Jeremia 10:2 - Labrador Inuttitut Heritage Bible

² Imâk Nâlagaᴋ oᴋarpoᴋ: Nalojut ilusingit iliniarniarasigik, kapiasuktitauniaraselo ᴋilaub nalunaikutanginut; tâpkonunga nalojut kapiasuktitaudlarmatta.

Jeremia 10:2 Iomraidhean Croise

Genesis 1:14

Gudelo oᴋarpoᴋ: Kilangme aulangitome ᴋaumaᴋuteᴋarle, uvlormiglo unnuarmiglo aviktitsijuksanik nilliuninullo uvlunullo, jârinullo nellunaikutaksaujunik.

Jeremia 10:1

Tusarsiuk oᴋauseᴋ Nâlakab oᴋauserijanga ilipsingnut, ilipse Israêlib ᴋitorngangit;

Hesekiel 20:32

Issumapsingnullo pijut nelautsiniangimarikput, oᴋarapse: Inôᴋatigêksoatitut ilingajomavogut, nunat ᴋitorngarêngningititut, ᴋejuit ujarᴋallo kivgartorlugit.

Leviticus 18:3

Nunab Egiptenib nunagilauktapse inungita piniarningit maliklugit piniartuksaungilase; nunablo Kanaanib, tikiutjivigijomajama ilipsingnik, inungita piniarningit maliklugit piniartuksaungilase; tâpkoalo ilusioᴋojangine arvertartuksaungilase.

Leviticus 20:23

Nunaᴋatigêksuillo, sâpsingne pingujartama, ilusingit maliklugit arvertartuksaungilase; pinialaungmatta tamakkoninga tamainik; tamannalo pivlugo maᴋojugilaukpakka.

Deuteronomy 18:9

Tikisimaguvit nunamut Nâlekab Gûdivît tunijanganut ilingnut, iliniartuksaungilatit inôᴋatigêksuit tâpkoa maᴋojungnartuliningit igjaromavlugit.

Idluarsaijut 6:10

Oᴋautilaukpapselo: Nâlegauvunga Gûdise, Amorterit nunangine nunaᴋarvigijapse Gûdingit sivoraginiarasigik. Illipselo nippiga Nâlalaungilase.