Jeremia 1:17 - Labrador Inuttitut Heritage Bible

¹⁷ Igville makkitikut tapserusijarit, nikovilutillo, oᴋâlavigikillo tamainik perᴋojamnik ilingnut; sivôraniarnak tâpkoninga, uimâlatitsiᴋonanga ilingnik tâpkoa sângine.

Jeremia 1:17 Iomraidhean Croise

I Atannit 18:46

Nâlekablo aggangita Elia tikkipât, tapsomalo makkitine tapseruserpa, akpangerlunelo Ahab sivurngane, Jesreel tikkidlugo.

II Atannit 1:15

Tagva Nâlekab Engelingata Elia oᴋautivâ: Atersarᴋattigiuk, erksiginiarnagolo. Tagva parngnailerpok atersarᴋatigivâlo atannermut.

II Atannit 4:29

Tamna (Elisa) oᴋarpok Gehasimut: Makkitingnik tapseruserit, ajaupiaᴋotigalo tiguleruk aggangnut, aivigilugolo; pârtauguvit kinamut, tagva salutiniarnago pit; salutitaugalloaruvillo, tagva kioniarnak, ajaupiaᴋotigalo illiuk nukapiab kênanganut.

II Atannit 9:1

Elisable nallautaijub nallautaijut erningita ilangat ᴋaiᴋova, oᴋautilugolo: Tapseruserit makkitingnik, publaujarlo orksuᴋaut una najortigiuk, ailutillo Ramothemut Gileademêtomut.

Hiobe 38:3

“Makkitikik tapseruserᴋik angutetut; appertsoromavagit, ajuᴋertunga.

Exodus 3:12

Kiovâle: Uvanga ilagijomavagit; imaitorlo nalunaikutaksarivat uvanga tiligapkit: Inuit Egiptenemit aularterᴋârungne, Gûde kivgartorvigijomârpase ᴋakᴋame matomane.

Exodus 7:2

Igvit perᴋojamnik tamainik ilingnut oᴋartuksauvotit, Aronible angajuvit oᴋautigijaksarivait Faraomut, Israêlikunik aularᴋojerᴋovlugo nunaminit.

Jeremia 1:18

Ahâk, uvlome iglugasaksoangortipagit sôngojoᴋsôjunik, nappajoᴋsoangortilutillo kikiangmik, ᴋarmaᴋsoangortilarpillo ᴋaᴋᴋorlermik nunaᴋsûb ilûnanganut, Judab ataninginut, angajoᴋâᴋsoanginullo, ajoᴋertuijunginut, nunaᴋsûblo inugasaᴋsoanginut.

Jeremia 17:18

Kangusudlarlit uvamnik unangmiklertut, kangusungniarnangale; ᴋoaᴋsâdlarlit, ᴋoaᴋsârniarnangale; tikitautilaukit kapianartûb uvlunganut, asserorlaukillo asserornermut maggolimajomut.

Jeremia 23:28

Nalautaijoᴋ sinnaktomanelik unipkârle sinnaktomanerijaminik; oᴋausimniglo piᴋartoᴋ, nalâgôrlune oᴋausera oᴋautigiliuk. Iviksukat suksauvât sanaugaksat sanianê? oᴋarpoᴋ Nâlagaᴋ.

Jeremia 26:12

Tagva Jeremia oᴋarpoᴋ angajoᴋâᴋsoarnut inungnullo tamainut, oᴋarlune: Nâlakab tililauᴋpânga nalautaiᴋovlunga oᴋautsinik tamainik tusartapsingnik iglo tamanna iglugasaksuillo makkoa pitjutigilugit.

Jeremia 26:2

Imâk Nâlagaᴋ oᴋarpoᴋ: Nangerit Nâlakab iglungata avalungita iluane, Judablo iglugasaksoarmiungit tamaita tuksiariartortut Nâlêkab iglunganut oᴋâlavigikit, oᴋautsinik tamainik ilingnut oᴋâlautauᴋolauᴋtamnik tâpkonunga; oᴋautsemik atautsemiglônêt ikitliniarnagit.

Jeremia 36:8

Bârukelo Nerîab erninga piniarpoᴋ tamainik piniarᴋojaunine Jeremiamut nalautaijomut maliklugo, Nâlakab oᴋausingit aglangnêtut atuarlugit Nâlakab iglungane.

Jeremiab Ogguarutigijangit 3:57

ᴋanitamnôrlaukpotit uvlorme ᴋaigarsugvigijamne ilingnut; oᴋalaukpotit: Sivôraniarnak.

Jona 3:2

Nikovigit, Ninivemullo, iglugasaksoarnut tâpkonunga angijôdlartunut, ailutit, oᴋâlavigikillo oᴋautsinik oᴋautigilauᴋtamnik ilingnut.

Lukase 12:35

Makitipsigut tapserusijaritse nennergoaselo ikomaᴋarlit.

Apostelit Piniarningit 20:20

(Kaujimavapsingalo) angigutilaunginapse idluartomik sumiglônêt oᴋâlatigijaksamnik ajoᴋertûtigijaksamniglo ilipsingnut katimatiluse iglupsingnelo.

Apostelit Piniarningit 20:27

Angigutilaunginapse, oᴋâlavlungale Gûdib perᴋojanginik tamainik.

I Korintemiunut 9:16

Oᴋautsit tussarnertut oᴋâlatigigapkit, nertortuksaungilanga uvamnik; taimailiortuksaugama. Kappianarmêk uvanga, oᴋautsit tussarnertut oᴋâlatigingikupkit.

I Tessalônikamiunut 2:2

Imaimalle: sivorngagut kappiasuktitaujogut mitautigijaudlalaptalo Filippime, (sôrlo ᴋaujimagapse,) taimaigalloardluta Gûdivut tattigivlugo sivôralaungilagut oᴋautsit tussarnertut oᴋautigivlugit ilipsingnut, angijomik akkerartortaugalloardluta.

I Pêtrusib 1:13

Tamanna pivlugo issumapsigut ᴋeterusersimatitse, udjertoritse, saimarsaullo tunergusiariniartase Jêsusib Kristusib tikiviksangane tattigivingniarsiuk,