Jâkobusib 2:5 - Labrador Inuttitut Heritage Bible

⁵ Nâlagitse, nagliktakka ᴋatangutikka: Silaksoarme mattomane aklujut, okpernermik akluilutik Gûdib anerilaungilagît, kingormgujeᴋovlugit nâlegauvingmik, nagliktiminut angerutigijaminîk?

Jâkobusib 2:5 Iomraidhean Croise

I Atannit 22:28

Micha oᴋarpok: Ullapirsauteᴋarlutit utterniaruvit, tagva Nâlegak uvapkut oᴋalaungilak. Oᴋarporlo: Tusaritse inugasaksojose ilûnnase!

Hiobe 34:10

Tamanna pivlugo tussarnârsinga, inojose ilisimajose: Tamanna ungasigle, Gûde idluilune piniartuksaunajarmat, ajugaᴋangitorlo idluartaililune;

Hiobe 34:19

ᴋanok sungiluartomik tâpsomunga, atannît kinauninginnik kamalungitomut, ânanaudlartomiglo anginersautitsilungitomut aklujomit; aggangita ilûnaita sanajaringmagit.

Hiobe 38:14

“Ablatsângorᴋovlugo machaktut nippinerᴋutiksatut, nangerᴋovlugillo tagvane annorâktut.

Exodus 20:6

Nâpkiningnermigle sakᴋertitsivunga tausendeoᴋatartune nagligijimne perᴋojamniglo nâlaktune.

Salomob Okâl 13:7

Ilangat akluvok perᴋuteᴋaralloarlune unuktunik; ilangillo akluipok aklugalloarlune.

Salomob Okâl 7:24

Taimaimat nâlaksinga ᴋitorngakka, ᴋanermalo oᴋausingit kamagitsiarsigik.

Salomob Okâl 8:32

Taimaimat Nâleksinga mânna ᴋitorngakka; pilloridlarput apᴋotimnik ivlersijut.

Jesaiase 14:32

Kanorlo innugasaᴋsuit tillijangit kiojomârᴋagît? Imâk: Nâlekab Zione tunganelivâ, tagvanelo sapputjauviksaᴋaromârput inuᴋotingita ajulertoᴋotingit.

Jesaiase 29:19

Ajulertullo ᴋuviasûteᴋaromârput Nâlekame, aklujullo inuit akkornganne serridlaromârput ivlernartitome Israêlikkune,

Sefania 3:12

Ilingnele amiakoᴋartitsijomârpunga inungnik nikanartunik aklujuniglo, tâpkoalo Nâlekab atinga tatigijomârpât.

Saggaria 11:11

Serᴋomitaulaukporlo uvlorme tâpsomane: saukallo ajulernerpât uvamnik kamatsiartut misigidlarput Nâlekab tamanna oᴋauseringmago.

Saggaria 11:7

Taimaimat saukat toᴋotaksat nerripkarpakka, saukat ajulernerpât. Tigusivungalo ajaupiârnik maggûngnik, aippangalo taivara Inornartomik, aipâlo Kelarutinik; saukallo nerripkarpakka.

Mattêuse 11:5

Tautungitut tautulerput, tussiaktullo pisulerput, kaladlartut kalagungnairput, tussângitut tussalerput, toᴋungajut ômarput, aklujullo oᴋautjauvut oᴋautsinik tussarnertunik.

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Markuse 7:14

Inuillo tamaita ingminut ᴋaiᴋovait, oᴋautivlugit: Tamapse nâleksinga ômamigisiuglo.

Lukase 12:21

Taimâk ilingavut perᴋutinik katersoijut, akluinatiglo Gûdeme.

Lukase 12:32

Erᴋsiniarase, ilagêktuarsuit: Atâtapse idluaringmago tunitsivigivluse nâlegauvingminik.

Lukase 16:22

Aklujorlo toᴋungmat, Engelit âpât Abrahab sânganut. Akluitorle toᴋogivok, iluvertauvorlo.

Lukase 16:25

Abrahable oᴋautivâ: Ernîk, erᴋaumagit, inôtilutit ajungijutitit pilaurangne: Lazarusele kappiaktoadlalauktok mâna manigortauvok, igville âniatitauvotit.

Lukase 22:29

Nâlegauviglo tunijomavara ilipsingnut, sorlo Atâtama ᴋailaungmago uvamnut.

Lukase 6:20

Ilinniartinelo ijîngminut takunârpait, oᴋarlunelo: Piloridlarpose aklujose, Gûdib nâlegauvia pigilerapsiuk.

Johannese 7:48

Angajoᴋât Farisêerillônêt ilangata okperivaûk?

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Rômiunut 8:17

Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

I Korintemiunut 2:9

Sorlole aglaksimangmat: Ijib atautsiblônêt takolaungitanga, siutiblo atautsiblônêt tussalaungitanga, inûblo atautsiblônêt ômatingata issumagilaungitanga, tamanna Gûdib âkiksulaukpâ nagliktiminut.

