Jâkobusib 2:1 - Labrador Inuttitut Heritage Bible

¹ ᴋatangutikka, issumaniarase, okpernek Jêsuse Kristûsemut, ânanaunerub Nâleganganut, inûb kinausinganik kamaᴋojingmat.

Jâkobusib 2:1 Iomraidhean Croise

II Kronika 19:7

Tamanna pivlugo sivuranek Nalekamik illipsingnêle, udsertutsiaritse pinniarluselo, Nalekame Gudiptingne idluineᴋalungilak, kammangineᴋangilarlonêt innub kinauninganik, illalliorneᴋangilarlo pilliutinik.

Salomob Okâl 24:23

Tamakkoa kamagijaksauvuttauk ilisimajunut: Inûb kinauninga kamagilugo erᴋartuivingme nâmalungilak.

Salomob Okâl 28:21

Inûb kinauninga kamagilugo nâmalungilak; taimailiortok idluitullinajarpok, tamoînak ᴋakᴋojamit pitjutigillugo aglât.

Leviticus 19:15

Idluarsainerme idluitulijuksaungilatit; aklujûb kinauninga naggogijaksaringilat, pitsartujûblo kinauninga opiginago; idluarnermele inôᴋatit idluarsaraksarivat.

Mattêuse 22:16

Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.

Apostelit Piniarningit 10:34

Pêtrusible ᴋanine angmalerpâ oᴋarlunelo: Mâna kiglilingmik tukisivunga, Gûdib inuit nalîllônêt nachogingimagit;

Apostelit Piniarningit 20:21

Jûdillo Grîkillo oᴋautilaukpakka, sâgiarᴋovlugit Gûdemut, okperᴋovlugillo Nâlegaptingnut Jêsuse Kristusemut.

Apostelit Piniarningit 24:24

Uvlulle ilangit nângmatta Fêlikse tikilerpok nuliane Drusilla Jûdiojoᴋ ilagilugo, Pauluselo ᴋaiᴋolerpâ, tusalâllo, oᴋâlatilugo okpernermik Kristusemut.

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Rômiunut 1:11

Kipiniarama takojomavluse, tunergumik anernelingmik aitortoromavluse, nakoᴋsititaulerᴋovluse;

I Korintemiunut 2:8

Silaksûb mattoma angajoᴋângita, atautsiblônêt, tamanna illitarilaungilât; illitarilaurunitsuk, Nâlegak ânanaujoksoak kikiaktorajalaungilât saningajolingmut.

Deuteronomy 1:17

Inûb kinauninga kamagijaksaringilase idluarsainerme; mikijok angijorlo adsigêktomik tusaraksarivase; sivôrajuksaungilase inûb kênanganik, idluarsaineᴋ Gûdib pigingmago; pitjutillo oᴋumaigijase uvamnut ᴋaitaksarivase, tusaromavakkalo.

Deuteronomy 16:19

Idluarsaineᴋ mumigaksarilungilat; inuit kinauningit kamagijaksaringilatit; piliusianik tigusijuksaungilatit, piliusiat silatojut ijingit takpêtingmagit, mumiklugillo idluartut pitjutingit.

Kolossamiunut 1:4

Okpernipsingnik Kristûse Jêsusemut, nagligosungnermiglo ivjornaitunut tamainut, tussaumagapta;

I Timôteusemut 1:19

Okperneᴋarᴋovlutillo, passijaksaungitomiglo ilumiuteᴋarlutit; tamanna ilangita pingudlarpât, okpernermik umiolerdlutik.

I Timôteusemut 5:21

Gûdib, Nâlekablo Jêsusib Kristûsib Engelillo anerimajut takoane pivagit, nâleᴋovlutit tamakkoninga tamainik, issumangnik pinak, naliallônêt mânetuinak ilannârinersarinago assianit.

Titusemut 1:1

Pauluse, Gûdib kivganga, Jêsusible Kristusib Apostelinga, Gûdib anerijangita okperningit pivlugit, illitarijauᴋovlugolo mikseᴋârnek Gûdemik nâleᴋojijok,

Titusemut 2:13

Nerriugijaksak piloringnartok, Gûdiviksûblo piulijipta Jêsusib Kristûsib sakᴋerniksanga ânanaudlartok utaᴋilugo;

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Jâkobusib 1:16

Tamarniarase, nagliktakka ᴋatangutikka.

Jâkobusib 1:19

Tamanna pivlugo, ᴋatangutikka naglingnartut, inuit ilûnatik atunit tussarlutik pisârlît, oᴋâlavlutigle pinasârlît, ningarlutiglo pinasârlît.

Jâkobusib 2:3

Kamagilerupsiuglo annorâtsiariktok oᴋarvigilugolo: Maunga igvit ingitit ânanaunersamut; aklujomullo oᴋarupse: Ingane igvit nangilerit, maungalônêt itikamnut ingitit;

Jâkobusib 2:9

Adsigêngititsigupsele inungnik, idluitulivose, tapatojoksôjutitullo perᴋojanut pidlartauniarpose.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.

Jûdasib 1:16

Tâpkoa avamudlarlutik passiklitsainarput, ikligunitik maliklugit arvertarlutik; ᴋaningillo piblingaitunik oᴋâladlarput, adsigêngititsivlutik inungnik, perᴋutiniaromamut.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.