Jâkobusib 3:17 - Labrador Inuttitut Heritage Bible

¹⁷ Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

Jâkobusib 3:17 Iomraidhean Croise

I Atannit 3:12

Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

I Atannit 3:9

Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?

I Kronika 22:12

Nalekab tunnitsiviginiarpâtittauk silatunermik ilisimanermiglo, Israelitillo perᴋoniarpait illingnut, malliᴋovlutit Nalekab Gûdivit perᴋojanginik.

I Kronika 22:9

Ahâk, ernît, erniangojuksak illingnut, tamna angutaujomârpok uimajangitok; uvanga merngoêrserᴋojomagapko omigijinginit avatinganêtunit tamainit; Salomomik ateᴋartuksaungmat, uvangalo ullapirsaumik, merngoêrsernermiglo tunijijomavunga Israelitinut inôsingane tamât.

Hiobe 28:12

Nanele ilisimanek nachvârtaugalloarᴋâ? Sillatunerublo inninga nanêᴋâ?

Hiobe 28:23

Gûdib apᴋosinek tâpsomunga ᴋaujimavâ, illitarilâlo inninga.

Hiobe 28:28

Oᴋarlunelo inungnut: Ahâk, sivôranek Gûdemik, tamanna ilisimaniovok; attortailinerlo idluitomik, tamanna sillatuniovok.

Exodus 36:2

Mosesiblo ᴋairᴋovait Bêsalêele Ahâlialo angutillo ilûnnaita silatujunik ômatelît, Nâlekab ômamiutaᴋartitangit silatunermik, ilâ, ilûnnaita ômatimigut kajungersartaujut sulijartoromavlutik:

Salomob Okâl 2:6

Nâlegak ilisimanermik tunnijingmat; tapsoma ᴋaninganit illitarksinek silatunerlo pivuk.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 32:6

Sillaitoᴋ sillainartomik oᴋauseᴋarpoᴋ, õmatingalo pijaksaungitomik pinasuarpoᴋ, nãmangitullijomavlune oᴋalugomavlunelo tammarnartomik Gûde pivlugo, tarnit kâktut nerᴋiksairutijomavlugit, imeruktullo imiksairutijomavlugit.

Jesaiase 40:11

Mianersijotut kattimajoᴋotine mianerivait. Saugârait kattitipait tallerminut sârdliarlugillo, saukkallo amâmaktitsijut tassiutsiarpait.

Daniel 1:17

Inôsuktulli tâpkoa sitamat Gudib silatutilugillo poᴋitipait aglalerinini tamaini ilisimanimilo: Danielilo tukkisivoᴋ takotitjutinik sinnartômaniniglo tamainik.

Mâlaki 2:9

Tamanna pivlugo naggonartilauᴋpase ariunartiluselo inôᴋatigêksuit tamaita sângine, apᴋosinikka atuatsainalaunginapsigik, inuillo kinauningit soᴋotigigapsigik perᴋojat nâlektauningine.

Mâlaki 3:3

Iksivajomârporlo auksititsilune sujungaititsilunelo silberemik, Lêviblo erningit sujungaititsomârpait, epᴋêjarlugillo goldetut silberetullo; tunergusilârpullo Nâlekamut tunergutinik nerᴋiksanik idluarnerme.

Mattêuse 23:28

Taimainivosetauk! ᴋalinipsigut idluartôjârpose inuit takoane; ilupsigulle takkormôrnermiglo idluiluktomiglo tattapose.

Mattêuse 5:8

Piloridlarput ivjornaitunik ômatilit; Gûde takojomaramitsuk.

Mattêuse 5:9

Piloridlarput ullapirsaijut; Gûdib ᴋitornganginik taijaujomârmatta.

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Lukase 6:36

Tamanna pivlugo nâpkinigitse, sôrlo Atâtase nâpkiniktôngmat.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:47

Jêsusib Natânaêl tikitine takovâ, oᴋautigivlugolo: Ahâk, tagga Israêlite idluartok, nelangaineᴋangitok!

Apostelit Piniarningit 11:24

Angut tâmna isumagiktoksôngmat, Anernermiglo ajunginermik okpernermiglo angijomik ilumertaujok. Inuillo unuktoksuit Nâlekamut pititaulerput.

Apostelit Piniarningit 9:36

Joppemele ilinniartoᴋalaukpok arnamik Tabêamik atilingmik, Grîkit taijangannik Dorᴋasemik; tâmna ajungituliᴋattalaukpok pitsiarlunelo aklujunut.

