Jeremia 10:6 - Labrador Inuttitut Heritage Bible

⁶ Iliktun-itoᴋangilaᴋ, Nâlagaᴋ, angijôgavit attillo angijôgivoᴋ pitsartunerme.

Jeremia 10:6 Iomraidhean Croise

II Samuel 7:22

Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

I Kronika 16:25

Nalegak angijoksôngmat, nertornartoksôlarmelo sivuranaluarporlo Gûdinit tamainit.

Nehemia 4:14

Allakausijarpungalo parngnailerlungalo, oᴋarlungalo Erᴋanartunut angajoᴋaunerôjunullo, inugasaksoarnullo assinginut: Sivuraginiarassigik, Nâlegaksoarle erᴋsinartoksoak erᴋarsiuk, ᴋatangutiselo erniselo, paniselo, nuliaselo, igloᴋotiselo sorsugutigisigik.

Nehemia 9:32

Mânnalo Gûdivut, Gûdeojoksôjotit, sôngojotit kappianadlartotillo, nallautsititsijotit angerᴋattigêngnermik, napkiningnermiglo, siorniornartut tamaita tikkitautigijavut, atannivullo, angajoᴋaunerôjovullo, ajoᴋertortivullo, nallautaijovullo, atâtavullo, inuᴋotitillo tamaita, Assiriamiut atanningita nalliuninginit uvlok tamânna tikkidlugo, mikkijonasugitailikittôk.

Imgerut 145:3

Nâlegak angijôvok, nertornadlarlunelo, anginingalo nautsertortaujungnangilak.

Imgerut 147:5

Nâlegavut angijôvok, pitsartojoksôlulunelo; sillatoningalo ôktortaujungnatsangilak.

Imgerut 35:10

Saunikka illunatik oᴋartuksauvut: Nâlegâk, kia adsigivâtît? ajulertomik piuliklertotit tâpsomangat pitsartuluartomit tâpsomunga, pattangajorlo aklujorlo arktartinginnit.

Imgerut 48:1

Nalegak angijôvok, oᴋausiongînadlarlunelo Gûdipta iglugasaksoaᴋotinginne, ᴋaᴋᴋakotingane.

Imgerut 96:4

Nâlegak angijôngmat, angijomiglo nertortaujuksauvok; sivuranarnersauvlune Gûdinnit tamainit.

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Exodus 8:10

Oᴋarpok: ᴋaupat. Kiovorlo: Sorlo oᴋaravit (taimainiarpok), tukisilerᴋovlutit Nâlegak Gûdivut naleᴋangimat.

Exodus 9:14

(Kunuleruvit) tamattomane kapiasûtaurᴋojakka tamaita tilijomavakka ilingnuluatsiak kivgarnullo inuᴋotingnullo, tukisilerᴋovlutit uvaptun-itoᴋangimat nuname ilûnâne.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 40:18

Kinamik tagva Gûde adseᴋartitsomavisiûk? Sumiglo adsiojuksamik tâpsomunga sanajomavisê?

Jesaiase 40:25

Kinamik adseᴋartitsomavisingâ, adsigivlugo perᴋovlunga? oᴋarpoᴋ ivlernartitoᴋ.

Jesaiase 46:5

Kinamik adseᴋartitsomavisingâ, adsiliortillunga tâpsomunga? Kinamut adsigênasugivisingâ?

Jesaiase 46:9

Itsarnitat, mattoma sivorngagut pijoᴋartut erᴋaumalersigik! Uvanga Gûdeovunga, assimniglo peᴋangilaᴋ, Gûdeovunga, uvaptut-itoᴋangilaᴋ.

Jeremia 10:16

Jâkob kingormgutijanga taipkotitunaulungilaᴋ; tâpsoma tamaita pingortilaungmagit; Israêliblo kinguvângit kingormgutivait; atteᴋarporlo Nâlakamik Zebaotemik.

Jeremia 32:18

Nâpkiningnermik saᴋᴋertitsijotit tausandeoᴋattartunut, pidlarnikteojotillo atâtat idluitulingininik ᴋitorngangita sagvinginut, kingorngatigut pijunut; Gudemik angijomik pitsartujomiglo, Nâlakamik Zebaotemik atteᴋartotit;

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Deuteronomy 32:31

Tâpkoa ᴋairtungat ᴋairtuptitut ingilak, ômigijivut taimak issumaᴋarput.

Deuteronomy 33:26

Gûdetut itoᴋangilaᴋ, Israêle, tâmna ᴋilakut ingergavok ikajoriartorlutit, inornarnerminelo ᴋilaub nuvujangine.