Jâkobusib 4:1 - Labrador Inuttitut Heritage Bible

¹ Akkerartôtinek sorsungnerlo akunapsingne nakit pivâ? Ikligunek timipse avatingine ataniotijok pitjutigingilaûk?

Jâkobusib 4:1 Iomraidhean Croise

Jeremia 17:9

Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Mattêuse 15:19

Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Rômiunut 7:23

Assianigle perᴋojamik avatimnêtomik tukkisivunga, issumama perᴋojanganut akkerartortomik; tâpsoma kivgautipânga ajornerub perᴋojanganut, avatimnêtomut.

Rômiunut 7:5

Uviningmêtiluta ikligunerit idluitulerᴋojijut, perᴋojanut ômariktitaujut, sôngolauᴋput avatiptingne, toᴋo piksaᴋartilugo.

Rômiunut 8:7

Uvingub issumanga Gûdemik ômisungniongmat; Gûdib perᴋojangit nâlagomanginamigit, saperpaillo.

Galâtsiamiunut 5:17

Uvingûb ikliguningata Anerneᴋ akkerartormago, Anernerûblo kajungersainingata uvinik akkerartorivâ. Tâpkoa taimak akkerartortigêngmanik, pijomajapsingnik aglât piniarungnangilase.

Kolossamiunut 3:5

Tamanna pivlugo avatise nunamêtut toᴋoniarsigik, imaitut: assiniarnek, maᴋojungnartulinek, kangunartomik êgiangusâdlarnek, ikligunek, pijomatudlarnerlo, Gûdiungitunik kivgartorniojok tamanna.

II Timôteusemut 2:23

Apertsûtille silaitut atungitullo allakit, nalunginangne, aivatitsituinarmatta.

Titusemut 3:3

Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Titusemut 3:9

Allakille apersûtit silainilit illagêt kinguvânginik, aivadlarnerillo akkerartûtinerillo perᴋojat pivlugit; tamakkoa piungimatta atornaratiglo.

Jâkobusib 1:14

Inugle ôktortaulerpok ikligunerminut kajumiksartauvlunelo uerisartaugame.

Jâkobusib 4:3

Tuksiaralloarpose, pititaunaselo, tuksiarnerluᴋapse, imaidluse, ikligunise nâmaksitilugit inôniaromavluse.

I Pêtrusib 1:14

Kitorngatitut nâlektutitut, iliorniaraselo taipsomanetut, nelojoᴋsôtiluse ikligunerit maliklugit inôlaurapse;

I Pêtrusib 2:11

Nagligijaujose ᴋatangutit, takorngartaujose nunagingitapsingnêtoselo inerterpapse: Uviniub ikliguninginik atortailititse, taipkoa tarne akkerartormatsuk;

II Pêtrusib 2:18

Piblingaidlartunik oᴋauseᴋaramik piungitoᴋsoarnik, uviniub ikliguningagut ivsornartulinermut kajumiksarpait imaitut, ᴋemâmakasâlertut tamarnartomut inôjunit;

II Pêtrusib 3:3

Tamannalo ᴋaujilerᴋârsiuk, uvlut kingorlingine mitauteᴋartoᴋaromârmat, ikligunermingnut inôniartunik,