Jâkobusib 5:16 - Labrador Inuttitut Heritage Bible

¹⁶ Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

Jâkobusib 5:16 Iomraidhean Croise

Genesis 19:29

Gûdible iglugasaksuit nunab tamattoma erᴋânêtut asseroramigit, Abraha erᴋaumavâ, Lotelo aulartipâ iglugasaksoarnit mumiktaminit, Lotib nunagilauᴋtanginit.

Genesis 20:17

Abrahable Gûde tuksiarvigingmago, tagva Gûdib Abimêlege nuliangalo kivgangillo arnat inûlivait, ernilerivullo.

Genesis 20:7

Mânale angutib nuliane pigiliuk, nelautaijôngmat, tuksiarutiniarpâtillo inôrᴋovlutit. Uttertitsomangikungnele, ᴋaujilerit toᴋolertuksaugavit pigijatillo ilûnatik.

Genesis 32:28

Oᴋarporlo: Kingorngagut Jakomik atteᴋarungnairlutit, Israelemik atteᴋartuksauvotit, Gûdemullo inungnullo sorsugavit sâlaᴋarlutillo.

II Samuel 19:19

Oᴋarlunelo attannermut: Nalekama idluitullinermik tamattominga illingatiniarnangatôk, erᴋainiaranelo kivgavit idluitullivigilaungmatit uvlorme taipsomane, nalegara attannek annitillugo Jerusalemit, attaniublo omamiutariniarnagotôk.

I Atannit 13:6

Atannerlo kiovlune oᴋarpok Gûdib anguteᴋotinganut: Nâlekab Gûdivit kênanga ᴋenuvigiuktôk, tuksiutilungalo, aggakka âkiktauᴋovlugit. Tagva Gûdib anguteᴋotingata Nâlekab kênanga ᴋenuvigiva, atanniublo aggangit âkilerput sivurnganetullo îdlutik.

II Kronika 30:20

Nalekablo Hiskia tussarpa nakkoksitilaitalo innugasaksuit.

Hiobe 42:8

Tagva mânna tuktuvângnik angusâllungnik 7 nik, sauganniglo angusâllungnik 7 nik, tigusileritse, ailerluselo kivgamnut Hiobemut, tunnijiluselo pivluse tunnergutinik ôtaksanik, kivgaralo Hiobe tuksiutjerᴋosiuk illipsingnik. Tâmna takkonâromagapᴋo, piniarvigiluse perᴋonanga sillainisse malliklugo: nâmaktomik oᴋautigilaunginapsinga kivgaptut Hiobetut.

Imgerut 34:15

Nâlekab ijikita idluartut kamagivait, siutikitaklo nipliadlarningit.

Exodus 17:11

Imaiporlo: Mosesib aggane isâktigamigit, Israêlikut sâlaᴋalerput, agganelo kataktigamigit, Amalekiterit sâlaᴋalerput.

Exodus 9:33

Tagva Mosese Faraomit anivok iglugasaksoarnillo, agganelo isangmagit Nâlekamut kallerungnairpok nattarᴋonarungnairlunelo, silaluglo katagungnairpok nunamut.

Salomob Okâl 15:29

Nâlegak ungasikpok Gûdeᴋangitunnit; idluartulle tuksiarningit tussarpait.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 28:9

Siutiminik allartitsijok tussarnermit Malligaksauᴋojaujunik, tapsoma tuksiarninga makkojungnarniôvok.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 33:3

Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.

Jeremia 42:2

Oᴋarpullo Jeremiamut nalautaijomut: Kenunivut tôklerletôᴋ kênavit sânganut, Nâlagarlo Gudit tuksiarvigilauruk pivluta, amiakôjullo makkoa tamaita pivlugit; unuktôlauᴋtogut ikitôlerapta amiakôjogut sorlo ijîkpit takungmatigut;

Numbers 11:2

Inuillo ᴋaigarsudlarput Mosesemut, Moseselo tuksiarpoᴋ Nâlekamut, ikomalo ᴋammipoᴋ.

Mattêuse 21:22

Kenuarijaselo tamaita tuksiarnipsingne, okperupse, pilârpase tâva.

