Jeremia 11:11 - Labrador Inuttitut Heritage Bible

¹¹ Taimaimat imâk oᴋarpoᴋ Nâlagaᴋ: Ahâk, ogguarnartomik tikiutjijomavunga tâpkonunga, ᴋemâjungnangitanginik; nipliaviginiarpângalo tusaromangilakkale.

Jeremia 11:11 Iomraidhean Croise

II Atannit 22:16

Imâk Nâlegak oᴋarpok: ᴋanoêtomik ᴋaitsijomavunga iglugasaksoarnut makkonunga, innunginullo, perkojat Judakut atanningata attuarlauktangita oᴋausertanginik tamainik.

II Kronika 34:24

Imâk Nalegak oᴋarpok: Ahâk ᴋannoêtomik ᴋaisijomavunga iglugasaksoarnut makkonunga, innunginullo, ominautinik tamainik, aglaksimajunik aglangne Judakut attanningata sângane attuartaulauktune;

Hiobe 35:13

“Gûdib sunaungitok tussarniangimago, ajugaᴋangitublo takkosarniangilâ.

Imgerut 18:41

Nipliavut, tagvanele ikajorteᴋangilak; Nâlekamut, tâpsomale kiolungilait.

Imgerut 66:18

Omattimne idluangitomik ᴋajusimanajaruma, Nâlekab tussarajatsangilânga.

Salomob Okâl 1:28

Tagva nipliavigijomârpânga, uvangale kiojomângilanga; ᴋenersaromârpânga nachvârnangale.

Salomob Okâl 29:1

Kunujok pitlartaunermik, tamna tagvainak asseroromârpok, ikajortauneᴋarane.

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jesaiase 24:17

Erᴋsinartub ittersâlublo nigablo tikkilise, nunaᴋatigêktose!

Jeremia 11:14

Taimaimat inôᴋatigêksuit tamakkoa tuksiutiniarnagit pît, ᴋongmuartitsiniarnaglo ᴋaigarsungnermik ᴋenunermiglônêt tâpkoa pivlugit; tusaromalunginapkit ᴋaigarsugvigijangine uvamnut kapiasungnitik pivlugo.

Jeremia 11:17

Nâlagaᴋ Zebaot ilijilauᴋtoᴋ ilingnik siluksimavoᴋ idluitomik ilingnôrtuksamik, Israêlib ᴋitorngangita Judablo ᴋitorngangita idluiningit pivlugit, idluitulinerijangita ningarsârmanga Baale tunerguservigivlugo isserluanerutinik.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Jeremia 14:2

Juda kiksadlarpoᴋ, upkoaᴋsoangit ᴋaggimioviojungnaiput, nunamêtut ogguadlarput, ᴋuggudlarnerillo ᴋongmuarput Jerusalemit.

Jeremia 15:2

Oᴋautikpatillo: Namut aijuksauvitâ? oᴋautilârpatit: Imâk Nâlagaᴋ oᴋarpoᴋ: Toᴋomut ilingatitaujut, toᴋomut; saviksoarmut ilingatitaujut, saviksoarmut; kângnartoᴋsoarmut ilingatitaujut, kângnartoᴋsoarmut; aularutjaunermullo ilingatitaujut, aularutjaunermut.

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 19:15

Imâk oᴋarpoᴋ Nâlagaᴋ Zebaot, Israêlib Gudinga: Ahâk, iglugasaksoarnut ukkununga iglugasaksoanullo tamainut tikiutjijomavunga idluinernik tamainik oᴋautigisimajamnik tâpkonunga; ᴋongasetik ᴋeratatilaungmagit oᴋausikka tusaromanagit.

Jeremia 19:3

Oᴋarlutillo: Nâlakab oᴋausinga tusarsiuk, ilipse ataniojose Judame, ilipselo Jerusalemiojose; imâk oᴋarpoᴋ Nâlagaᴋ Zebaot, Israêlib Gudinga: Ahâk, idluitomik tikiutjijomavunga nunamut tamattomunga, aviojititsilârtomik tusartub tamattominga siutîgingnik.

Jeremia 23:12

Tamanna pivlugo apᴋotingat siargitârnartotut pisuktomut tâᴋtome ilinganiarpoᴋ; ungortaulârput okpikâlutiglo tagvane; idluitomik tikiutjijomagama tâpkonunga, nalipsartauningita jâringane, oᴋarpoᴋ Nâlagaᴋ.

Jeremia 25:35

Pairᴋsijullo ᴋemâviksaᴋarniatsangilat, aulatsijullo saukanik anigorviksaᴋaratik.

Jeremia 35:17

Taimaimat imâk oᴋarpoᴋ Nâlagaᴋ, Gude Zebaot, Israêlib Gudinga: Ahâk, Judamut Jerusalemiunullo tamainut tikiutjijomavunga idluitunik tamainik oᴋautigijamnik tâpkonunga; oᴋarvigilaurapkit tusalaungimattale; ᴋaigarsugvigilaurapkillo, kiolaungimattale.

Jeremia 36:31

Tâmnalo kinguvângillo kivgangillo sugiaromavakka idluituliningit pivlugit, tikiutjijomavungalo tâpkonunga, Jerusalemiunullo, Judablo inunginut, idluitunik tamainik oᴋautigilauᴋtamnik tâpkonunga, tusaromatinagit.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremiab Ogguarutigijangit 2:22

Avatimit kapiagijakka ᴋaiᴋolaukpatit, sorlo uvloᴋsiorviub katimaniksanganut, ᴋemâjoᴋalaungilarlo amiakoᴋalaungilarlo Nâlekab ningaumajârningata uvlungane; ᴋiggertagalâktilauktakka peroijakkalo ômigijima nungupait.

Hesekiel 14:3

Inûb erninga, angutit ukkoa gudingoaliarijatik ᴋagvartisimavait ômatimingne, idluitulinermiglo nâkliutiviksanganik pititsivut kênangita sânginut; tâpkonunga sumiglônêt aperijaujuksauvêk?

Hesekiel 7:5

Imâk oᴋarpoᴋ Nâlegaᴋ Nâlegaujoᴋ: Ogguarnartoᴋ, ogguarnartok adseungitoᴋ; ahâk, ᴋaivoᴋ.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Amos 5:19

Sorlo loevemit ᴋemâjoᴋartilugo, aklablo pârpâ, ubvalo sorlo iglomut itertoᴋartilugo ᴋarmak ajakparpâ, ᴋuglugiaralublo ᴋêvâ.

Migga 3:4

Nâlegaᴋ ᴋaigarsugvigilârpât tagva, tâpsomale akkiniangilait; ilâ, kênane ijeromârpâ tâpkonangat taipsomane, idluitomik piniarnerijangit maliklugit.

Saggaria 7:13

Imailivorlo: sorlo tâmna ᴋaigarsungmat, tâpkoalo tusaromangimatta, taimak tâpkoa ᴋaigarsulârput, uvangalo tusaromangilanga, oᴋarpok Nâlegak Zebaot;

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.