Jâkobusib 5:4 - Labrador Inuttitut Heritage Bible

⁴ Ahâk sanajut, perorsêvipsingnit katersoijut, akkiksangita ilipsingnut mikinersautitauningit nipliadlarput; katersoijullo (tâpkoa) nipliadlarningit Nâlekab Zebaotib siutîgingnut pimanerput.

Jâkobusib 5:4 Iomraidhean Croise

Genesis 4:10

Oᴋarporlo: Sumik piniarᴋêt? Nukavit aungata nippinga ᴋaggorpoᴋ uvamnut nunamit.

Hiobe 34:28

Aklujut avâlaningit tikkijariakalaungmat tâpsoma sânganut; tâpsomalo aklujut avâlaningit tussarmagit.

Hiobe 7:2

Sôrlo kivgab tachalinek kajungervigingmago, sôrlolo sanajuksak uvlok nâlugo, nerriungmat sullijaksame sorairningannik.

Imgerut 9:12

Tâpsoma tapᴋoa aungit erᴋaromangmagit apperᴋutigilaitalo; aklujut niplianingit puigorlungilait.

Exodus 22:27

ᴋepituarivâ taimna, matuksarilugo uviningminut: sumik usingasiksaᴋarniarᴋâ? Imaᴋâ nipliarvigilârpânga, tusaromavaralo; nâpkigosuktôgama.

Exodus 3:9

Mânna Israêlikut nipliadlarningit pivut sâmnut, kapiasungningillo takovakka, ᴋanok Egiptenemiut kapiasuktingmagit.

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jesaiase 5:9

Siutimnut ᴋilangmiugasaksuit Nâlegangat oᴋarpoᴋ: Ahammarik, iglut unuᴋtoᴋsuit ᴋemaktaujomârput, angijut ânanaujullo inuᴋarungnairomârput.

Jeremia 22:13

Kapianarmêk igluksaminik igloliortoᴋ idluartomungitoᴋ, iglutsiaksaminiglo idluitulinermut; inôᴋatiminik sanaᴋojijoᴋ akkilernagolo, tunidjivigitaililugolo akkiliusiaksarijanganik;

Leviticus 19:13

Inôᴋatit oᴋumaiksartitaksaringilat, aᴋsârnagolônêt; ikajortûblo akkiliutiksanga ilingnêtuksaungilak unnuak nâvlugo uvlâk tikidlugo.

Habakûb 2:11

Ujaraᴋ ᴋarmamêtoᴋ nipliadlaromârmat, ikârlo kiojomârpoᴋ tâpsominga.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 9:37

Tagva ilinniartine oᴋautivait: Katersivik angijôvok, sanajuksalle ikidlarput.

Lukase 18:7

Gûdible anerijane piulinajangilagît, uvlut unanuallo nâvlugit nipliavigingmatsuk, unêt akunêralloarunê?

Rômiunut 9:29

Sorlotauᴋ Jesaiase sivorngagut oᴋalaungmat: Kilangmiugasaksuit Nâlegangata ikitunik amiakoᴋartingipatigut, Sodomatutinajarpogut, Gomorratullo ilinganajarpogut.

Deuteronomy 15:9

Udjertorillo, issumalukarᴋarᴋonak ômatingne, oᴋarlutit: jârit seveningat, jâre atauteᴋarᴋojijungnaivik ᴋanilerpok; ijeᴋalerpotillo idluitomik ᴋatangutingnut aklujomut, tunitjivigitaililugolo; pivilutillo Nâlegak ᴋaigarsugvigivâ; ajorningorniarporlo ilingnut.

Kolossamiunut 4:1

Nâlegaujose ilipse, kivgase nâmaktomik idluartomiglo piniarsigik; ilipsetauk nâlegaᴋarapse ᴋilangme ᴋaujilerdluse.