Jâkobusib 3:1 - Labrador Inuttitut Heritage Bible

¹ ᴋatangutikka, ilûnatiungitok ajoᴋertuijôjomaniaratik, ᴋaujimagapta, anginersamik tagva erᴋartortaujomârapta.

Jâkobusib 3:1 Iomraidhean Croise

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Mâlaki 2:12

Inuk taimailiortoᴋ Nâlekab pêjaivigilârpâ erᴋomajomiglo kiojomiglo Jâkob tupinginit, tunergutimiglo nerᴋiksamik tunergusertomik Nâlekamut Zebaotemut.

Mattêuse 10:24

Ilinniartok ilinniartitsijiminit anginersaungilak, kivgarlônêt nâlekaminit anginersaunginivok.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.

Mattêuse 23:14

Kappianamêk ilipse, aglangnik ilisimajut Farisêerillo, takkormôrtose! Uigarnerit pingit nungunapsigik, takijunik tuksiarutinik tuksiarutsomavlugit oᴋartose! Taimâk pivlugo pitlartaunersaujomârpose.

Mattêuse 9:11

Farisêerit tamanna takogamitsuk, ilinniartingit oᴋautivait: Sôᴋ ajoᴋertortipse pimaklertit idluitulijullo nerreᴋatigivagît?

Lukase 16:2

Angajoᴋângatalo ᴋaiᴋovâ oᴋautivlugo: Tussartara ilingnik ᴋanok ilingavâ? Pimajatit katiniakit nalonaililugillo; mattoma kingorngane pimaklerungnaituksaugavit perᴋutimnik.

Lukase 6:37

Pasiklerniarase, tagva pasijaunianginivose. Erᴋartuiniarase, tagva erᴋartortaunianginivose. Issumaᴋarveᴋarungnairitse, tagva issumaᴋarviojungnairivose.

Johannese 3:10

Jêsusib kiovâ oᴋautivlugolo: Isrâêlitine ajoᴋertuijôvêt, tamanalo ᴋaujimanagô?

Apostelit Piniarningit 13:1

Antiochiamele ilagêktune nalautaijoᴋalaukpok ajoᴋertuijoᴋarlarmelo; tâpkoa tagva Barnabase, Simonelo, Nigeremik taijak, Luziuselo Zirênemiok, Manahenelo, Herôdesib ataniub inugoijaumaᴋatinga, Sauluselo.

I Korintemiunut 12:28

Gûdiblo illagêktune kivgartorᴋolaukpait sivorlermik Apostelit, aipanganik nelautaijut, pingajuanik ajoᴋertuijut, tungâgut tatamnartulijut, tungâgut inûliklernermik tunergutilit, ikajortuksallo, ataniotijullo, oᴋautsiniglo (ingmigolingajunik) sunatuinarnik oᴋâlajut.

II Korintemiunut 5:10

Ilûnata saᴋᴋijartuksaugapta Kristûsib erᴋartuiviksangata sângane, ilûnata atunit akkiniartaulerᴋovluta iliorniptingnik timeme inôtiluta, ajungitomiglônêt ajortomiglônêt.

Efêsusemiunut 4:11

Tâpsomalo illangit Apostelingortilauᴋpait, illangille nelautaijungortilauᴋpait, illangit oᴋautsinik tussarnertunik oᴋâlajungortilugit, illangit pairsijungortilugit, ajoᴋertuijungortilauᴋpaillo.

I Timôteusemut 1:7

Ajoᴋertuijôjomagamik perᴋojanik, oᴋautsitiglônêt oᴋautigijaksatiglônêt tukkisinagit.

I Timôteusemut 2:7

Tamattominga oᴋâlajungortitauvlungalo Apostelingortitaujunga, (nelâgôrtomik oᴋarpunga Kristûseme, saglunanga) nalojunik ajoᴋertuijungortitaujunga, okpernermelo mikseᴋarnermelo.

II Timôteusemut 1:11

Tamattominga perᴋojauvunga oᴋâlajuksaulunga, Aposteleojuksaulungalo, nalojunullo ajoᴋertuijôjuksaulunga.

Ebrêerinut 13:17

Ajoᴋertortise nâleklugillo malingniarsigik; udsertormatta tarnipsingnik, akiortuksauvlutik tâpkoa pivlugit; taimailiorᴋovlugit ᴋuviasuklutik, anersauminatik; tamanna idluatsangimat ilipsingnut.

Jâkobusib 1:16

Tamarniarase, nagliktakka ᴋatangutikka.

Jâkobusib 1:19

Tamanna pivlugo, ᴋatangutikka naglingnartut, inuit ilûnatik atunit tussarlutik pisârlît, oᴋâlavlutigle pinasârlît, ningarlutiglo pinasârlît.

Jâkobusib 3:10

ᴋanermit atautsemit anijoᴋarpok nertordlernermiglo Piluktauᴋojinermiglo. ᴋatangutikka, taimaituksaungilarle.

I Pêtrusib 5:3

Gûdib inuᴋotinginut ataniotijomajutitut pinase, igjaraksaunialeritsele katimgajunut.