Rômiunut 12:18

Ajornangipat, inungnut tamainut ulapirsauteᴋaritse ajugaringitapsingnut.

Rômiunut 12:9

Naglingneᴋ takkormôrtailile. Ajorneᴋ ômigisiuk, ajunginerle ungagisiuk.

Rômiunut 15:14

Uvangale ᴋaujimatsiaralloarpapse, ᴋatangutikka, ilipse nangmineᴋtauᴋ ajungitomik ilumertaugapse, tamainik illisimavluse, kaiblartigêgungnarluselo.

I Korintemiunut 12:8

Ilangat illisimanartunik oᴋauseᴋarlune tunitjiviovoᴋ Anernermut; ilangalle ilitarsinermik oᴋauseᴋarlune, Anernermut tapsomungainak.

II Korintemiunut 10:1

Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.

II Korintemiunut 6:6

Ikliguktailinermik saᴋᴋertitsivluta, illisimanermiglo, kamangitsertornermiglo, pitsiarnermiglo, Anernermiglo ajunginermik, naglingnermiglo takkormôjuitomik;

II Korintemiunut 7:11

Tagga ahâk, Gûdemut kiksartitaugapse, tamanna sulilauᴋpoᴋ ilâ ilupsingne katsungainermik, akiornermiglo, sinaunganermiglo, erᴋsinermiglo, ᴋilanârnermiglo, ilungertornermiglo, pidlarningnermiglo; tamakkonunga tamainut nelunailivose, ilangiutilaunginapse idluitulinermik taipsominga.

II Korintemiunut 9:10

Karngasoijomulle tunijijoᴋ karngasûtinik, ᴋaᴋᴋôjaniktauᴋ nerᴋiksanik tunijijomârivoᴋ, karngasûtiselo unuksivalliatitsomârpait aglivalliatilugillo idluarnipse perortitangit.

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

I Tessalônikamiunut 2:7

Kristûsib Apostelingititut oᴋumaititsinajartuksaulauralloarpogut ilipsingnik; anânatulle najulauᴋpapse, sôrlo arnab amâmaktitsijub ᴋitorngane pairingmagit.

I Timôteusemut 5:21

Gûdib, Nâlekablo Jêsusib Kristûsib Engelillo anerimajut takoane pivagit, nâleᴋovlutit tamakkoninga tamainik, issumangnik pinak, naliallônêt mânetuinak ilannârinersarinago assianit.

II Timôteusemut 2:24

Nâlekable kivganga aivasungutailijuksauvok, tamainulle inôtsiarlune, ajoᴋertuinermik pitsiarlune; ningarosuktunik kamangitsertorungnarlune ᴋenuersârnermut;

Titusemut 1:15

Ivsornaitune ilûnatik ivsornaiput; ivsornartunulle okpingitunullo ivsornaitoᴋangilak, erᴋarsautingille issumangillo tamarmik ivsornadlarput.

Titusemut 3:2

Kimiglônêt mitauteᴋaratik, akkerartortaililutik, inôtsiarlutik, ningarosujuinermik sakᴋertitsilutik inungnut tamainut.

Ebrêerinut 12:11

Sugiartaunerille ilûnatik atortilugit ᴋuviasûtiksaunasugingilavut, kiksautigivavulle; kingornganele tamakkonunga illisimatitaujut, ullapirsarnartomik idluarniksamik tunitsiviginiarpait.

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.

Jâkobusib 2:4

Nâmaktomik issumaginajangilase tamanna; erᴋartuijôlertosele, idluitomik adsigêngititsivluse.

Jâkobusib 3:15

Ilisimanerle tamanna pângat pingilak nunamille, inungnit, Sâtanasemillo.

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

I Pêtrusib 2:1

Tagva idluitulinerit tamaita allarsigik, uvêriklernerit tamaita, takkormôrnerillo, anerutjinerillo, terliaᴋatainerillo tamaita;

I Pêtrusib 2:18

Ilipse kivgaujose nâlekat nâlengniarsigik kuksasutsiarluse; ajungitut issumagiktullo kissêtaungitoᴋ, issumagingitulletauᴋ.

I Johannesib 3:18

Kitorngârsukka, oᴋausituinarmut, oᴋatuinarmullônêt naglingniarata; piniarnirmulli miksiᴋârnimullo pita.

I Johannesib 3:3

Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.