Jâkobusib 2:12 - Labrador Inuttitut Heritage Bible

¹² Taimak oᴋâlatitse, taimaktauk piniaritse, erᴋartortaujomârtutitut perᴋojanut kivgaujungnaititsijunut.

Jâkobusib 2:12 Iomraidhean Croise

Lukase 4:18

Nâlekab Anerningata najorpânga, taimaimat mingoalaukpânga, tililarmalo oᴋautsinik tussarnertunik oᴋâlaᴋovlunga aklujunut, inûliklerᴋovângalo serᴋomisimajunik ômatilingnik, parngnanairsimavingmêtullo aniviksanginik ᴋaujitilugit, tautungitullo tautulerᴋovlugit, kappiasuktullo kappiasugungnairᴋovlugit ajorungnairᴋovlugillo,

Johannese 8:32

Mikseᴋârnerlo ilitariniarpase. mikserᴋârnerublo kivgaujungnaitiniarpâse.

Galâtsiamiunut 6:2

Ikajortigêngniaritse oᴋumaitoᴋarangapse, taimaidluse Kristusib perᴋojanga nâmaksitiniarpase.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

Jâkobusib 1:25

Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.

Jâkobusib 2:8

Ataniviksûb perᴋojanga (pijarialiksônerpâk) nâmaksitikupsiuk, aglait maliklugit: Inuᴋatit iliktut nagligiuk; idluartomik pivose.