Jeremia 11:10 - Labrador Inuttitut Heritage Bible

¹⁰ Uterput atâtagilauᴋtangita, oᴋauserijamnik tuseromalaungitut, idluitulininginut; malikpullo Gudib assinginik, kivgartoromavlugit; Israêlib kinguvângita Judablo kinguvângita angiᴋatigêngneᴋ angerutigilauᴋtara atâtagijanginut, serᴋomipât.

Jeremia 11:10 Iomraidhean Croise

Imgerut 78:57

Tunnulaukpullo, nertornartaililutiglo atâtamiktut, katsungainatiglo, pittiksetut ᴋassungajotut;

Jesaiase 24:5

Nunalo ivsornarsivoᴋ inungme attânne, perᴋojat nâlalungimagit, inatsinerit tappagingmagit, angersimanerlo soᴋᴋosijuitoᴋ kamagijungnairlugo.

Jeremia 13:10

Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 17:23

Tâpkoale nâlalaungilat, siutitiglônêt mannilaungilait, ᴋongasetigle ᴋeratatipait, tusaromanginamik ajoᴋertortaujomanginamiglo.

Jeremia 22:9

Kiojomârpullo: Kemailaungmatta angeᴋatigêngnerijamingnik Nâlakamut Gudemingnut, Gudiblo assinginik tuksiarviᴋalaungmatta kivgartorlugillo.

Jeremia 31:32

Angiᴋatigêngnertut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugillo nunamit Egiptenemit; angiᴋatigêngnerale soᴋosijuitilaungilât, Nâlagaulauraloarama tâpkonunga, oᴋarpoᴋ Nâlagaᴋ.

Jeremia 44:16

Oᴋauseᴋ oᴋautigijat uvaptingnut Nâlakab attingane pitjutigivlugo, nâlagomangilaptigit.

Jeremia 44:5

Nâlalaungilalle, siutitiglônêt manilaungilait sâgiaromavlutik idluinermingnit, tipigiksautinik isserluanititsijomairlutik gudingoanut assimnut.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Jeremia 9:6

Innigijat uivêriklernerub ᴋêrᴋanêpoᴋ; uivêriklerneᴋ pivlugo ilitarijomangilânga, Nâlagaᴋ oᴋarpoᴋ.

Hesekiel 16:59

Imâk oᴋarmat Nâlegaᴋ Nâlegaujoᴋ: Piniarvigijomavagit sorlo igvit piniaravit, angermaringneᴋ naggogigangne angiᴋatigêngneᴋ uniorlugo.

Hesekiel 44:7

Takorngartat, ômatikut kipimangitut, uvinikullo kipimangitut, itertigapsigik ivsornaitovimnut, igluga ivsornaijungnaitilugo, tunergusertiluse nerᴋiksamnik, orᴋsumiglo aungmiglo; tagva serᴋomitsineᴋ angerutigilauᴋtamnik ilautipase maᴋojungnartulinipsingnut tamainut.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Hosea 6:4

Sunamik piniarvigijaksarivagît, Efraim? Sumiglo piniarvigijaksarivagît, Judâ? Idluarnise uvlâb nuvujangatut ingmat, mitsuksoatullo nungusârtotut.

Hosea 6:7

Tâpkoale Adametut angiᴋatigêngneᴋ uniorpât; tagvane nelangaisârvigivânga.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Leviticus 26:15

Maligaksauᴋojakkalo naggogigupsigik, tarnipselo idluarijakka ajaktorpatigik, piniartauᴋojakka tamaita piniaromanagit, angiᴋatigêgutigijara asserᴋilugo;

Sefania 1:6

Ipkoalo ᴋeviartut Nâlegak maligungnailugo; ipkoalo Nâlekamik ᴋenilungitut aperᴋutiginagolo.

Saggaria 1:4

Atâtapsetut îniarase, tâpkonunga nalautaijut sivorlit ᴋaigarsulaukput, oᴋarlutik: Imâk oᴋarpok Nâlegak Zebaot: Uteritse mâna apᴋotigijapsingnit idluitunit, piniarnipsingnillo idluitunit; tâpkoale tusângilat, nâlalungilallo uvamnik, oᴋarpok Nâlegak.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

Saggaria 7:13

Imailivorlo: sorlo tâmna ᴋaigarsungmat, tâpkoalo tusaromangimatta, taimak tâpkoa ᴋaigarsulârput, uvangalo tusaromangilanga, oᴋarpok Nâlegak Zebaot;

Deuteronomy 31:16

Nâlekablo Mosese oᴋautivâ: Ahâk, atâtagilauᴋtatit siniᴋatigilârpatit; inuillo ukkua nikovijomârput, Gûdillo takorngartat, nunab aivigijangita pingit, assiniarᴋatigijomavlugit, ᴋemagomârpângalo, angerᴋatigêngneralo âᴋiksortara tâpkonunga, serᴋomilugo.

Deuteronomy 9:7

Erᴋailerit, puigorniarnaglo, Nâlegak Gûdît ningarsâlaurangne sunaᴋajuitome; uvlormit aularkigijarnit nunamit Egiptenemit, tikiutinise tamaunga tikidlugo Nâlegak akkerartorpase.

Ebrêerinut 8:9

Testamentitut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugit nunamit Egiptenemit. Testamentimne soᴋosijuilaungimatta, kamagijomalaungilakkatauᴋ, Nâlegaᴋ oᴋarpoᴋ.

Idluarsaijut 2:11

Tagva Israelib ᴋitorngangit idluitullivut Nâlekab sângane, Baalillo kivgartorpait,

Idluarsaijut 2:17

Tagva idluarsaijut Nâlelaunginivait; ajortullilutigle Gûdib asinginut, tuksiarvigivaillo, sangusârailutiglo apkomit atâtagijamik arvertarvigilauktanganit Nâlegak Nâleklugo, pinniarlaungilello taipkotitunak.

Idluarsaijut 2:19

Idluarsaijorle toᴋolaurangat, tagva sangulerput, asseroinersaulutiglo atâtagijamingnit, mallingnermut Gûdib asinginik, kivgartorlugit, tuksiarvigilugillo; allailaungilet kajusimanermingnik, illinganermingniglonêt tappatonelingmik.

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.