Jâkobusib 2:8 - Labrador Inuttitut Heritage Bible

⁸ Ataniviksûb perᴋojanga (pijarialiksônerpâk) nâmaksitikupsiuk, aglait maliklugit: Inuᴋatit iliktut nagligiuk; idluartomik pivose.

Jâkobusib 2:8 Iomraidhean Croise

I Atannit 8:18

Nâlegarle oᴋalaukpok atâtamnut Davidemut: Isumaᴋaravit atera iglolioromavlugo, nâmaktullilaukpotit tamattominga kajusilauravit.

II Atannit 7:9

Tagvale ingminut oᴋautiutivut: Taimailiorniarata, uvlok tamanna uvlôvok taigotaksalik ajungitomik; angigutiguptigo tamanna uttakilutalo ᴋaulermarikârtinago, tagva pitlartauniksarsiniarpogut. Tagvalo manna ᴋaititse, ailerlutalo, nallojungnaititsilutalo tamattominga atanniub iglungane.

Leviticus 19:18

Inôᴋativit ᴋitornganga akkiniarvigijaksaringilat ilulugviginagolônêt, inôᴋatille nagligijaksarivat iliktut; Uvanga Nâlegauvunga.

Leviticus 19:34

Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.

Jona 4:4

Nâlegarlo oᴋarpoᴋ: Ningarnît idluarᴋa?

Jona 4:9

Gudiblo Jôna oᴋautivâ: Idluarᴋâ ningaravit perortoᴋ pivlugô? tâmnalo kiovoᴋ: Idluartuinarpoᴋ ningadlaruma toᴋo tikidlugo.

Mattêuse 22:39

Aipangale tâpsotunaᴋ-ipok: Inuᴋatingnik iliktut nagliktuksauvotit.

Mattêuse 25:21

Tagva ataningata oᴋautivâ; Nâmagivagit, issumagiktotit nertornartotillo kivgak, ikitunik nertornardlutit atulauravit; pimajingortitsomavagit unuktunik: Nâlekavît ᴋuvianarninganut iterit!

Mattêuse 25:23

Ataningata oᴋautivâ; Nâmagivagit, issumagiktotit nertornartotillo kivgak, ikitunik nertornardlutit atulauravit; pimajingortitsomavagit unuktunik: Nâlekavît ᴋuvianarninganut iterit!

Mattêuse 7:12

Tamainik piniarviojomanipsingnik inungnut, tamakkoningatauk piniarvigisigik; tamadja perᴋojat nalautaijullo aglangit.

Rômiunut 13:10

Naglingnerub inuᴋatine idluitulivigingilâ, taimaimat naglingneᴋ tagva perᴋojat nâmaksijaujutingat.

Galâtsiamiunut 5:14

Perᴋojat ilûnatik nâmaksititaungmatta oᴋautsemut atautsimut, mattomunga: Inuᴋatit iliktut nagligiuk.

Galâtsiamiunut 6:2

Ikajortigêngniaritse oᴋumaitoᴋarangapse, taimaidluse Kristusib perᴋojanga nâmaksitiniarpase.

Filippimiunut 4:14

Idluartomigle pivose, kiksartilunga issumagilaurapsinga.

I Tessalônikamiunut 4:9

Naglingnermigle ᴋatangutinik aglagvigijariaᴋangilapse, nangmineᴋ Gûdemut ajoᴋertortaugapse nagliktigêrᴋovluse.

Jâkobusib 1:25

Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.

Jâkobusib 2:12

Taimak oᴋâlatitse, taimaktauk piniaritse, erᴋartortaujomârtutitut perᴋojanut kivgaujungnaititsijunut.

Jâkobusib 2:19

Atautsemik Gûdeᴋartomik okperpotit: idluartomik Taimâk pivotit; Sâtanasittauk tamattominga okperivut sajuklutiglo.

Jâkobusib 4:11

Terliarᴋatainiarase ilapsingnik, ᴋatangutikka. ᴋatangutiminik terliarᴋataijub, ᴋatangutiminiglo erᴋartuijub, tâpsoma perᴋojat terliarᴋatarivait, perᴋojallo erᴋartorpait. Perᴋojanigle erᴋartuiguvit, perᴋojanik malikteolungilatit, erᴋartuijôvotille.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.