II Korintemiunut 4:15

Tamaita taimaidlarmatta ilipse pivluse, saimanersoaᴋ unuktut ᴋujalininginut angidlarᴋovlugo, Gûde angijomik nertortauᴋovlugo.

II Korintemiunut 6:10

Kiksartutitut ᴋuviasutsainartogulle; aklujutitut, unuktunik akluititsigalloartogut; peᴋangitutitut, tamainigle piksaᴋaralloartogut.

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

Efêsusemiunut 1:18

Illisimanipsigut ijeᴋartitauᴋovluse ᴋaumarsarsimajunik, nelojungnairᴋovluse ᴋaiᴋojaumajut nerriugijaksanginik, kingormgutijaksaniglo ânanaudlartunik akluiniliksôjunik ivjornaitune,

Efêsusemiunut 3:8

Uvanga ivjornaitunit tamainit mingnerpângojunga, saimarsaumik tamattominga tunitsiviovunga, nalojunut oᴋâlaᴋovlunga Kristusib akluininganik inornartomik;

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

II Tessalônikamiunut 1:5

Tamanna nalunaikutauvoᴋ, Gûde idluartomik erᴋartuijomârmat, ilipselo Gûdib nâlegauvinganut âniatitaujutigijapsingnut (iterungnarluse) sapingititaujomârapse.

I Timôteusemut 6:18

Pitsiarnerᴋovlugit, ajungitulinermiglo akluiᴋovlugit, ᴋununatik tunijerᴋovlugit ikajorᴋovlugillo assimingnik;

II Timôteusemut 4:18

Nâlekablo piuliniarpânga ajortunit tamainit, ikajorlungalo nâlegauvingminut ᴋilangmêtomut. Tâmna nertortaule issoᴋangitomit issoᴋangitomut. Amen.

II Timôteusemut 4:8

Ilâ mâna idluarnerub niaᴋôtâ ilimavok piksamnut, Nâlekab idluartomik erᴋartuijub tunijomârtanga uvamnut uvluksame ipsomane; uvamnutuinaungitorle, ilûnainulletauk sakᴋerninganik ᴋuviasûteᴋartunut.

Ebrêerinut 11:26

Mitautaunerlo Kristuse pivlugo akluijutaunasugiluarpâ Egiptenib perᴋutivaksoanginit: akkiksaᴋ issumagigamiuk.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

Jâkobusib 1:16

Tamarniarase, nagliktakka ᴋatangutikka.

Jâkobusib 1:19

Tamanna pivlugo, ᴋatangutikka naglingnartut, inuit ilûnatik atunit tussarlutik pisârlît, oᴋâlavlutigle pinasârlît, ningarlutiglo pinasârlît.

Jâkobusib 1:9

ᴋatangulle nikanarsârtok nertôtile ivlernarnerminik;

I Pêtrusib 1:4

Asserojuitomik, ivsornangitomiglo, ᴋunulijuitomiglo kingormgutijaksaᴋarᴋovluta, ᴋilangme ᴋumergutaumajomik.

II Pêtrusib 1:11

Taimâglo angijomik tunitsiviojomârpose iterviksamik Nâlegapta Piulijiptalo Jêsusib Kristûsib nâlegauvinganut issoᴋangitomut.

Takotitaunermik 2:9

Piniarnitit ᴋaujimavakka, kappiasungnîllo aklunîllo (akluigalloartotit), mitautaunîllo oᴋartunut Jûdionermingnik taimainatiglo, Sâtanasible ajoᴋertuivinganut ilingavut.

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.

Takotitaunermik 3:18

Perᴋovagit tagva, goldemik ikomamut sujungaititaumajomik pisiniarᴋovlutit uvamnit, akluilerᴋovlutit, ᴋaᴋortaniglo annorânik atitilutit, annorâᴋanginivît kangunarninga sakᴋerᴋonago, ijîkiglo mingoakik ijisiumut, tautoᴋovlutit.

Idluarsaijut 9:7

Tamânna oᴋautigijaulaungmat Jotamemut, aivok nangeriartorlunelo ᴋakᴋab Grisimib kôtsiktoninganut, nippinelo kagvarpa, ᴋaigarsuklunelo oᴋarpok tapkonunga: Tussarsinga angutiojose Sicheme, Gûde tussarᴋovlugotauk illipsingnik:

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.

I Samuel 2:8

Tapsoma ajoksartok ᴋagverpa sannermit, aklujorlo ᴋakᴋitipa akkilupiamit, pititsomavlugo attannit akkornganut, kingormgujiᴋojomavlugolo opigijaunerub iksivautanganik. Nalekab nunab sukangit pigingmagit, sillaksoarlo pitilaukpa tapkonunga.