Jâkobusib 2:19 - Labrador Inuttitut Heritage Bible

¹⁹ Atautsemik Gûdeᴋartomik okperpotit: idluartomik Taimâk pivotit; Sâtanasittauk tamattominga okperivut sajuklutiglo.

Jâkobusib 2:19 Iomraidhean Croise

Jesaiase 43:10

Illipse kigligiudsijôvose pivlunga, oᴋarpoᴋ Nâlegaᴋ, kivgaralo anerijara, ᴋaujilerᴋovluse okperᴋovluselo uvamnut tukkisilerᴋovluselo, uvangaugama. Sivunipkut Gûdeojomik pijoᴋangilaᴋ, kingunipkullo pijoᴋaromânginivoᴋ.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 44:8

Sivoraniarase erᴋsiniaraselo! Sivorngane tamattominga ᴋaujitilungilapsê tussartilluselo? Illipse kigligiudsijôvose. Assimnik Gûdeᴋarᴋâ? Kairtoᴋangilaᴋ, assimnik ᴋaujilungitunga.

Jesaiase 45:6

Seᴋinerub nuivianit nippivianut missigilerᴋovlugit, assimnik pijoᴋatsangimat. Uvanga Nâlegauvunga, assimnik Nâlegaᴋangilaᴋ.

Jesaiase 46:9

Itsarnitat, mattoma sivorngagut pijoᴋartut erᴋaumalersigik! Uvanga Gûdeovunga, assimniglo peᴋangilaᴋ, Gûdeovunga, uvaptut-itoᴋangilaᴋ.

Jona 4:4

Nâlegarlo oᴋarpoᴋ: Ningarnît idluarᴋa?

Jona 4:9

Gudiblo Jôna oᴋautivâ: Idluarᴋâ ningaravit perortoᴋ pivlugô? tâmnalo kiovoᴋ: Idluartuinarpoᴋ ningadlaruma toᴋo tikidlugo.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Mattêuse 8:29

Ahâglo, nipliadlarlutiglo oᴋarpuk: Jêsuse, Gûdib erninga, suniarpitigûk? Naliuterᴋârtinago kappiasuktitsartorpitigûk?

Markuse 1:24

Adjai! suliniarpitâ ilingnut, Jêsuse Nazaremiôk? asseroriartorpaptigut; kinaujotit ᴋaujimagapkit, Gûdib ivsornaitoᴋotigingmatit.

Markuse 12:29

Jêsusib kiova: Perᴋojanit tamainit anginerojoᴋ imaipoᴋ: Ahâk, Israêle, Nâlegaᴋ Gûdivut Gûdetôvoᴋ.

Markuse 5:7

Suniarpagît, Jêsuse, Gûdib ᴋotsingnerub Erningâ? tuksiarvigilutit Gûdib sângane oᴋaupagit: kappiasuktitserᴋonak uvamnik.

Markuse 7:9

Oᴋautivaillo: Gûdib perᴋojangit atorungnaitsiartipase, ilusekulluse maligomavlugit.

Lukase 4:34

Oᴋarpok: Adjai, suliniarpitâ ilingnut, Jêsuse Nazaremiôk? Asseroriartorpitigût? Kinaujotit ᴋaujimagapkit, Gûdib ivjornaitoᴋotigingmatit.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Apostelit Piniarningit 16:17

Tâpsoma Pauluselo uvagullo ilûnânut malikpâtigut, ᴋaggudlarlunelo oᴋarpok: Gûdib ᴋotsingnerpângojub inuit ukua kivgarivait; tâpkoa oᴋautivâse apᴋomik piloringnermut.

Apostelit Piniarningit 19:15

Anernerle ajortoᴋ kiovok oᴋarlunelo: Jêsuse ilitarivara, Pauluselo nalunginivara; ilipsele kinauvisê?

Apostelit Piniarningit 24:25

Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.

Rômiunut 3:30

Gûde atauseongmat, kipimajunik idluarsititsijoᴋ okpernermut, kipimangituniktauᴋ (idluarsititsingmijoᴋ) okpernermut.

I Korintemiunut 8:4

Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Galâtsiamiunut 3:20

Pijitsertorle atausênarmut pijitsertôlungilaᴋ; Gûdele atausênauvoᴋ.

Deuteronomy 6:4

Omat, Israêl; Nâlegak Gûdivut Nâlegaujotôvok;

I Timôteusemut 2:5

Gûde atausiongmat, atausiogivok pijitsertok Gûdeme inungnelo, tagva inuk Kristûse Jêsuse;

Jâkobusib 2:8

Ataniviksûb perᴋojanga (pijarialiksônerpâk) nâmaksitikupsiuk, aglait maliklugit: Inuᴋatit iliktut nagligiuk; idluartomik pivose.

Jûdasib 1:4

Inuit illangit pingitsertorlutik illaungmatta, taipkoa pivlugit sivunivaᴋsoangagut aglaksimavoᴋ, tamattomûna pidlartaujomârmatta; Gûdeᴋaromangitut pivakka, Gûdipta saimarsautâ atornerlukamitsuk kangunartoᴋsoarmut, misiarutigilugolo Nâlegavitôjoᴋ Gûde Nâlegavut Jêsuse Kristûse.

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.