Jeremia 10:9 - Labrador Inuttitut Heritage Bible

⁹ Tarsisemit tikiutjivut silberemik katjuksimajomik amertajangordlugo, goldemiglo Ufasemit, sanasôngojub sanajanganik, goldelerijublo aggangita sanajanginik; tungujoᴋtamik aupaloriktomiglo annorâksanginut; iluengarlutik suliangovut ilisimajut suliarijanginik.

Jeremia 10:9 Iomraidhean Croise

I Atannit 10:22

Atannek umiaksoaᴋalaungmat immarbingme, Hiramib umiaksoakotinga aiparellugo Tarsisemut umiaktortok; atausêardlune jârine pingasune umiaksoak utterᴋattarpok, tikkiutjilunelo Goldemik, Silberemiglo Elefantillo tôganginik, pisuktuniglo itjuartunik, tingmianiglo Fauenik atelingnik.

II Kronika 9:21

Attaniub umiaksoaᴋotingit umiaktormatta immarbingme, Huramib kivgangit illagilugit, utterᴋattarlutiglo Jarine pingasune attausêarlutik, tikkiutjilutiglo Goldemik Silberemiglo, Elefantillo tôganginik, pissuktuniglo itjuarsijunik, tingmianiglo Fauinik attelingnik.

Imgerut 115:4

Taipkoa gûdingoangit Silbereôvut, Goldeôlutiglo sannajaumajut Inuit agganginnut.

Imgerut 72:10

Attannît Tarsisemit, ᴋikkertennillo pilliutinnik ᴋaitsijomârput; attannîllo Arabiab, Sebablo attaniovingangnit tunnergutinik âtsijomârput.

Jesaiase 23:6

Tarsisemut umiaᴋtoritse; âlatitse ᴋikkertarmiôjose.

Jesaiase 40:19

Sanasôᴋ inungoamik kovisivoᴋ, goldelerijub ᴋallineᴋartipâ goldemik, ᴋelaumgujârsungniglo silbereojunik pitatserlugo.

Hesekiel 27:12

Tarsisemiut niuverniarᴋatigivâtit perᴋutitit adsigêngitut unuktoᴋsôngmatta; silbere, kikiarlo, amertajarlo, aᴋitorlo tauᴋsiutivait perᴋutingnut.

Hesekiel 27:7

Tingergautaᴋalauᴋpotit ilupâksajamik ᴋaᴋᴋoriktomik pinnarnarsautetalingmik Egiptenemit, nelunaikutauᴋovlugo ilingnut; pinnailutarijatillo tungujoᴋtauvut tungulângajorlo Elîsab ᴋikkertanginit.

Daniel 10:5

Arlorpunga takosarlungalo, ahâglo, angut miᴋoᴋangitomik ᴋaᴋortamik annorâlik, makitimigullo tapsirutilik goldiojomik Ufazemit pijomik;

Hosea 8:6

Tamanna Israêlemit pivoᴋ; senajib senavâ, gudeolungilarlo; ilâ, Samariab noggangoanga serᴋalitaujomârpoᴋ.

Jona 1:3

Jônale nikovipoᴋ Tarsisimut ᴋemâjomavlune Nâlekab najorninganit; Joppamullo atersârpoᴋ, naipitsivorlo umiaᴋsoarmik Tarsisiliartomik; akkilêvorlo ingergauserminik ikivigilugolo, Tarsisiliarᴋataujomavlune, Nâlekab najorninganit ᴋemâvlune.

Habakûb 2:19

Kapianarmêk ᴋejungmut oᴋartoᴋ: Tupalerit! ujarᴋamullo nipliajuitomut: Makigit! Tamanna ajoᴋertuiniarᴋâ? Ahâk, goldemik silberemiglo ᴋagleᴋarpoᴋ, iluminele anerneᴋangimarikpoᴋ.