Jâkobusib 4:11 - Labrador Inuttitut Heritage Bible

¹¹ Terliarᴋatainiarase ilapsingnik, ᴋatangutikka. ᴋatangutiminik terliarᴋataijub, ᴋatangutiminiglo erᴋartuijub, tâpsoma perᴋojat terliarᴋatarivait, perᴋojallo erᴋartorpait. Perᴋojanigle erᴋartuiguvit, perᴋojanik malikteolungilatit, erᴋartuijôvotille.

Jâkobusib 4:11 Iomraidhean Croise

Imgerut 140:11

Kannelik idluitomik pilloringneᴋarniangilak nuname; innuk pinniarluktok idluitok aijaliktaujomârpok ochotitaujomârlunelo.

Lukase 6:37

Pasiklerniarase, tagva pasijaunianginivose. Erᴋartuiniarase, tagva erᴋartortaunianginivose. Issumaᴋarveᴋarungnairitse, tagva issumaᴋarviojungnairivose.

Rômiunut 2:1

Taimaimat, inuk ômât! pasijaungijutiksaᴋangilatit, kinaungmangârpillônêt erᴋartujiotit; assingnik erᴋartuinernut, nangminernik erᴋartorpotit, erᴋartuijutigijarnik taimaluatsiaᴋ igvittauᴋ piniaravit.

Rômiunut 2:13

(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.

Rômiunut 7:7

Kanoᴋ tagva oᴋartuksauvitâ? Perᴋojat idluitulijutauvât? Taimaitsangilaᴋ! Ajornerle illitarilaungilara, perᴋojanut kissiani; ikliguneᴋ nalolaurapko, perᴋojat oᴋangipatta: Ikliguktuksaungilatit.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

II Korintemiunut 12:20

Sivôragama, tikikuma, ilipse pijomajaptut naipinianginapse, uvangalo pijomangitapsitut naipiniarapsinga; akunapsingnêtoᴋarniarmallo akkerartortigêktunik, anerutjijuniglo, ningartuniglo, aivajuniglo, terliaᴋataijuniglo, kiggoijuniglo, piojoridlartuniglo, pikablartuniglo.

Efêsusemiunut 4:31

Kaningaumajârneᴋ, ômisungnerlo, ningarnerlo, nipliadlarnerlo mitauteᴋarnerlo tamât ilipsingnit ungasiktisigik, idluitulinerillo tamaita.

I Timôteusemut 3:11

Taimâktauk nuliangit ilusitsiariktuksaugivut, terliaᴋataitaililutik idluartomik iliortuksauvlutik, nertornartuksauvlutiglo ilinganerne ilûnaine.

II Timôteusemut 3:3

Naglijuitunik, saimajuitunik, terliaᴋataujunik, nâmaksijuitunik, erᴋsinartunik ajungitomik naglingitunik,

Titusemut 2:3

Taimaktauk ningiut ivsornaitutitut inôniarᴋovlugit, terliaᴋataisuerlutik, vainetuluadlaratik, ajungitomik ajoᴋertuivlutik.

Jâkobusib 1:16

Tamarniarase, nagliktakka ᴋatangutikka.

Jâkobusib 1:19

Tamanna pivlugo, ᴋatangutikka naglingnartut, inuit ilûnatik atunit tussarlutik pisârlît, oᴋâlavlutigle pinasârlît, ningarlutiglo pinasârlît.

Jâkobusib 1:25

Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.

Jâkobusib 2:8

Ataniviksûb perᴋojanga (pijarialiksônerpâk) nâmaksitikupsiuk, aglait maliklugit: Inuᴋatit iliktut nagligiuk; idluartomik pivose.

Jâkobusib 5:10

ᴋatangutikka, nelautaijut Nâlekab atingane oᴋâlalauktut igjaraksariniarsigik kappiasuktitaunerme ᴋenuersârnermelo.

Jâkobusib 5:7

Tamanna pivlugo ᴋatangutikka, ᴋenuersâritse, Nâlegak tikitsiarilugo. Ahâk perorsêvilerijub perorsiat pivianartut nunamit nerriugivait, ᴋenuersârlunelo, silalutjautsiarivait uvlâkullo, unnukullo.

Jâkobusib 5:9

Anersauminiarase ilase pivlugit, ᴋatangutikka, Erᴋartortauᴋonase. Ahâk erᴋartuijok upkuamêlerpok.

I Pêtrusib 2:1

Tagva idluitulinerit tamaita allarsigik, uvêriklernerit tamaita, takkormôrnerillo, anerutjinerillo, terliaᴋatainerillo tamaita;