Jeremia 10:15 - Labrador Inuttitut Heritage Bible

¹⁵ Sulinginiovut mitautiksatuinauvlutiglo; ôktortauvingmingne ajulermarilârput.

Jeremia 10:15 Iomraidhean Croise

Imgerut 115:9

Israelitille Nâlegak sungertutigilitsuk; tâmna ikajortigivât, sappulutarilugolo.

Jesaiase 41:24

Ahâk, suksaungitomik pivose, piniarniselo pujôvut, illipsingnik anerosuktoᴋ ôminartoᴋsôvoᴋ.

Jesaiase 41:29

Ahâk, illũnatik attornalungilat, piniarningillo suksaungilat, Gûdingoangit pujortut-idlutik piotsangilat.

Jesaiase 57:12

Uvangale idluarnernik ᴋaujititsomârpagit, sullijatillo idluarᴋutigijomângilattit.

Jeremia 10:11

Taimaimat oᴋautijaksarivase imâk: Gudingoat sanalungitut ᴋilangmik nunamiglo, tâpkoa pêraksauvut nunamit, ᴋilaublo atânit.

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Jeremia 14:22

Nalojut gudingoaᴋotingita akorngane silaluktitisjungnartoᴋarᴋa? Kilaillônêt tunidjijungnarᴋât suarutanîk? Tâmnaungilatît, Nâlagaᴋ Gudivût? Taimaimat tatigijomavaptigit tamakkoa tamaita pingortinangne.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 43:12

Ikomamiglo ikitsijomârpunga Egiptenib gudingoangita iglungine; tâpsomalo ikitsomârpait aularutijomârlaitalo; nunalo Egipten atijomârpâ, sorlo mianersijûb annorâne atingmago; tagvangallo anijomârpoᴋ ulapirᴋsauteᴋarlune.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 51:18

Sulinginiovut uiveriklerniovlutiglo, ôktortauvingmingne ajulermarilârput.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Jona 2:8

Piungitunik suksaungitunik sungertûteᴋartut ᴋemaivut nâpkigijaunermingnik.

Saggaria 13:2

Pijomârporlo uvlorme tâpsomane, oᴋarpok Nâlegak Zebaot, kipisijomârama gudingoat atinginik nunamit, erᴋaumajaujungnairomârpullo; nalautaijullo anernerlo ivsornartok aulartitsomârpakka nunamit.

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Deuteronomy 32:21

Ilungertortipânga Gûdeungitunut, ningarsarpânga piungituliarijamingnut: uvangalo ilungertortitsomavakka inungnut inôᴋatigêtsiangolungitunut, ningarsaromavakka inôᴋatigêksoarnut silaitunut.

I Samuel 12:21

Sangunaselo suksaungitok malliklugo, piutsangimat, piuliklerungnangilarlo, sunaungitôngmat.

I Samuel 5:4

Uvlub aipanganele uvlangotillugo makkinamik, Dagon ama pamangatillugo natterme, Nalekab iklervingata sângane, naipipât; niaᴋungale aggangillo igluktut nakkarsimalaukput upkutsab manoangane; timinga kissime illimalaukpok ᴋângane.