᴋotinginiglo, erninginik paninginiglo.

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 32:35

Poᴋtojoliorpullo Baalemut, Hinnomib erningata naᴋsanganêtunik, ernitik panitiglo ikomakôrᴋojomavlugit Môlokemut; perᴋolaungitarale tamanna tâpkonunga, ômamiutarilaungilaralônêt piniarniarmatta maᴋojungnartomik tamattominga; Judakut idluitulitiniarlugit.

Jeremia 44:21

Tipigiksautit isserluanititsijutigilauᴋtase Judab iglugasaksoangine Jerusalemiblo apᴋosineâlungine, ilipse, atâtapselo, atanipse angajoᴋâpselo, nunablo inungita, ila, tâpkoa Nâlakab erᴋaumalaungilagît ômamiutarilaungilagîllo?

Jeremia 44:5

Nâlalaungilalle, siutitiglônêt manilaungilait sâgiaromavlutik idluinermingnit, tipigiksautinik isserluanititsijomairlutik gudingoanut assimnut.

Jeremia 48:35

Sorairtitsomârpakkalo Moabeme, oᴋarpoᴋ Nâlagaᴋ, tunergusertoᴋ ᴋaᴋᴋane merᴋoᴋangitune, tipigiksautiniglo isserluanititsijoᴋ gudingoaminut.

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Hesekiel 16:24

Iniksaliorpotit poᴋtojunik ᴋaᴋᴋârsungoaliorlutillo apᴋosineâlungne tamaine.

Hosea 10:1

Israele napârtôvoᴋ vaineliksaᴋ siamangatsiartoᴋ, paungatârpaktoᴋ: paungangita unurningititut taimak tunerguservine unuksitipait; nuname piloringninga maliklugo taimak napajoliorpoᴋ.

Hosea 12:11

Gileade idluiniovâ? Ilâ, suksaungitomarikput, Gilgaleme tunerguserput tuktuvangnik: tunerguservingille ᴋigguingortuksauvut perorsêvingne makpertertaujune.

Hosea 9:10

Israêle naipilauᴋpara sorlo vaineliksat paungangit sunaᴋajuitome; atâtase takolauᴋpakka sorlo paungatannait innerᴋârtut paungatannaᴋuteme pijariortome: tikilauᴋpulle Baal-peoremut, kangunartomullo ingmikôrtiput, ungagijingititullo maᴋojungnartigijôvut.