Mattêuse 3:6

Baptitaujomavlutik tâpsomunga Jordaneme kôngme, idluinitiglo kigligiksautigivlugit.

Markuse 1:5

Jûdêamiullo ilûnatik, Jerusalemiullo nelipsarpât, ilûnatik baptitaujomavlutik, tâpsomunga, Jordaneme kôngme, sagvarlugillo ajornitik.

Lukase 9:6

Aularput tagva, iglugasaktigut ingergarlutik oᴋautsiniglo tussarnertunik oᴋâlavut, ᴋanimajullo âᴋikpait ilûnâne.

Johannese 9:31

ᴋaujimavogulle, Gûdib idluitulijut tusangimagit; Gûdemigle opigosuktoᴋarpat, pijomajanganiglo piniartok, tâmna tusarpâ.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 19:18

Okpertuttauk unuktut unipkâriartorput kigligiksarlutik piniarnerilauᴋtamingnik.

Apostelit Piniarningit 8:24

Tagva Simon kiovoᴋ oᴋarlunelo: Iliptik Nâlekamut tuksiaritik pivlunga, oᴋautigijaptik naliallônêt uvamnut perᴋonago.

Rômiunut 3:10

Aglaittauᴋ imaimatta: Idluartomik inuᴋangilaᴋ atautsemiglônêt;

Rômiunut 5:19

Sorlo inûb atautsib nâlangininganut unuktut ajorneᴋartitaulermatta, taimaktauᴋ atautsib nâlangninganut unuktut idluarsititaulerput.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

I Tessalônikamiunut 5:17

Sorairase tuksiaritse.

I Tessalônikamiunut 5:23

Nangminerle Gûdib ullapirsaijub ivjornaitilise ilûnâne ilupsigut, anerniselo, tarniselo, timiselo iluêngarlutik saputijautsainarlit pidlaraksauᴋonagit Nâlegapta Jêsusib Kristûsib tikiviane.

I Tessalônikamiunut 5:25

ᴋatangutikka, tuksiarutiniartigut.

Ebrêerinut 11:4

Okpernermut Abele tunijivoᴋ tunergumik ajunginersamik Kainemit; ômangat idluarlune kigligiutauvoᴋ, Gûde tunerguserninganik kigligiutjingmat; tamattomûnalo sulle oᴋâlavoᴋ, toᴋungagalloardlune.

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

Ebrêerinut 12:13

Majanganaselo tutiniartise itikapsingnut, tusiaktotut neliat ᴋoitarᴋonago, inûlijaungârᴋovlugole.

Ebrêerinut 13:18

Tuksiarutitigut. Uvagut manigornivut imaipoᴋ, passijaksaungitomik issumaᴋarapta, idluartomiglo inônasuarapta ilûnâne.

Josua 10:12

Tagva Josuab Nalegak oᴋarvigiva uvlorme taipsomane Nalekab unertuiviane Amoriterinik Israelib ᴋittorngangita sangane, oᴋarlunelo Israelitit takkoane: Seᴋᴋinak nokᴋarit Gibeonib nallâne, taᴋᴋerlo Ajalonib naksangata nallâne!

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

I Johannesib 3:22

Sumiglônêllo tuksiarluta, tunitsivioniarpogut tâpsomangat; piᴋojangit malikaptigik, sânganilo ᴋuviagijanganik piniarluta.

I Samuel 1:12

Akkunîllo tuksiarmat Nalekab sângane, Elib tapsoma ᴋanninga kamagiva.

I Samuel 12:17

Perorsijat Weizenit kattersivingat nalliusimangilak? Uvangale Nalegak nipliarvigijomavara kalluᴋojiᴋovlugo, sillaluᴋojiᴋovlugolo, tukkisilerluselo takkoᴋovluse idluitoksoarmik Nalekab ijikita sângangne pinniarlauktapsingnik, attannermik tuksiarlaurapse.

I Samuel 12:18

Samueliblo Nalegak nipliarvigingmago, Nalegak kallerᴋojivok, sillaluᴋojilunelo uvlorme tapsomane. Tagva innugatsuit illunamasiatik Nalegak Samuelelo sivoragivakit,